بِسْمِ اللهِ الرَّحْمنِ الرَّحِيمِ

Сизларга икки танловдан бири, бойликларни мудом ташиб кетилиши ёки фитна ва вайронагарчиликнинг кенг тарқалиши танлови қўйилмоқда

Бас, сизлар бойликларингизни ҳукмдорлар нафс-ҳавоси йўлида йўқ бўлиб кетишига эмас, балки фақат Ислом аҳкомлари асосида қайта омма мулкига айлантирилишигагина рози бўлинг

Уммат қўзғолонининг бошланиш нуқтаси бўлган Тунис ўзидаги сиёсий онг билан мустамлакачиларни ва малайларни лол қолдирди. Бу сиёсий онг сохта партияларнинг жанжаллари, ахборот воситаларининг мантиқсиз тортишувлари, сохта террорчилик ва бундан бошқа барча чалғитувчи ишлар бир муҳим мавзуни яшириш учун бўлган омадсизларча уриниш эканини жамоатчиликка фош қилиб ташлади. Яъни, Туниснинг ҳали ҳам мустамлакада эканини, маълум доиралар Тунисдаги халқ ғазабидан кўнгиллари тўқ ҳолда мустамлакачилар қўйнига киришда давом этаётганларини очиб ташлади.

Ҳали одамлар ўз бойликларининг қайтарилишини талаб қилишга улгуриб-улгуришмай кўплаб расмийлар, сиёсатчилар, ахборот воситалари мустамлакачи ширкатларни ҳимоя қилишни бошлаб юборишди. Масалан, инвестиция вазири одамларнинг ўз ҳуқуқларини талаб қилишларини аҳмоқлик, тентаклик, деб сифатлади, гўё ўзининг мустамлакачиларга хизмат қилаётгани доноликдай. Ҳукмрон партия бош котиби бўлса бойликларни умуман мавжудлигини инкор қилиб қўя қолди. Тунис нефт ширкати мудири юрт аҳлининг ўз бойликларини қайтаришини инкор қилиб, бир-бирига зид гапларни гапирди. Масалан, у аввал ишлаб чиқаришдаги бошқарувчиларнинг 99 %и ўз юртимиз аҳолиси эканини айтган эди. Энди бўлса, ўз ресурсларимизни ўзимиз бошқариш қўлимиздан келмайди, демоқда!! Энергетика қўмитаси вакиллари Тунис аҳлининг вакили бўлиш ўрнига, мустамлакачи ширкатларни ҳимоя қилишда вафодорлик кўрсатмоқда. Айрим ахборотчилар ҳам ўзларини гўё зиммаларидаги вазифани адо этаётган қилиб кўрсатишмоқда…

Бойликлар бор минтақада эса мустамлакачилар ва уларнинг малайлари пўписа қилиш, сотқинлар ёллаш билан ёки сохта нотинчлик ва фитналар қўзиш орқали мавзуни ўз оқимидан буришга уринишди. Масалан, Қарқанада Британиянинг Petrofac ширкати юртнинг бир бутун аҳли ўртасида сохта нотинчлик ва фитналар қўзиб, уларни ўз диндош биродарларига қарши ишга солиш учун собиқ адлия мулозимларини ёллади, сўнг намойишчилар орасида суиқасд уюштирди… Кейин хавфсизлик хизмати бу борада тергов очишга ваъда берди… Хўш, бу ширкатларнинг суиқасдлар уюштиргани тўғрисида тергов очиш билан бирга бойликларни ташиб кетгани тўғрисида ҳам тергов очармикин?? Нафзавада ҳам ўша ердаги бир ширкат ҳукуматнинг шубҳали йўқ бўлиши тўғрисида оилалар ўртасида фитна оловини ёқди… Кейин бу хусумат олови онгли кишиларнинг ҳаракати билан ўчирилди, аммо бойликларни ташиб кетиш ҳаммани эсидан чиқди… Фавворда нефт борасидаги талаблар ортидан ёлланган номаълум кишилар аҳоли ўртасида фитна чиқариш учун икки қишлоқдаги боғларга ўт қўйишди. Татовирда бойликларни қайтариб олишни талаб қилиш мавзусини иш ўринларини ташкил қилиш мавзусига ёки бойликлардан қолган-қутган ушоқлари учун нарх белгилашни талаб қилиш мавзусига ўзгартиришди, буни ўзларича «маъқул дейилган янги нархда қайта битим тузиш» талаби, деган нарса билан дастаклашди!! Буларнинг барчаси бойликларга эга минтақаларда ўша эски ифлос услублар билан содир этилди ва ҳамон содир этилмоқда…

Эй Тунис аҳли!

Сиз бойликларнинг бу ҳукуматлар қўлида қолдирилиб, ўз ихтиёрларига қўйиб берилиши жуда хавфли эканини билдингиз. Чунки илгарги ҳукуматдагилар бу бойликлардан воз кечишган, бугунгилар ҳам, ўзлари эга бўлмаган, омма мулки ҳисобланган бойликларни қароқчи ширкатларга сотиш билан мақтанмоқда. Улар бундай талон-тарожни қонунийлаштириш, иқтисодни қутқариш ва ички минтақаларни ривожлантириш зарурлиги билан ниқоблаш мақсадида ўз сиёсатларини шаффоф қилиб кўрсатишмоқда.

