بسم الله الرحمن الرحيم

Роя газетаси:

Ливия: БМТ миссияси билан Вифоқ ҳукумати Триполига қайтиш билан учта вазирлик очади

Ўз фаолиятини тўхтатиб, Тунисни тарк этган БМТ мулозимлари орадан бир ярим йилдан зиёд вақт ўтиб, Ливия пойтахти Триполига қайтишди. Бу ҳақда ўтган якшанба куни БМТнинг Ливиядаги миссияси раиси Мартин Коблер маълум қилди.

Коблер Триполида берган матбуот конференциясида Франс Пресс ахборот агентлигига «БМТ мулозимлари Триполида ҳафтада беш кун бўладилар», дея жавоб қилди, сўнг «БМТ Триполига қайтди», дея қўшимча қилди.

У «Бугун сафар бўлмайди, мен Триполини зиёрат қилиш учун қайтганим йўқ, мен аллақачон Триполи ишчисига айланганман», деди. У ўзининг миссияси ливиядаги сиёсий томонлар ва жамиятнинг барча қатламлари билан доимий алоқа ўрнатишни талаб қилишига ишора қилиб ўтди.

Миссия мулозимларидан жуда кўпчилиги Ливияни 2014 йил ёзида бошланган уруш мобайнида тарк этишган ва фаолиятини Тунисга кўчирган. Бу уруш қуролли гуруҳларнинг Фажри Ливия номи остида коалиция тузишлари билан ниҳоя топган.

Европа давлатларидан бир нечтаси келаси босқичда Триполида қайта элчихоналарини очишни билдирди.

Ўтган якшанба куни Ливия миллий Вифоқ ҳукумати раиси ўринбосари Аҳмад Муайтиқ унинг ҳукумати душанба куни Триполида учта қароргоҳ очажагини эълон қилди. Бу ҳукумат фаолиятининг денгиз базасидан пойтахтдаги ўзининг расмий қароргоҳига амалда биринчи бор кўчиши ҳисобланади.

Муайтиқ БМТнинг Ливиядаги миссияси раиси Мартин Коблер билан бирга Триполида берган матбуот конференциясида Франс Пресс ахборот агентлиги берган саволга жавоб берар экан, жумладан бундай деди: «Биз ҳукуматнинг асосий қароргоҳларини қайтариб олишга ҳаракат қиляпмиз, ҳозир олтитадан зиёд қароргоҳ топширилишга тайёр турибди, улардан учтаси эртага топширилади ва бу маъмурий тартибда амалга ошади», деди. Бу уч вазирлик коммунал-тураржой, ёшлар ва спорт ҳамда ижтимоий масалалар бўйича вазирлик ҳисобланади. (Франс 24).

Роя газетаси шарҳи:

Очиқ маълумки, Саррож ҳукумати Европа давлатлари томонидан, хусусан, Британия, Франция, Германия ва Италия томонидан қаттиқ қўллаб-қувватланади. Буни Италия ташқи ишлар вазири Паоло Жентилонининг 2016 йил 12 апрел сешанба куни қилган Ливия пойтахти Триполи сафаридан ҳам тушуниш мумкин. У сафари чоғида халқаро ҳамжамиятнинг бирламчи вазифаси Файз Саррож раҳбарлигидаги миллий Вифоқ ҳукуматига ёрдам беришдан иборатлигини таъкидлар экан, бундай деди: «Италия миллий Вифоқ ҳукуматини қўллаб-қувватлайди (…), чунки бу билан Ливия барқарорлиги олдида имкониятлар очилади, шундагина биз одам савдоси, контрабанда ва терроризм масаласида ҳамкорлик қила олишимиз мумкин, мақсадимиз Ливия барқарорлиги йўлида унинг ҳукуматига ёрдам беришдир». Италия ташқи ишлар вазирининг икки кунлик сафари ортидан Британия, Франция, Испания элчилари Ливия пойтахтига келиб, Ливия ҳукуматини қўллаб-қувватлашларининг тасдиқи сифатида қисқа муддатли сафар уюштирдилар. Ўтган шанба эса Триполига Франция ташқи ишлар вазири Жан-Марк Эйро билан унинг германиялик ҳамкасби Франк-Вальтер Штайнмайер келиб, Ливия миллий Вифоқ ҳукуматига ҳамда халқаро ташкилотларга, хавфсизлик кучлари ва тезкор армияга мурожаат йўллади.

Икки вазир сафарлари сўнггида ўз ҳукуматларининг Файз Саррож раҳбарлигидаги ҳукуматнинг ўз хавфсизлигини қайта ўрнатиб, терроризмга қарши кураш имкониятига эга бўлиши учун уни  барча керакли ёрдамлар билан таъминлашга қарор қилганини таъкидлашди. Маълумки, ҳалигача Америка Саррож ҳукуматига ўз розилигини бергани йўқ. Аксинча, мудофаа вазирлигидаги ўз малайи Хафтарни бирор нуфузли лавозимга олиб чиқиш учун бу мавзуни атайин пайсалга солди ва ҳамон шу борада ҳукуматга босим ўтказмоқда. Тобруқ депутатларининг Саррож ҳукуматини тасдиқлаш битимларига рози бўлмай, айни ҳукуматдаги армия қўмондонлигига Хафтарни олиб келиш учун асосий ролни кафолатламоқда.

Роя газетасининг 2016 йил 20 апрел чоршанба кунги 74-сонидан

0

0

Related posts:

БМТнинг Америка сиёсатини амалга ошириш учун Мадая аҳлига қарши тил бириктирганини ҳисоботлар фош қилмоқда: «қирғин қуроллари ва очлик остида ўлим топиш ёки тиз чўкиш» БМТ вакили Ғарбнинг терроризмга қарши кураш ниқоби остида Ливияга аралашиши учун замин тайёрламоқда БМТ: ироқликларнинг учдан бири шошилинч ёрдамга муҳтож Ливия ҳукумати Америка ҳужумларини суверенитетни бузиш дея ҳисобламоқда