Динни барпо қилиш, мусулмонларга ёрдам бериш ва Фаластинни озод этишлари учун мусулмонларга ва уларнинг армияларига нидо
بِسْمِ اللهِ الرَّحْمنِ الرَّحِيمِ
Динни барпо қилиш, мусулмонларга ёрдам бериш ва Фаластинни озод этишлари учун мусулмонларга ва уларнинг армияларига нидо
Аллоҳга беадад ҳамду санолар бўлсин, Росулуллоҳга, оилаларига, саҳобалари ва дўстларига салоту саломлар ёғилсин, аммо баъд:
Эй мусулмонлар, эй исломий юртлардаги армиялар ва холис инсонлар!
Бугун зул-ҳижжа ойининг тўққизинчи куни,
Бугун муборак жума айёми,
Бугун мусулмонлар Арафот тоғида жамланиб, Аллоҳдан ўз ҳожатларини сўраб ёлвормоқда, бугун барча мусулмонлар ўз масжидларида жума намозига жамланган. Биз ҳам ушбу кун муборак Ақсо масжидидан туриб, хусусан Шом, Ироқ, Яман, Туркия, Покистондаги мусулмонларга, умумий тарзда эса, барча мусулмонларга нидо қилиб қуйидагиларни айтмоқчимиз:
Ушбу Арафа кунида мушриклардан безор бўлганлик эълон қилинган:
وَأَذَانٌ مِّنَ اللّهِ وَرَسُولِهِ إِلَى النَّاسِ يَوْمَ الْحَجِّ الأَكْبَرِ أَنَّ اللّهَ بَرِيءٌ مِّنَ الْمُشْرِكِينَ وَرَسُولُهُ فَإِن تُبْتُمْ فَهُوَ خَيْرٌ لَّكُمْ وَإِن تَوَلَّيْتُمْ فَاعْلَمُواْ أَنَّكُمْ غَيْرُ مُعْجِزِي اللّهِ وَبَشِّرِ الَّذِينَ كَفَرُواْ بِعَذَابٍ أَلِيمٍ
«Аллоҳ ва Росули томонидан одамларга катта ҳаж кунида Аллоҳ ва Росули мушриклардан безор эканлигини билдиришдир, бас, агар тавба қилсангиз, бу ўзингиз учун яхшироқдир, агар юз ўгирсангиз, у ҳолда билингки, сиз Аллоҳни ожиз қилувчи эмассиз, кофирларга аламли азоб «хушхабар»ини етказинг!» [Тавба 3]
Ушбу кунда сизга Росулингиз бундай васият қилганлар:
«إِنَّ دِمَاءَكُمْ، وَأَمْوَالَكُمْ، وَأَعْرَاضَكُمْ، وَأَبْشَارَكُمْ، عَلَيْكُمْ حَرَامٌ، كَحُرْمَةِ يَوْمِكُمْ هَذَا، فِي شَهْرِكُمْ هَذَا، فِي بَلَدِكُمْ هَذَا، أَلاَ هَلْ بَلَّغْتُ قُلْنَا: نَعَمْ، قَالَ: اللَّهُمَّ اشْهَدْ، فَلْيُبَلِّغِ الشَّاهِدُ الغَائِبَ، فَإِنَّهُ رُبَّ مُبَلِّغٍ يُبَلِّغُهُ لِمَنْ هُوَ أَوْعَى لَهُ، ثم قَالَ: لاَ تَرْجِعُوا بَعْدِي كُفَّارًا، يَضْرِبُ بَعْضُكُمْ رِقَابَ بَعْضٍ»
«Албатта қонларингиз, молларингиз, ор-номусларингиз ва таналарингиз сизларга шу кунингиз, шу ойингиз ва шу шаҳрингиз(да уруш) ҳаром бўлганидек ҳаромдир. Огоҳ бўлинг, етказдимми? Ҳа, дейишди. Пайғамбар САВ яна айтдилар: Эй Аллоҳим, Ўзинг гувоҳ бўл. Бас, гувоҳ бўлган киши гувоҳ бўлмаганга етказсин, кўпинча етказувчи ўзидан кўра англовчироқ кишига етказиши мумкин. Сўнг яна айтдилар: Бас, мендан кейин бирбирингизни ўлдириб, куфрга қайтиб кетманг».
Эй казармаларида биқсиниб ётган қўшинлар: наҳотки, Умматингиздан ҳорлик ғуборини тарқатиш вақти ҳали ҳам келмаган бўлса?! Наҳотки, улкан армиянгизга Ақсони нажас яҳудийлардан озод қилиш пайти ҳали ҳам келмаган бўлса?!
