Роя газетаси:

Обама: Араб баҳори қўзғолонини ҳеч ким кутмаган эди

Америка президенти Барак Обама ўзининг қудратдалик пайтида Араб баҳорининг бундай йўналишдан кетишини кутмаганини айтди.

Американинг Си-Эн-Эн фазовий тармоғи мухбири Питер Берген Обамадан интервью олди. Ўтган ҳафтанинг душанба куни эфирга берилган интервьюда Обама бундай деди: «Ишонаманки, Араб баҳори бундай йўналишдан кетишини ҳеч ким кутмаган. Ишонаманки, лавозимимдалик пайтимда ўз халқлари истакларини қабул қилмаётган бу режимлардан айримлари қанчалар заифлигини ҳаммамиз билганмиз».

Унинг айтишича, баъзи араб режимларида кўплаб демократик воситалар етишмаётган эди ҳамда Ғарбга қарши, айрим ҳолларда, замонавийликка қарши идеология пайдо бўлганди. Келаси йилнинг январ ойида ўз лавозимини тарк этувчи Америка президенти собиқ Миср президенти Ҳусни Муборакнинг тўсатдан ағдарилишини ҳеч ким кутмаганига ишонишини билдирди.

У – кўпчилик 2011 йилда Миср халқи қўзғолон қилган пайтда Қоҳиранинг Таҳрир майдонида акс этган руҳият кейинроқ ғалаба қозонади, дея умид қилганди, деди.

Унга кўра, бу руҳият «Кўпроқ озодликка мойил эди. У фуқаровий жамиятга ҳамда ўзини намоён этиш учун бир майдонни топган турфахилликка ишонар эди. Бироқ бу нарса амалга ошмади».

Обама интервью чоғидаги баёнотида «Фуқаровий жамиятга қарши кучли репрессия мавжудлигини, диндорликни мажбуриятга айлантирувчи ягона ҳақиқат ғалаба қозонаётганини, кейин эса ишлар салбий томонга айланиш хавфи мавжуд»лигини таъкидлади.

У яна бундай деди: «Менимча, бу нарсаларнинг содир бўлишини жуда оз инсон тахмин қилган. Шунингдек, натижалар ҳам Сурия сингари ерларда юз берганидек ғайриоддийдир». (Ал-Жазира).

Роя газетаси шарҳи:

Америка президенти сўзларидан энг муҳими, «Ғарбга қарши, айрим ҳолларда, замонавийликка қарши идеология пайдо бўлганди», деган сўзлардир. Шунингдек, «диндорликни мажбуриятга айлантирувчи ягона ҳақиқат ғалаба қозонмоқда, кейин эса ишлар салбий томонга айланиш хавфи мавжуд», деган сўзларидир. У айни сўзлари билан Ғарб ҳазоратига зид келаётган ва уни олишни ҳаром деяётган исломий ақидани, мусулмонлар орасида кенг тарқала бошлаган рошид Халифалик мафкурасини айтмоқчи. Бутун Ғарбнинг, хусусан, Американинг ҳаловатини бузаётган маъно мана шу. Буни Обама ўзининг 2014 йил сентябрда БМТ ассамблеясида қилган маърузасида бундай ифодалаган: «Лекин келажакка назар соладиган бўлсак, тараққиётни издан чиқариши мумкин бўлган курашни келтириб чиқариш билан таҳдид солаётган битта масала бор. У ҳам бўлса, исломий оламдаги жуда кўп минтақаларни ўз домига тортган шафқатсиз экстремизм саратонидир. Биз ҳазоратлар ўртасида бирорта тўқнашувнинг юз беришига рози бўлмаймиз. Тугамас диний урушларга имон келтириш экстремистлар таянадиган адаштирувчи мафкурадир». Обама ўз баёнотларида исломий юртлардаги Ғарб лойиҳаларининг амалга ошишига тўғаноқ бўлаётган ёки шу лойиҳаларга таҳдид солаётган ҳақиқат ҳақида гапирмоқда. Бу ғарбликлар назариясига зид назарияни ўз ичига олган идеологиянинг тарқалишидир. Бу исломий назария мусулмонларни Исломни татбиқ қиладиган ва исломий юртларни барча Ғарб давлатлари нуфузидан озод этадиган Пайғамбарлик минҳожи асосидаги рошид Халифалик давлатини барпо этишга ундайди.

Роя газетасининг 2016 йил 11 май чоршанба кунги 77-сонидан

+1

0

Related posts:

Америка ИШИДга қарши курашиш учун Германиядан қўшимча ёрдам сўрамоқда Сурия мухолафатининг Риёз конференцияси ҳамда Америка ва унга тобе ҳукмдорларнинг Шом аҳлини тиз чўктиришга уриниши Америка президенти: Эрон билан дипломатик алоқаларнинг узилиши Қўшма Штатлар фойдасига хизмат қилмаган Америка Ливияда «ИШИД»га қарши ҳарбий ҳаракат бошлашга ҳозирланмоқда