Эй Суриядаги мусулмонлар!
بِسْمِ اللهِ الرَّحْمنِ الرَّحِيمِ
Эй Суриядаги мусулмонлар!
Аслида сизлар тўғри йўлдан борувчи Халифаликни
тиклашингиз олдига тўсиқ қўймоқчи бўлган Ғарб билан курашмоқдасиз
Қонхўр Асад эса бундай қутурган урушда гижгижланаётган бир кўппак холос
Суриядаги мусулмонларга бевосита Ғарб томонидан ва билвосита исломий юртлардаги унинг думлари томонидан қилинаётган ҳужум жуда кучайиб кетди. Мусулмонлар у ерда ўхшаши йўқ жиноятларни гувоҳи бўлмоқдалар. Бундай жиноятларга Чеченистон, Ироқ, Афғонистон, Марказий Африка, Бирма каби исломий юртларда ҳам гувоҳ бўлинган. Бундай оғир дамлар бизга Аллоҳ Таолонинг ушбу каломини эслатади:
وَمَا نَقَمُوا مِنْهُمْ إِلَّا أَن يُؤْمِنُوا بِاللَّهِ الْعَزِيزِالْحَمِيدِ
«Улардан қудрат ва мақтов эгаси бўлмиш Аллоҳга имон келтирганлари учунгина ўч олишди» [Буруж 8]
Бу оғир дамлар бизга «чоҳ эгалари» қиссасини эслатади. Зеро, бугун ҳам Аллоҳнинг душманлари Исломга очиқдан-очиқ душманлик қилишга ва унга «террористик дин», деган тамға ёпиштиришга журъат қилишаётганининг ҳамда мусулмонларга қаттиқ азоблар ёғдиришаётганининг бирдан-бир сабаби уларнинг қўрқувидир. Зеро улар мусулмонларнинг ўз динларига мақтовга сазовор тарзда қайтаётганларидан, Исломни ҳамда унинг аҳлини азиз қиладиган, куфр ва унинг аҳлини хор қиладиган қудратли тўғри йўлдан борувчи Халифалик давлатини талаб қилаётганларидан қўрқишмоқда. Капиталистик кофир Ғарб Ислом билан бошқарилишнинг, унинг даъват ва жиҳод йўли билан ғолиб бўлишининг аччиқ тажрибаларини бошдан ўтказган. Шунинг учун ҳам бугунги қутурган урушга унинг ўзи етакчилик қилмоқда. Бундан Ғарбнинг Исломни нақадар ёмон кўриши, унинг ҳаёт майдонига қайтишидан нақадар қўрқиши яққол кўриниб турибди. Дамашқ ваҳшийси эса Исломга қарши бундай қутурган урушда гижгижланаётган бир кўппак, холос.
Ҳа, бундай оғир воқелик бизга Қуръони Каримнинг Буруж сурасида ҳикоя қилинган «чоҳ эгалари» қиссасини эслатади. Аллоҳ Субҳанаҳу ва Таоло уни фақат хотира, ибрат, гўзал панд-насиҳат бўлиши ҳамда
هُدًى وَرَحْمَةً لِّقَوْمٍ *يُؤْمِنُونَ
«Мўмин қавм учун ҳидоят ва раҳмат» [Аъроф 52]
бўлиши учун зикр қилди. Аллоҳ Таолонинг
قُتِلَ أَصْحَابُ الْأُخْدُودِ* النَّارِ ذَاتِ الْوَقُودِ * إِذْ هُمْ عَلَيْهَا *قُعُودٌ
«Чоҳ эгаларига лаънат бўлсин. (Бу чоҳ) Ўтинли оловдир. Ўшанда улар ўша чоҳнинг устида ўтириб олган эдилар» [Буруж 4-6]
деган каломи бизга бугун Сурияда содир этилаётган аянчли қирғинлар ва даҳшатли манзараларни эслатади. Ҳозир у ерда мусулмонлар қийноққа солинмоқда, сўйилмоқда, ёқиб ташланмоқда, тириклайин кўмилмоқда, уларга қарши кимёвий заҳар қўлланмоқда, устидан портловчи бочкалар ёғдирилмоқда ва буларнинг оқибатида инсон таналари атрофда сочилиб ётибди… Ҳа, бу оятлар бизга қирғиннинг сон-саноқсиз турларини эслатмоқдаки, бугун уларни айтишга тил ожиз, башарият бундан даҳшатлисини кўрган эмас. Ҳар қанча сўзлансада, бу қирғиндаги даҳшат, қўрқув, ота-она, фарзанд, эр, хотин каби яқинлардан жудо бўлиш каби воқеаларни ифодалашга сўз ожизлик қилади.
