بسم الله الرحمن الرحيم

Ўз халқингизга, қибладошингизга, умматга  қилаётган  ҳиёнатингизни қачон бас қиласиз, эй сарой уламолари!?

      Маълумингизким, 2015 йилнинг  29 октябридан бошлаб, юртимизнинг аксар ҳудудларида, жумладан пойтахт Тошкент шаҳрида мусулмонларни, хоссатан Ҳизб ут-Таҳрир партияси йигитларини ноҳақ оммавий ҳибсга олиш бошланган эди. Бу хақда барча чет эл ОАВ лари бир неча туркум мақолаларини эълон қилди. Ушбу эшиттиришлардан бирида, яъни жорий йилнинг 16 ноябрида, “Озодлик” сайти Ўзбекистон Мусулмонлари диний идораси раиси ўринбосари Абдулазиз Мансурдан Тошкентда бўлаётган ҳибс этишларга муносабатини билдиришини сўради.

     Охиратини ушбу арзимас беш кунлик дунёсига алмаштириб улгурган сарой уламоси Абдулазиз Мансур: “Бунақа одамлар бўлиши мумкин. Анча аввал олдин бошланган профилактика ишлари, маҳаллаларда, бошқаларда. Бекордан бекор бировни қамоққа олмайдику. Қандайдир бир шубҳа пайдо бўлади, шубҳали ҳаракатлар бўлади. Уларни изоляция қилади ва текширади”,- дея юзсизларча изоҳ берди.

     Ушбу воқеалар ҳақида бутун дунёдаги холис мусулмонлар ўзларининг ҳамдардлигини изҳор этиб, бонг ураётган бир пайтда, умматни танасига тушган қуртлари бўлмиш сотқин имомларимиз, бошларига катта саллани қўндириб олган хоин уламоларимиз лоақал жим туриш ўрнига, қалбларидаги маразларини тўкиб сола бошладилар. Ушбу хоин сўзини давом эттириб, ушбуларни қўшимча қилди: “Бу Интернет орқали, телефонлар орқали ёшлар кўраяпти буни. Бизлардан маслаҳат олмай, уларга қулоқ солиб кетаётганлар бўлаяпти. Сурияга жиҳодга кетяпмиз, деб ўйлаяпти. Бу нотўғри, у ерда урушаётган икки томонда ҳам мусулмонлик даъволари бор. Қанақа жиҳод бўлади бу, бу нотўғри”, – дейди Абдулазиз Мансур.

     Бу сўзлари билан диний идора вакили ушбу ҳибс этилган юзлаб ёшларни ИШИД тарафдорлари дея ҳукуматни ҳатти-ҳаракатларини оқлаб бермоқчилар. Ваҳолангки, ушбу йигитларнинг асосий қисми Ҳизб ут-Таҳрир халқаларида Исломни ўрганаётган ёшлар эди. Бутун дунё мутафаккирларига, сиёсат аҳлига маълумки, Ҳизб ут-Таҳрир партияси Ислом ақидасини асос қилган фикрий-сиёсий уюшмадир. У ўз ғояси бўлмиш Исломий ҳаётни қайтадан бошлаш учун Росулуллоҳ соллалоҳу алайҳи васаллам кўрсатган йўлдан бориб, барча муаммоларни Қуръон ва Суннат асосида ҳал қилади. Ҳизб моддий амаллар билан ҳеч қачон шуғулланмайди, балки фақат фикрий ва сиёсий ишларга чекланади. Шунингдек, у ўз ғояси томон қадам босар экан, кофир ҳокимларнинг ҳақиқий башарасини фикрий йўл билан очиб беради ҳамда мусулмонларни Исломга ва унга амал қилишга чақиради.

