Заъбий: Биз катта шаҳарлар озод этилгандан сўнг музокарага қайтишимиз лозим
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Заъбий: Биз катта шаҳарлар озод этилгандан сўнг музокарага қайтишимиз лозим
Женева музокараларида қатнашган Сурия мухолафати делегацияси раиси бригада қўмондони Асъад Заъбийнинг таъкидлашича, делегация бир оз вақт кутиб туриши лозим ҳамда Сурия қаршилик гуруҳлари қўли билан катта шаҳарлар озод этилгандан кейин Асад режими ва унинг иттифоқчилари билан музокарага қайтиши керак.
Заъбий Ҳалабда бўлаётган ишлар Россиянинг мағлубиятидир, у ерда Россиянинг «бурни ерга ишқалди» ва оқибатда у «сулҳни тиклаш учун БМТдан ёрдам сўрамоқда», деди. Заъбий Россиянинг «АҚШ уни фақат ҳалокатдан бошқа нарсага олиб бормайдиган ботқоққа тиқиб қўйган»ини тушуниб етишини умид қилмоқда.
Заъбий «рус айиғининг Эрон ва Ироқ жангарилари ва Суриядаги Ҳизбуллоҳ жангарилари талофатидан сабоқ чиқармаганини» айтди. У шунингдек, Ҳалаб шаҳри ғалабаларини олқишлаб, бу шаҳарни қамал қилиш амри маҳоллигини таъкадлади.
Маълумки, мухолафат делегацияси Асад режими ва иттифоқчиларининг қайсарлик қилиши натижасида ҳамда уларга халқаро ҳамжамият босим ўтказмаганидан сўнг Женева конференциясини ташлаб чиқиб кетган эди. Россия ва Асад режимига яқин манбаларнинг айтишича, Россия билан айни режим кучлари Ҳалабни қамал қилишганидан сўнг ва Сурия шимолини изоляция қилиб, мухолафатни таслим бўлишга мажбурлашганидан сўнг музокарага ўтиришга тайёр. (Дурар Шомия сайти).
Роя газетаси шарҳи:
Хорлик ва шармандалик музокарасида қатнашган мухолафат делегацияси раиси Асъад Заъбийнинг гаплари шунга далолат қиладики, Ҳалабдаги мусулмонлар улкан қурбонликлар бериб, улкан ғалабаларни қўлга киритмоқдалар. Мухолафат делегацияси эса шу ғалабаларидан музокара учун қурол сифатида фойдаланишга уринмоқда. Музокарадан албатта, АҚШнинг Суриядаги нуфузини сақлаб қолиш мақсад қилинган.
Асъад Заъбийдан олдин коалиция аъзоси Наср Ҳаририй ҳам худди Заъбий каби, «Ҳалаб ғалабалари сиёсий ечимга эришиш учун режим музокараларининг муҳим омили бўлажак», деган эди. Бас, шундай экан, Шом аҳли худди Фаластин аҳли тақдирига учраб қолишдан эҳтиёт бўлишлари керак. Ўшанда Фаластин аҳли қонлари, қурбонликлари, барқарор туришлари Озодлик ташкилотининг хиёнати қурбонига айланганди. Бу ташкилот муборак Фаластин заминини босқинчи яҳудийларга воз кечиб юборган эди. Ёки Шом аҳли мусибатларида худди Афғонистон мусибатларининг такрорланишидан ҳам эҳтиёт бўлмоқлари лозим. Ўшанда мусулмонлар Совет Иттифоқи армиясига қарши ўхшаши йўқ қаҳрамонликлар, сон-саноқсиз қурбонликлар бериб, улкан ғалабаларни қўлга киритгандилар. Бироқ бу ғалабалари ортидан сиёсий мағлубиятга учраганлар. Чунки мусулмонлар қўмондонлари билан алоқа ўрнатиб, айни ғалабалар самарасини териб қолган АҚШ бўлганди. Афғонистон мусулмонлари ғалабалари Америка лойиҳасига ва унинг нуфузини ўрнатилишига хизмат қилганди. Бугун ҳам Шомда қўзғолончилар тўнини кийиб олган ва ўзларини қурбонлар қилиб кўрсатиб, насиҳатгўйлик қилаётган ювиндихўрлар бор. Душманлар сиёсатини бажариб, Шом аҳлига – ғалабалар ортидан музокаралар вақти келди, сиёсий ечим пайти келди, сиз уни кечиктирманг, акс ҳолда ҳамма нарсангизни бой берасиз, деяётган кимсалар мана шу ювиндихўрларнинг ўзларидир!!
Шундай қилиб, Шом аҳлидан қурбонликлари ўзларини озод этишга эмас, душманлари нуфузини мустаҳкамлашга хизмат қилишини исташяпти. Шу боис Шом аҳли билиб олишлари керакки, бу макрдан улар Аллоҳнинг арқонига маҳкам ёпишиш, сиёсий лойиҳани рўёбга чиқаришга ҳаракат қилиш билан сақланиб қоладилар. Уларни ҳам, бошқа мусулмонларни ҳам қутқаражак ушбу сиёсий лойиҳа Пайғамбарлик минҳожи асосидаги рошид Халифалик давлатини барпо этиш лойиҳасидир. Шуни ҳам унутмасинларки, бугун Ғарб давлатлари билан алоқа қилаётганлар қандай баҳона-оқлов келтираётганларидан қатъий назар, Ғарб ва регионал давлатлар билан бўлган ҳар қандай алоқа қўзғолонларини олдинга етакламайди, нусратга яқинлаштирмайди, билъакс, уни йўқ бўлишга, қурбонликлари беҳуда кетишига олиб боради. Бас, эй Шом аҳли, саботли бўлинг, Аллоҳнинг амрига сабр қилинг, анави хоинларни рад этинг. Бу хоинлар Америка, Россия ва бошқа Ислом душманларига итоат қилишни кўзингизга яхши амал қилиб кўрсатишяпти. Аллоҳ Таоло бундай деди:
يَا أَيُّهَا الَّذِينَ آمَنُوا إِن تُطِيعُوا الَّذِينَ كَفَرُوا يَرُدُّوكُمْ عَلَىٰ أَعْقَابِكُمْ فَتَنقَلِبُوا خَاسِرِينَ* بَلِ اللَّـهُ مَوْلَاكُمْ ۖ وَهُوَ خَيْرُ النَّاصِرِينَ
«Эй мўминлар, агар кофирларга итоат қилсангиз, сизни ортингизга қайтаришади. Бас, зиён кўрувчиларга айланиб қоласизлар. Йўқ, (улар сизнинг дўстингиз эмас, балки) Аллоҳ хожангиздир ва У энг яхши нусрат берувчидир» [Оли Имрон 149]
Роя газетасининг 2016 йил 10 август чоршанба кунги 90-сонидан
