بِسْمِ اللهِ الرَّحْمٰنِ الرَّحِيم

Роя газетаси:

Бир турк армияси отряди Сурияга тўрт соатга кирди

Туркияда чиқадиган «Ени Шафақ» газетасининг ёзишича, турк махсус кучларидан бир бўлинма Сурияга кириб, қидирув ва разведка амалиётлари ўтказган. Бу амалиёт Туркиянинг Килис шаҳрига Сурия жанубидан ракеталар келиб тушиши ортидан ракета отувчи минтақаларни йўқ қилишнинг илк қадами сифатида ўтказилди.

Турк ҳукуматига яқин ушбу рўзномада махсус турк кучлари ўтказган бу амалиёт АҚШ ва Россия билан мувофиқлашган ҳолда, Сурия ерларида тўрт соат давом этгани айтилади. (alhadath.net).

Роя газетаси шарҳи:

Туркия ҳукмдорларининг аҳволи мана шу. Уларнинг раҳбари Ражаб Тоййиб Эрдоган Сурияда кўплаб қизил чиқизлар чизиб, ким буларни бузиб ўтадиган бўлса, қўл қовуштириб ўтирмаслиги билан таҳдид қилган. Сурияда иккинчи Ҳама қирғини содир этилишига ҳаргиз йўл қўймайман, деган гапни кўп такрорлади. Бироқ Шомнинг шаҳару қишлоқларида ўша биринчи Ҳама қирғинидан юз чандон кўп қирғинлар содир этилмоқда ҳамки, у миқ этмайди. Сурия аҳлини Башар Асад кучлари қўлида қирғин қилинишига, хонавайрон этилиб, юртдан қувиб чиқарилишига қўйиб берди. Ҳатто озгина саноқли аскарларининг Сурияга киритиш учун ҳам Сурияда Ислом ва мусулмонларга душманлик қилаётган бош душман АҚШ ва унинг шериги Россиядан рухсат сўраб ўтирибди.

Роя газетасининг 2016 йил 11 май чоршанба кунги 77-сонидан