Аллоҳ Таолонинг
وَهُمْ عَلَى مَا يَفْعَلُونَ بِالْمُؤْمِنِينَ *شُهُودٌ
«…Улар мўминларга қилаётган ишларига ўзлари гувоҳ бўлган эдилар» [Буруж 7]
деган каломи бизга шуни эслатмоқдаки, бугун Ғарб кофирлари мусулмонларга етказишаётган жиноятда маълум бир режани кўзлашган. Яъни улар ўзларидан мусулмонларни чўчитиб қўйиш учун уларнинг кўз ўнгларида бу оғир жиноятларни содир этишди, мисли кўрилмаган жиноятларни қилишди, буни бутун оммага очиқ кўрсатишди. Токи, Сурия ва бошқа исломий юртлардаги мусулмонлар Ислом асосида ўзгартириш қилишни ҳатто хаёлларига ҳам келтирмасинлар. Шу боис бу жиноятлари ўзининг ифлос мевасини бериши учун уни ҳамма гувоҳи бўла оладиган сифатда содир этишди ва бу йўлда барча қонунларни депсаб ўтишди, барча гумашталарини сафарбар қилишди, энг олдинги сафдаги гумашталари эса уларнинг исломий юртлардаги ҳукмдор думлари ва бу думларнинг разил аъёнлари, Умматнинг сохта юзли душманлари бўлган илмонийлар… бўлишди. Улар бу гумашталарига исломий лойиҳани бешигидаёқ бўғизлаб ташлаб, дунё юзини кўрсатмаслик топшириғини беришди. Бу шундай ваҳшиёна душманликки, унда на раҳм-шафқат ва на инсонийлик бор. Ундан кўзланган асл мақсад Аллоҳ Таолонинг
وَمَا نَقَمُوا مِنْهُمْ إِلَّا أَن يُؤْمِنُوا بِاللَّهِ الْعَزِيزِ*الْحَمِيدِ
«Улардан қудрат ва мақтов эгаси бўлмиш Аллоҳга имон келтирганлари учунгина ўч олишди», деган каломида яққол кўриниб турибди. Аслида, ҳамма гувоҳи бўлаётган бундай фитна Ғарбнинг Ислом олдидаги ҳазорий курашда учраётган мағлубиятидан, Исломнинг яқинлашаётган ғалабаси башоратидан ўзга нарса эмас. Бу ҳақ билан ботил ўртасида ва Аллоҳнинг динига эргашганлар билан Иблисга эргашганлар ўртасида юз берадиган одатий кураш бўлиб, у Аллоҳ Таоло Одамни яратгандан бошлаб, то қиёмат соатига қадар давом этади. Қуръонда ҳам, Суннатда ҳам зикр қилинган ушбу жангу жадал доимо бир хил бўлади, чунки унинг табиати ва мақсади битта бўлиб, у Росулуллоҳ САВнинг ушбу ҳадисларида айтилган жангнинг ўзгинасидир: «Ҳаббоб ибн Арат айтади: биз Росулуллоҳ Каъбанинг соясида чопонларини ёстиқ қилиб ёнбошлаб ўтирганларида ўз аҳволимиздан шикоят қилдик ва – бизга нусрат-ёрдам сўраб, Аллоҳга дуо қилмайсизми, дедик. Шунда ул зот бундай дедилар:
«كَانَ الرَّجُلُ فِيمَنْ قَبْلَكُمْ يُحْفَرُ لَهُ فِي الْأَرْضِ فَيُجْعَلُ فِيهِ فَيُجَاءُ بِالْمِنْشَارِ فَيُوضَعُ عَلَى رَأْسِهِ فَيُشَقُّ بِاثْنَتَيْنِ وَمَا يَصُدُّهُ ذَلِكَ عَنْ دِينِهِ، وَيُمْشَطُ بِأَمْشَاطِ الْحَدِيدِ مَا دُونَ لَحْمِهِ مِنْ عَظْمٍ أَوْ عَصَبٍ وَمَا يَصُدُّهُ ذَلِكَ عَنْ دِينِهِ وَاللهِ لَيُتِمَّنَّ هَذَا الْأَمْرَ حَتَّى يَسِيرَ الرَّاكِبُ مِنْ صَنْعَاءَ إِلَى حَضْرَمَوْتَ لاَ يَخَافُ إِلاَّ اللهَ أَوِ الذِّئْبَ عَلَى غَنَمِهِ وَلَكِنَّكُمْ تَسْتَعْجِلُونَ»