Сизга маълумки, орангизга фитна солиш ва одамларни иккиламчи талаблар билан алдашга уриниш уларнинг қатор тил бириктирувларидан ва сизни алдашларидан бир ҳалқа, холос. Уларнинг мақсади, халқ ғазабини ўчириш ва бу ғазабни бир минтақа манфаатини қўйиб, бошқа минтақалар, гуруҳлар, шахслар манфаатига буришдир… Яна сизга маълумки, сохта тартибсизликлар яратишдан мақсад, юрт ва Уммат бойликларини таловчи ширкатларни шу юрт ва Уммат аскарлари ёрдамида қўриқлашни қонунийлаштиришдир!! Улар сизга – ё бойликларингизни мустамлакачи инвесторларга берилишига рози бўласизлар ёки уларни ишдан чиқарамиз, дея ультиматум қўйишмоқчи! Шунинг учун ҳаммангиз ғоянгизни битта ғояга, яъни Ғарб манфаатини ҳимоя қилаётган анави омадсиз ҳукмдорларни илдизи билан қўпориш ғоясига айлантиринг, дарҳол бойликларингизни қайта омма мулкига айлантирилишига ҳаракат қилинг. Шундай ҳаракат қилингки, бу ҳаракатингиз бойликларингизнинг шахслар ва ширкатлар мулкига айланишига йўл қўймасин ҳамда ҳар хил солиқлардан сизларни беҳожат қилсин, ресурслар яроқсиз ҳолга келтирилиш ўрнига, Пайғамбарлик минҳожи асосидаги рошид Халифалик давлатида ишга солинсин ва корхоналар бунёд этилсин… Чунки сиз фақат шу йўл билан уларнинг режаларини барбод эта оласиз. Росулуллоҳ САВ саҳобий Абяз ибн Ҳаммол эгалик қилган ерда кон манбаи борлигини билишлари биланоқ, уни Абяздан талаб қилиб олдилар ва ерни бевосита омма мулки қилиб белгилаб, шахслар мулки бўлишидан мутлақ ман этдилар. Демак, бу дарҳол қилиниши лозим бўлган ишдир, ахир, биз учун қароқчи ширкатлар Росулуллоҳ САВнинг саҳобасидан азизми!

Эй ҳалол судьялар ва қонун аҳли!

Бу Умматингизнинг таланаётган бойликлари бўлса, буниси ҳукуматлардир. Улар бойликларингизни қулайлик билан талаш учун қонун ва буйруқлардан фойдаланишяпти, мустамлакачилар ширкатларини ҳимоя қилишяпти. Бас, сиз буюк исломий ақидангиздан балқиб чиққан қонунлардан бошқа қонунга рози бўлманг, бу қонунингиз билан ҳақдорларга ўз ҳақларини қайта олиб берасиз, омонатларга риоя қиласиз, Уммат ва унинг бойликлари билан ўйнашишларини ман этасиз.

Эй армия, соқчилик ва хавфсизлик хизматлари сафидаги ҳалол инсонлар!

Умматингиз масалаларини ҳал қилувчи ансорлар бўлинг. Бу масалаларнинг энг биринчиси мустамлакачилик ва қарамликдан озод бўлиш, кейин эса, бойликларингизни омма мулки сифатида қайтариб олишдир. Сиз бу мулкни қайтариб олиш билан буюк Ислом аҳкомларида буюрилгандек Умматингизни барча керакли асбоб-ускуна билан таъминланг, бугунги ҳукмдорлар воз кечишиб, бизни оддий асбоб-ускуналарни ҳам ялиниб сўрайдиган ҳолга олиб келгани каби бўлманг, бойликларингизга панжа орасидан қаровчи коррупциячи ҳукмдорларга ҳам, қароқчи мустамлакачиларга ҳам ҳеч қачон ёрдамчи бўлманг.

Эй Тунис аҳли, қўзғолончи мусулмонлар, эксперт ва муфаккирлар!

Сиз мана шу ўзингиздаги онг билан мустамлакачилар ва уларнинг малайларини ҳаловатини буздингиз, шундай экан, уларнинг сохта ечимларини қабул қилманг. Уларнинг Ислом аҳкомларини бузиб кўрсатишга уринишаётганига ва Пайғамбарлик минҳожи асосидаги ҳақиқий Халифаликдан қўрқишаётганига фақат битта сабаб бор, у ҳам бўлса, учта аҳкомни ман қилишдир. Биз учун яхши аммо бузуқлар ва бузуқлик тарқатувчилар учун ёмон бўлган бу уч аҳкомнинг бири, ҳақ ва адолатли шариат билан бошқарадиган, мустамлакачилар ва уларнинг ширкатларига эмас, юрт ва унинг аҳлига хизмат қиладиган бир раҳбарни одамлар томонидан тайинланиши, иккинчиси, бойликларни – оз ё кўп бўладими, бундан қатъий назар – омма мулки сифатида тўла қайтариб олиш, учинчиси, бизни қурол-яроқ, озиқ-овқат ва соғлиқни сақлаш масалалаларида Ғарб қўйнига киришдан беҳожат қилувчи ҳақиқий саноатни яратиш. Бу эса сиз яхши кўраётган, улар ёмон кўриб, ёмонотлиқ қилаётган Пайғамбарлик минҳожи асосидаги Халифаликдир. Сиз онглилигингиз билан ҳамда озод бўлишга, мустақил бошқаришга, қолоқлик ва қарамлик бўҳронидан халос бўлишга бўлган қатъиятингиз билан ушбу Халифаликни барпо қиласиз, унга нусрат берасиз, сиз билан бирга Ҳизб ут-Таҳрир бор, сизлар то мустамлакачилик ва қарамликдан тўла озод бўлинмагунча унинг кўнгли ҳаргиз хотиржам бўлмайди.

يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ

«Эй мўминлар, Аллоҳ ва Унинг Росули сизни абадий ҳаёт берадиган нарсага даъват қилган пайтда уни қабул қилинг» [Анфол 24]

Ҳизб ут-Таҳрир                                                                        14 шаъбон 1436ҳ

Тунис                                                                                          1 июн 2015м