Эй Ҳижоз, Иордания, Бирлашган Амирликлардаги учувчилар: сиз Америкага итоат қиласизми, учоқларингизни ўз биродарларингиз ва аҳлингиз устига бурасизми, муқаддас нарсаларингизни озод қилиш учун Аллоҳнинг йўлида жиҳод қилиш тўғрисидаги Роббингиз амрига итоат қилмайсизми?! Ғазода тул аёллар ёрдамга чақираётганда, яҳудийлар учоқлари уларнинг уйларини вайрон қилиб, қариялар ва гўдакларини қирғин қилаётганда, масжидларингизни вайрон қилаётганда, яҳудийлар Ақсо масжидини кечаю кундуз булғаётганда учоқларингиз қаерда эди?! Яҳудийлар ҳужумини қайтариш ва биродарларингизга ёрдам бериш учун ҳамиятингиз қўзғалмаяптими?! Аллоҳ Таолонинг ушбу каломини эшитмаганмисиз?!:
وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ
«Агар сиздан дин йўлида нусрат сўрасалар уларга нусрат бериш зиммангиздадир» [Анфол 72]
Эй Шомдаги ахёрлар! Аждаҳонинг боши Дамашқда, бас, эс-ҳушингизни йиғиб, сафингизни бирлаштиринг, Америка ва унинг ювиндихўрларидан қўлингизни ювинг, шайтонга дўст бўлганлардан воз кечинг, Аллоҳга холис бўлинг, такбиру таҳлиллар айтиб, Росулуллоҳ нинг Пайғамбарлик минҳожи асосида Халифалик бўлажаги тўғрисидаги хушхабарларини рўёбга чиқаришга аҳд қилиб, Шомдаги эзгулик шаҳарларига кириб боринг, билингки, Аллоҳ қўллаган, ёрдам берган ва ҳимоя қилган ҳолда сиз билан, У мўминлар ва тақводорлар дўстидир.
Эй ахёрлар! Биз Ақсо масжидида туриб, сиздан душманингизга алданиб қолмаслигингизни сўраймиз, унутманг, Америка ва унинг иттифоқчилари сизга озор беришдан бошқа ҳеч қандай зарар етказишолмайди. Ахир, Аллоҳ Таолонинг Ўзи
لَن يَضُرُّوكُمْ إِلَّا أَذًى ۖ وَإِن يُقَاتِلُوكُمْ يُوَلُّوكُمُ الْأَدْبَارَ ثُمَّ لَا يُنصَرُونَ
«Улар сизларга озор беришдан бошқа ҳеч қандай зарар етказишолмайди, агар сизга қарши жанг қилишса, кетларига қараб қочишади, сўнгра уларга ёрдам берилмайди» [Оли Имрон-111]
деган эмасми, шундай бўлгач, Дамашқдан бошқа ёққа чалғиманг, душмандан бошқа тарафга адашманг, Аллоҳга содиқ бўлсангиз У зот сизга ҳам содиқ бўлади.
Эй имон ва ҳикмат юртларидаги ахёрлар: эй Яман аҳли, ҳикматингиз қаерда қолди, имонингиз қани, Аллоҳнинг анави душмани Америка заминингизни оёқ ости қиляпти, фарзандларингиз орасига фитна уруғини сочяпти, қабилаларингиз ичига олов қалаяпти… Биз Ақсо масжидида туриб, қонларингиз ва молларингизни ҳимоя қилишингиз ва динингизни қоим қилишга бирлашишингизни Аллоҳни ўртага қўйиб сўраяпмиз. Эй Санъо, Арҳаб ва Саъдадаги ахёрлар, эй Дамар, Таиз, Байзодаги холис инсонлар, эй Жауф, Маъриб, Абян, Адан ва Мукалладаги холис биродарлар, Америка ва Ғарбнинг юртларингизни бўлиб ташлаш, бойликларингизни талаш лойиҳасини улоқтиринг, Шайтоннинг дўстларидан покланинг, ҳақни баралла айтиб, бир-бирларини яхши кўрадиган, динни барпо қилиш ва мусулмонлар халифасига байъат қилиш учун тавҳид байроғини баланд кўтарадиган бир сафдаги биродарларга айланинг.