   Шундай экан, дин пешволари аталмиш сотқин имомларимиз, малай сарой уламоларимиз агар ҳақпарвар бўлсалар, ОАВ ларида, жума хутбаларида ёки ҳукумат телевиденияси орқали бўлсада, ҳужжат билан очиқ айтсинлар-чи, демократиянинг куфрлигини, президентлик Исломга зидлигини, яҳудийлар Аллоҳга, Росулига, мусулмонларга душман эканлигини! Йўқ, улар устларидаги шайтонларини сўзидан бирор калима ортиқ гапира олмайдилар. Ёки устиларидаги ҳукмдорлари минглаб мусулмонларни зах ертўлаларга ташлаётганини, аёлларни ҳижобдан тўсаётганини, халқни ҳануз алдаб, ер усти, ер ости бойликларини талон-тарож қилаётганларини айтсинларчи? Ёки булар ҳам туҳмат, бўҳтонми? Мусулмонларни бу зулмлардан Халифалик Давлатигина қутқариши хам бемаъни хом ҳаёл (утопия) ми? Қани айтсинлар-чи, Ислом шариатини ҳеч қачон татбиқ қилмайман, деяётган ҳоким кофир бўладими ёки йўқми? Бу саволларга шайхимиз жавоб бера олмайдилар, агар мабодо бу ҳақда оғиз очсалар, юмшоқ ўриндиқлари турманинг тошдек қаттиқ каравотига алмашади.

    Аллоҳнинг муқаддас уйида, Росулуллоҳдан мерос бўлиб келаётган пок меҳробни нопок қилиб, бу ёшлар  «адашганлар» дея ёлғон сўзлашдан қачон тийиласизлар? Нега 15 йилдан буён минглаб ҳизб йигитларига қамоқхоналарда қандай азоб берилаётгани ҳақида бирор калима бўлсада гапиришга тилингиз айланмайди? Ахир сизлар умматнинг номидан гапираётган етакчилик даъвосидаги инсонларсизларку? Бундай жим туришларингни бир сўз билан айтсак, умматга нисбатан хиёнат эмасми?

   Бундай хиёнаткорлар хақида, Абу Саъид Худрий (ра)дан ривоят қилган ҳадисларида Пайғамбар (с.а.в.) шундай деганлар:

لِكُلِّ غَادِرٍ لِوَاءٌ عِنْدَ اسْتِهِ يَوْمَ الْقِيَامَةِ, يُرْفَعُ لَهُ بِقَدْرِ غَدْرِهِ, أَلاَ وَلاَ غَادِرَ أَعْظَمُ غَدْرًا مِنْ أَمِيرِ عَامَّةٍ

«Қиёмат кунида ҳар бир хоиннинг думбасида бир байроғи бўлиб, хиёнатига қараб юқорироқ кўтарилиб бораверади. Огоҳ бўлингларки, омма амирининг хиёнатидан кўра буюкроқ хиёнат йўқдир». Муслим.

   Эй сарой маддохлари, ушбу жинояткорона ҳиёнатларингизни яқин келажакда мусулмонлар байъат қиладиган Халифамиз олдида ҳам ва қиёмат куни Пайғамбаримиз Муҳаммад солаллоҳу алайҳи васаллам ҳузурларида ҳам яна такрорлай оласизми? Энг асосийси, Яратувчингиз Аллоҳ Таълонинг олдидачи? Агар сиз имомлар Исломни ўргатмоқчи бўлсангиз, мусулмонларда туғилаётган юқоридаги саволларга Қуръон ва Суннат асосида жавоб бера оласизми?! Мусулмонлар сиздан жавоб кутмоқда. Акс ҳолда биз ҳақиқатни гапирамиз деган даъволарингиз яна пучга чиқиб қолади. Сизлар мустамлакачи АҚШ бошчилигидаги бу куфр давлатига содиқлигингизни инкор қилманг! Чунки сизларнинг ким эканлигингиз мазлум Ўзбекистон халқига очилиб бўлган! Унутмангки, ушбу содиқлигингиз учун Қиёмат куни Аллоҳ олдида ҳисоб-китоб қилиниб, жавоб берасиз! Ўша кун хақида Аллоҳ Таъоло шундай дейди;

وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءَنَا فَأَضَلُّونَا السَّبِيلَ

 — “Улар айтдилар: «Эй Роббимиз, албатта бизлар бошлиқларимизга ва катталаримизга итоат қилган эдик шу сабабли улар бизни тўғри йўлдан адаштирдилар”.      (33;67)