«Сизлардан олдин ўтган киши учун ер қазилиб кўмиб ташланган, арра келтирилиб, бошига қўйилган-да, иккига бўлиб ташланган, аммо булар уни ўз динидан қайтаролмаган, темир тароқлар билан таралиб, гўштини суякларидан ёки пайларидан ажратиб ташланган, аммо бу унинг динидан қайтаролмаган эди. Аллоҳ ҳаққи, бу иш албатта тўла тамомига етажакдир, ўшанда отлиқ киши Санъодан Ҳазрамавтгача ҳеч нарсадан қўрқмай бораверади, фақат Аллоҳдан ва қўйларини бўри еб кетишидан қўрқади, холос. Бироқ сизлар шошиляпсизлар». (Имом Бухорий ривояти).
Бугунги уруш Аллоҳ Субҳанаҳунинг Буруж сурасида айтган урушининг худди ўзгинаси бўлиб, бу урушда албатта ютувчи ва ютқазувчи бўлади, албатта ундаги ютувчида душманга қарши энг ўткир қурол ҳисобланмиш Аллоҳдан тақво қилиш, ёрдамни ёлғиз Унинг Ўзидан сўраш, ўзгалардан ёрдам кутмаслик бўлади. Бу шундай бир ҳақиқий урушки, унда ифлослик покликдан яққол ажралиб туради, ундаги синов жуда оғир бўлиб, унинг баҳосига етишиш қимматга тушади, буларнинг ҳаммасидаги гувоҳлик фақат Аллоҳга хос бўлади, шу боис ҳам Аллоҳ
وَاللَّهُ عَلَى كُلِّ شَيْءٍ *شَهِيدٌ
«Аллоҳ ҳар нарсага гувоҳдир» [Буруж 9]
деди. Кейинги келган оятларда уларнинг хабарлари зикр қилинади: Аллоҳ Таоло кофирларга бериладиган нарса тўғрисида бундай хабар қилади:
إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ *الْحَرِيقِ
«Албатта, мўмин ва мўминаларни фитнага солиб, тавба қилмаган кимсалар учун жаҳаннам азоби бор ва улар учун ўт азоби бор!» [Буруж 10]
Мўминларга бериладиган нарса тўғрисида эса Аллоҳ Азза ва Жалла бундай дейди:
إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِن تَحْتِهَا الْأَنْهَارُ ذَلِكَ الْفَوْزُ *الْكَبِيرُ
«Албатта имон келтирган ва солиҳ амаллар қилган зотлар учун остидан дарёлар оқиб турадиган жаннатлар бордир, мана шу улкан ютуқдир» [Буруж 11]
Бу дунёда эса, мана шу суранинг ўзида бирин-кетин келган Аллоҳнинг қуйидаги оятлари бизни огоҳлантирмоқда:
•إِنَّ بَطْشَ رَبِّكَ لَشَدِيدٌ* إِنَّهُ هُوَ يُبْدِئُ وَيُعِيدُ* وَهُوَ الْغَفُورُ الْوَدُودُ*ذُو الْعَرْشِ الْمَجِيدُ* فَعَّالٌ لِّمَا يُرِيدُ* هَلْ أَتَاكَ حَدِيثُ الْجُنُودِ* فِرْعَوْنَ وَثَمُودَ* بَلِ الَّذِينَ كَفَرُوا فِي تَكْذِيبٍ* وَاللَّهُ مِن وَرَائِهِم مُّحِيطٌ* بَلْ هُوَ قُرْآنٌ مَّجِيدٌ* فِي لَوْحٍ مَّحْفُوظٍ
«Шак-шубҳасиз, Роббингиз чангали жуда шиддатлидир. Албатта Унинг Ўзи бошлайди ва қайтаради. У мағфиратли муҳаббатли зотдир. (У) Арш соҳиби бўлмиш буюк зотдир. (У) истаган нарсасини амалга оширгувчидир. (Эй Муҳаммад) сизга қўшинларнинг-Фиръавн ва Самуднинг хабари келдими?. Йўқ, кофирлар ёлғон дейишда (оёқ тираб туришибди). Ҳолбуки, Аллоҳ уларнинг ортидан иҳота қилиб турувчидир. Йўқ, Лавҳул-Маҳфуздаги Буюк Қуръондир» [Буруж 12-22]
Аллоҳ Таоло Ислом диёрининг маркази қилиб сизнинг диёрингизни танлаган эй мусулмонлар!
