Бангладешда давлат нимага асосланиши лозим
بِسْمِ اللهِ الرَّحْمٰنِ الرَّحِيم
Бангладешда давлат нимага асосланиши лозим
Эркинлик руҳи деб айтилаётган илмонийликками ёки Исломга?
Бангладеш ташкил топгандан буён Авоми Лигаси партияси, Жатия партияси ва Бенгал Халқ партияси томонидан илмонийлик билан бошқарилмоқда. Ўша даврдан буён илмонийлик «Эркинлик руҳи» шиори билан ва бундан бошқа шиорлар билан аталиб келди. Бироқ бу юртдаги Ислом Умматининг бир бўлаги бўлган мусулмонлар бутун оламдаги исломий уйғонишдан узилиб қолмадилар. Айниқса, шу янги асрда халқ Исломни сиёсий идеология сифатида қўллаб-қувватламоқда, исломий сиёсий фаолият суръат билан ривожланмоқда ва Ислом билан, яъни Пайғамбарлик минҳожи асосидаги Халифалик билан бошқариш халқ талабига айланди. Бу ҳолат мустамлакачи салибчи кучларни, асосан, АҚШ ва унинг иттифоқчилари ҳамда Ислом дунёсидаги коррупциячи малайларни ташвишга солди. Шунинг учун улар, Исломнинг бошқарувга келишини олдини олиш учун биргаликда режалар тузишга киришишди, ўзаро тил бириктиришди ва бунинг йўлида барча имкониятларни сарфлашди… Бироқ исломий ўсиш ҳам, исломий ҳаракат ҳам, Ислом билан бошқаришга бўлган фаолият ҳам тўхтамади ва бу уларнинг ҳаловатини бузди… Гулшан ҳужуми содир бўлгач, бу ҳужум Бенгал режимига Исломга қарши курашишга янги бир туртки бериш учун ғоят қулай фурсат бўлди. Курашни қуйидаги ишлар орқали олиб борди:
Биринчи: Исломни ва Пайғамбарлик минҳожи асосидаги рошид Халифаликни барпо этиш учун олиб борилаётган сиёсий фаолиятни бузиб кўрсатишда уларнинг ҳаракатлари кучайди. Бу ҳаракатлар Исломни ва исломий бошқарувни енгилтаклик билан амалга оширилаётган қирғинларга ҳамда зўравонликларга боғлаш орқали олиб борилди. Шунингдек, динни юксалтириш учун ҳаракат қилувчи холис кишиларни дунёда шафқатсизлиги билан ёмон ном чиқарган Давлат ташкилотига боғлаш орқали обрўсизлантиришга ҳаракат қилинди. Бу холис инсонларга Шайха Ҳасина «мияси дин билан заҳарланган ёшлар», дея сифат берди ва хўжайини Америкага ялтоқлик қилиб, юртимда Исломий Давлат ташкилоти бўлинмалари бор, деди. Аслида, Гулшан ҳужумига Исломнинг қилча алоқаси йўқ. Аксинча, Ислом бундай ҳужумларни ҳаром, ҳисоблайди. Халқаро вазиятни кузатувчи сиёсатчилар наздида ҳам Исломий Давлат ташкилоти амалиётлари америкаликлар ва уларнинг режаларидан бошқа нарсага хизмат қилмаётгани маълум. Масалан, Давлат ташкилотидагилар Ироқда АҚШнинг юртни ирқчилик, мазҳабпарастлик асосида бўлиб парчалаб ташлаш учун Мосулга қилган ҳужумини енгиллаштириб беришди. Сурияда АҚШ ўз малайи қонхўр Башар Асадни қўллаб-қувватлашда ва Шомдаги муборак қўзғолонга қарши курашда шу ташкилотдагилардан фойдаланди. Бутун Сурия халқи Асад режимини ағдариш ва ўрнига Пайғамбарлик минҳожи асосидаги Халифалик давлатини барпо этиш учун бирлашганларида мана шу ташкилот пайдо бўлди ва қўзғолончиларга қарши амалиётлар олиб бора бошлади. Кейин Ислом шариатидан узоқ равишда ўзини «халифалик давлати», деб эълон қилди ва холис инсонлар барпо этишга ҳаракат қилаётган Пайғамбарлик минҳожи асосидаги ҳақиқий Халифалик номини қора қилишда Ғарбнинг тайёр қуролига айланди.
Иккинчи: Тоғут Ҳасина ва унинг режими Бангладешдаги мусулмонларни мисли кўрилмаган даражада қўрқитишни бошлаб, бу ишда махсус университет талабаларини, тул хотинларни, уламоларни… нишонга олди. Жамиятнинг барча қатлами Ҳасина нишонига айланди, туғёни алангасига ўтин бўлди. Режим одамлар орасида қўрқув ҳолатини пайдо қилиш ва қалбларига қутқу солиш учун, шу орқали Ислом бошқарувига даъват қилаётган холис кишиларни бостириб, одамларни Исломдан узоқлаштириш мақсадида хавфсизлик чораларини кучайтирди, репрессив қонунлар ишлаб чиқди. Ғарблик хўжайинлари уларга итоатгўйлик билан кўрсатган хизматлари учун ҳамда Ислом ва мусулмонларга қарши ёвуз ишлари учун Ҳасинани мукофотлар билан тақдирлашди.