      Қуръон оятларини ёдлаб, уларни тушуна туриб мол-дунё ва қандайдир мансаблар учун Қуръонни сотган, унинг оятларини ёлғонга чиқараётган, Аллоҳни эмас, кофир ҳокимни дўст тутаётган олим ҳақида Аллоҳ Таъоло ўз каломида шундай дейди:

وَلَوْ شِئْنَا لَرَفَعْنَاهُ بِهَا وَلَكِنَّهُ أَخْلَدَ إِلَى الأَرْضِ وَاتَّبَعَ هَوَاهُ فَمَثَلُهُ كَمَثَلِ الْكَلْبِ إِنْ تَحْمِلْ عَلَيْهِ يَلْهَثْ أَوْ تَتْرُكْهُ يَلْهَثْ ذَلِكَ مَثَلُ الْقَوْمِ الَّذِينَ كَذَّبُوا بِآيَاتِنَا فَاقْصُصْ الْقَصَصَ لَعَلَّهُمْ يَتَفَكَّرُونَ

 — “Агар хоҳласак уни ўша оятлар сабабли юқори даражаларга кўтарган бўлур эдик. Лекин у ерга (яъни молу-дунёга) берилди ва ҳавои нафсига эргашди. Бас, унинг мисоли ҳудди бир итга ўхшайдики, уни ҳайдасанг ҳам тилини осилтириб тураверади, ёки ўз ҳолига қўйсанг ҳам тилини осилтириб тураверади. Бу бизнинг оятларимизни ёлғон деган кимсаларнинг мисолидир. Улар тафаккур қилсинлар учун бу қиссаларни сўйланг!”                                                                            (7;176)

   Шуни алоҳида таъкид билан айтамизки, мустамлакачилар Ҳизб ут-Таҳрир билан узоқ муддат турли ҳил ёвуз, ифлос услублар орқали бевосита курашиб келди ва охир оқибат қулаш арафасига келиб қолди. Шунинг учун улар ҳизб билан юзма-юз фикрий-сиёсий тўқнашишдан қочиб, сиз каби малай имомларини ва бошқа жамоат ташкилотларини кўндаланг қилмоқчи. Мақсад мусулмонларни ўзаро бир-бирлари билан овора қилиб қўйиб, майдондан ўзини олиб қочиш. Чунки Ислом ҳаётга тўла татбиқ қилинса, дунёга эгадорликни даъво қилаётган яҳудийлар ҳамда насроний, мушриклар ҳам мусулмонларга ҳукмронлик қила олмайди. Натижада Ислом уммати хорликдан азизликка, мағлубликдан ғолибликка қайтади. Аллоҳ Таъоло ўз каломида бу хақда шундай дейди:

هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ

— “У (Аллоҳ) Ўз пайғамбарини ҳидоят ва ҳақ дин билан – гарчи мушриклар хохламасалар-да – барча динларга ғолиб қилиш учун юборган зотдир.”       (9;33)

      Эй мусулмонлар! Ушбу тараққиёт, фаровонлик, хотиржам ҳаёт фақат Буюк Исломий Халифалик давлатини қайтариш, Аллоҳнинг шариатини татбиқ этиш ҳамда Исломий Давлатни дунёдаги энг биринчи давлатга айлантириш билан бўлар экан, шунга ҳаракат қилаётган тўғри уюшма Ҳизб ут-Таҳрир партияси атрофида бирлашиб, сиз ҳам ҳаракат қилинг! Бундай хоинларнинг сўзлари сизни ғамгин қилмасин! Албатта, Аллоҳнинг ғалабаси яқиндир!

     Аллоҳ Таъоло ўз каломида шундай дейди:

وَلاَ تَهِنُوا وَلاَ تَحْزَنُوا وَأَنْتُمْ الأَعْلَوْنَ إِنْ كُنْتُمْ مُؤْمِنِينَ

 — “Заифлашманг ва ғамгин бўлманг, агар мўмин бўлсангиз, сиз ғолибсиз!”  (3;139)

Ҳизб ут-Таҳрирнинг Ўзбекистондаги медиа офиси Зайниддин

27.11.2015й