Эй Канона қўшинлари: сиз мусулмонларнинг қудрати, мадади ва қуролисиз, ушбу Канона юртидан қайта қаҳрамон ўғлонлар тарихини қайтарадиган, Миср ва унинг армиясини Америкага тутқазиб қўйган ҳукмдорлар малайлигидан сизни халос этадиган раббоний қўмондонлар орангизда йўқми?! Устингиздан хорлик чанг-ғуборларини қоқадиган, қўшинингизни Салоҳиддин каби Ақсо майдонига сафарбар қиладиган раббоний қўмондонлар орангизда йўқми?! Эй Миср армияси зобитлари, биз сизга Аллоҳни ўртага қўйиб сиздан Аллоҳ ва Росулига ёрдам беришингизни илтимос қиляпмиз, сизни динни қоим қилишга ҳамда бутун башариятни Америка ва унинг жинояткор капиталистик тузуми зулмидан қутқарадиган Халифалик давлатини барпо қилишга даъват қиляпмиз.
Энди, Покистон зобитларига келсак, биз сизни ҳам Ақсо масжидидан туриб қайта-қайта даъват қиляпмиз ва Ислом даъватига нусрат беришингизга ҳамда Американи юртингизга ва Афғонистондаги биродарларингизга ҳукмрон қилиб ташлаб қўймаслигингизга Аллоҳни ўртага қўйиб талаб қиляпмиз, сиздан Халифаликни барпо этиш учун Ҳизб ут-Таҳрир даъватини, Аллоҳнинг даъватини қабул қилишни талаб қиляпмиз.
Эй Туркиядаги мусулмонлар, эй Туркия армиясидаги зобитлар! Юртингиз Халифалик соясида қудрат қучган, ҳозир ҳам ундаги Астана ва Топкапи сизга ғайрат бахшида этмоқда, қудрат жо қилмоқда. Халифалик Роббингиз фарзидир, сиз фахрланадиган куч-қудратингиз рамзидир, Ҳизб ут-Таҳрир аъзолари сизни ушбу давлатни барпо этишга даъват қилмоқда, ер юзида Аллоҳнинг динини қоим қилишга ҳимматингизни қўзғамоқда. Шундай экан, Ҳизбнинг шундай қилаётган аъзолари қандай қилиб судланиши ва қамалиши керак. Биз сизга Ақсо масжидидан туриб, Аллоҳ ва Росулига нусрат беришингизни сўраймиз, Американинг тоғут шайтон иттифоқига эмас, Шом заминидаги биродарларингиз тарафига ўтиб, уларга ёрдам беришингиз учун Аллоҳни ўртага қўйиб талаб қиляпмиз.
Эй ер юзидаги барча мусулмонлар! Биз Ақсо масжидидан, Росулуллоҳнинг меърож ўрнидан туриб сиздан нусрат талаб қиляпмиз, Аллоҳнинг динига нусрат беришингиз ва уни барпо этишингиз учун ҳамда Халифалик барпо этишга ҳаракат қилаётганлар билан ҳаракат қилишингиз учун Аллоҳни ўртага қўйиб талаб қиляпмиз, Аллоҳ сиз билан ва У амалларингизни зое кетказмайди.
Эй Аллоҳим, ушбу нидоимизни энг яхши мусулмонларга етказгин, Аллоҳим, мусулмонларнинг қўшинлари ва зобитлари дилларини динингга нусрат бериш ва шариатингни қоим қилишга очгин, эй Аллоҳим, ҳаққа даъват қилишга мусулмонлар қалбини очгин ва қалбларини бир қилгин, бир-бирларига ғазабланиш ва низолашишни улардан кўтаргин.
Аллоҳим, Америка ва унинг дўстларини Ўзингга топширдик, Аллоҳим, унинг югурдаклари ва аскарларини хонавайрон қил, хорлик ва хўрлик исканжасига ол, уларни мусулмонлар устидан ҳукмрон қилма, раҳматингни сўраймиз, эй раҳмлилардан ҳам раҳмли Зот.
Аллоҳим, бизни Пайғамбаринг минҳожи асосида тўғри йўлни тутувчи Халифалик билан сийлагин, у билан Ислом ва мусулмонлар куч-қудратга тўлади, ишларимиз тўғриланади, тарқоқлигимиз жамланади, бизга зулм қилаётганлардан бизни халос этади, валҳамду лиллаҳи Роббил аламин!
Ҳизб ут-Таҳрир 9 зул-ҳижжа 1435ҳ
Муборак ер Фаластин 3 октябр 2014м