Сабр қилинг, чунки сиз ҳақ устидасиз. Аллоҳ Таоло сизни мукаррам кўриб, бугун барча мусулмонлар интиқлик билан кутиб турган туб ўзгаришнинг биринчи сафида бўлишингизни истади. Аллоҳ Субҳанаҳу сизни шундай мукаррам қилдики, бунинг баҳоси сизга жуда қимматга тушмоқда, аммо қачон баҳо Аллоҳнинг Ўзи учун ва Унинг шариатини барпо этиш учун бўлса, у ҳолда, бу билан сиз ушбу Умматдаги энг яхши аждодларнинг энг яхши авлодларига айланасиз. Кечаги илк пешқадамлар муҳожир ва ансорлар бўлган бўлсалар, бугунги пешқадамлар ўшаларга чиройли амаллар билан эргашган сиз бўласиз. Аллоҳ Таоло бундай деди:
وَالسَّابِقُونَ الأَوَّلُونَ مِنَ الْمُهَاجِرِينَ وَالأَنصَارِ وَالَّذِينَ اتَّبَعُوهُم بِإِحْسَانٍ رَّضِيَ اللّهُ عَنْهُمْ وَرَضُواْ عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الأَنْهَارُ خَالِدِينَ فِيهَا أَبَداً ذَلِكَ الْفَوْزُ *الْعَظِيمُ
«Муҳожир ва ансорларнинг биринчи пешқадамлари ва уларга чиройли амаллар билан эргашган зотлар – Аллоҳ улардан рози бўлди ва улар ҳам Ундан рози бўлдилар, (Аллоҳ) улар учун остидан дарёлар оқиб турадиган, улар абадий қоладиган жаннатларни тайёрлаб қўйди, мана шу буюк ютуқдир» [Тавба 100]
Хўш, улар Росулуллоҳ САВнинг асҳоблари, биз эса ул зотнинг аҳбоблари бўламизми? Биттамизнинг ажримиз улардан қирқтасининг ажрига тенг бўладими? Биттамизнинг шаҳидлиги улардан қирқтасининг шаҳидлигига тенг бўладими? Бас, Аллоҳ ҳузуридаги ажрингиз ҳисобини ўзингиз чиқаринг. Шубҳасиз, Росулуллоҳ САВнинг ўзгартириш борасидаги тариқатларининг ҳамма омиллари бугун Сурияда мавжуд бўлиб турибди, барча исломий юртларимиз тўғри йўлни тутувчи Халифалик давлати барпо бўладиган илк исломий қитъага қўшилишга тайёр турибди. Шундай экан, сиз бу дунёю охират азизлигига ноил бўлиш учун аввалги пешқадамлардан бўлинг. Аллоҳ Таоло бундай дейди:
وَالسَّابِقُونَ السَّابِقُونَ * أُوْلَئِكَ الْمُقَرَّبُونَ* فِي جَنَّاتِ النَّعِيمِ* ثُلَّةٌ مِّنَ الْأَوَّلِينَ* وَقَلِيلٌ مِّنَ *الْآخِرِينَ
«Пешқадам зотлар-пешқадам зотлардир! Ана ўшалар ноз-неъмат боғларида (Аллоҳга) яқиндирлар. (Улар) аввалгилардан кўп, кейингилардан эса оздирлар» [Воқеа 10-14]
Ҳизб ут-Таҳрир 5 жумодул-аввал 1435ҳ
Сурия вилояти 6 март 2014м