Учинчи, аммо бу билан тугамайди: Жамиятда чуқур илдиз отиши учун илмонийлик мафкурасига қаттиқ тарғиб этилди. Давлат хавфсизлик хизматларининг барчаси гўё одамлар бўйнига қиличларини тираб «илмонийликка рози бўлишингиз шарт, акс ҳолда…», дейишаётгандек. Республика президенти ҳам, бош вазира ҳам, полиция бош инспектори ҳам, ғарбпараст зиёлийлар ҳам, ахборот ва матбуот бош муҳаррирлари ҳам, ҳамма-ҳаммаси бир сафга ўтиб, илмонийлик бошқарувига тарғиб қилишди… юрт тинчлиги, давлат тараққиёти шу бошқарувда, Бангладеш шу асосда собит туриши лозим, дейишди. Ҳатто булар шу даражага етиб боришдики, Исломни ўзининг шахсий ҳаётида татбиқ қилган кишига ҳам сенинг бу турмуш тарзинг илмоний шахсга муносиб эмас, дея таҳдид қиладиган бўлишди, ассаламу алайкум, дея араб тилида чиройли талаффуз билан саломлашадиган кишиларни шубҳа остидаги кимсалар, деб эътибор қилишди. Ота-оналарни ўғил-қизларини ўзаро ошиқ-маъшуқ бўлиб юришларига тарғиб қилишди, одамлардан илгари намоз ўқимай, яқинда бошлаган, ёки Исломга унча риоя қилмай, кейин астойдил унга маҳкам амал қиладиган бўлиб қолган кишиларга кўзларини каттароқ очиб эътибор беришни талаб қилишди
أُوْلَـئِكَ الَّذِينَ اشْتَرُوُاْ الضَّلاَلَةَ بِالْهُدَى فَمَا رَبِحَت تِّجَارَتُهُمْ وَمَا كَانُواْ مُهْتَدِينَ
«Улар ҳақ йўлнинг ўрнига залолатни сотиб олган кимсалар бўлиб, бу савдоларида фойда қилишмади ва тўғри йўлга юрувчилардан бўлишмади» [Бақара 16]
Илмонийлик кофир Ғарб ақидасидир, илмонийликнинг асосий тузуми капитализмдир. Бу мафкура динни (жумладан Исломни) ҳаётдан, давлатдан ажратишга чақиради. Яъни илмонийлик мафкураси бўйича, бошқарув, иқтисод, адлия, таълим, ташқи сиёсат… каби ҳаётнинг барча соҳаларида дин яқинлаштирилмаслик керак. Яратувчининг борлигига эътиқод қилиш шахсий масала бўлиб, буни юрт ишларини тартибга солишга аралаштирилмаслик лозим. Албатта бу мутлақо хато мафкурадир. Чунки Яратувчи ё бор бўлиши ёки йўқ бўлиши керак. Йўқ бўлганда эди, шу йўқ нарсага бўлган имон шахсий эътиқод бўлиб қолиши тўғри бўлмайди. Агар Холиқ бор бўлса – зеро, унинг борлиги аниқ исботланган ҳақиқат – ҳаётдаги барча ишлар хоҳ шахсий масалалар, хоҳ омма, шу жумладан, давлат-ҳукумат масалаларида бўлсин, фарқсиз, ушбу яратувчи Азза ва Жалла истаганидек бошқарилиши керак. Шунинг учун Аллоҳ Субҳанаҳу ва Таоло
أَلاَ لَهُ الْخَلْقُ وَالأَمْرُ
«Огоҳ бўлингизким, яратиш ва буюриш фақат Уникидир» [Аъроф 54]
деди. Ислом – Аллоҳ Субҳанаҳу ва Таоло яратувчи, аммо қонунчилик бошқаларники, деган мафкурани улоқтиради
وَلِلَّهِ مُلْكُ السَّمَاوَاتِ وَالْأَرْضِ
«Осмонлар ва ернинг подшоҳлиги Аллоҳникидир» [Нур 42]
Илмонийларнинг «Подшоҳнинг ҳаққини подшоҳга, Парвардигорнинг ҳаққини Парвардигорга бер!», дейишади. Аммо Исломда подшоҳ ҳам, унинг тахти ҳам, империяси ҳам Аллоҳнинг буйруқларига итоат қилади. Ислом масжидларнинг фақат намозхона бўлиб қолишига, бутун давлат шайха Ҳасинанинг давлати бўлишига ҳаргиз рози бўлмайди. Шунингдек, Аллоҳнинг намоз, рўза, закот қонун-қоидаларини, Шайханинг эса бошқарув, иқтисод ва адлия қонун-қоидаларини тузишига ҳам ҳаргиз рози бўлмайди. Бу ширк турларидан бири бўлиб, бу ҳақда Аллоҳ Субҳанаҳу ва Таоло бундай дейди:
أَمْ لَهُمْ شُرَكَاء شَرَعُوا لَهُم مِّنَ الدِّينِ مَا لَمْ يَأْذَن بِهِ اللَّهُ
«Балки улар учун Аллоҳ рози бўлмайдиган нарсаларни уларга шариат қилиб берган шериклари бордир?!» [Шуро 21]
Энди, илмонийларнинг – агар битта дин давлати барпо бўлса, бу бошқа динларга нисбатан зулм бўлади, деган гапларига келсак, бу Исломдан узоқ асоссиз гап. Чунки Ислом бошқарувида бошқа ҳамма динлар вакиллари бир-бирлари билан тинч-тотув яшаганлар, Ислом давлатининг фуқаролари ўз диний эътиқодлари буюрган маросим ва ибодатларни адо этишдан ман этилган эмас. Зеро, Росулуллоҳ САВ
«… وَمَنْ يَكُنْ عَلَى يَهُودِيَّتِهِ أَوْ عَلَى نَصْرَانِيَّتِهِ فَإِنَّهُ لا يُفْتَنُ عَنْهَا وَعَلَيْهِ الْجِزْيَةُ…»
«… Ким (Исломга кирмай) ўз яҳудийлигида ёки насронийлигида қолган бўлса, динларидан фитналанмайди (Исломга киришга мажбурланмайди), у жизя тўлайди, холос». (Байҳақий ривояти), дея марҳамат қилганлар. Яна бундай деганлар:
«ألا مَنْ ظَلَمَ مُعَاهِداً أَوِ انْتَقَصَهُ أَوْ كَلَّفَهُ فَوْقَ طَاقَتِهِ أَوْ أَخَذَ مِنْهُ شَيْئاً بِغَيْرِ طِيبِ نَفْسِهِ فَأَنَا خَصْمُهُ يَوْمَ الْقِيَامَةِ»
«Огоҳ бўлингиз, ким муоҳидга зулм қилса ёки унинг (ҳаққини) камайтирса ёки унга тоқатидан ошиқ нарсани юкласа ёки унинг бирон нарсасини ўзининг розилигисиз олса, қиёмат куни мен унинг рақиби бўламан». (Абу Довуд ривояти).
Аммо кафирун сурасидаги
ö لَكُمْ دِينُكُمْ وَلِيَ دِينِ
«Сизларнинг динингиз ўзларингиз учун, менинг диним ўзим учундир» [Кафирун 6]
деган сўзлардан илмоний кофирларни қўллаб-қувватловчи маъно чиқаришаётганига келсак, йўқ, унинг маъноси бундай эмас. Бу ерда илмонийлар «ҳамманинг ўз дини бор, давлат эса ҳамма учундир», демак, давлат муайян динда барпо бўлмаслиги керак, деган даъвони қилишмоқда. Аксинча, ушбу оят Ислом кофирлар динидан алоҳида мумтоздир, деган маънодадир. Оятдаги такрор-такрор айтилувчи сўзлар Маккадаги кофир зодагонлар талабини кескин рад этишни англатади, чунки улар жаноб Муҳаммад Мустафо САВга Ислом билан динимиз ўртасида ўртача ечим қилайлик, деган таклифни қўйишди. Шунда Росулуллоҳ САВ таклифларини қатъан рад этиб, Аллоҳ Исломни барча динлардан ғолиб қилгунга қадар ўз даъватларида маҳкам қолдилар. Яна Росулуллоҳ САВ
«وَاللَّهِ يَا عَمِّ، لَوْ وَضَعُوا الشَّمْسَ فِي يَمِينِي، وَالْقَمَرَ فِي شِمَالِي، عَلَى أَنْ أَتْرُكَ هَذَا الأَمْرَ مَا تَرَكْتُهُ، حَتَّى يُظْهِرَهُ اللَّهُ، أَوْ أَهْلِكَ فِيهِ…»
«Эй амаки, Аллоҳга қасамки, улар ушбу ишни тарк этишим эвазига ўнг томонимга Қуёшни, чап томонимга Ойни қўйган тақдирларида ҳам, мен уни ҳаргиз тарк этмайман. Ё шу йўлда ҳалок бўламан ёки Аллоҳ шу ишда мени ғолиб қилади», дедилар. Шунинг учун Ислом илмонийликни, унинг давлатга асос бўлишини рад этади. Чунки бу очиқдан-очиқ куфр бўлиб, мусулмонлар унга ишонишлари ёки даъват қилишлари ёхуд уни талаб этишлари, у билан ҳукм юритишлари ҳаромдир.
أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُواْ بِمَا أُنزِلَ إِلَيْكَ وَمَا أُنزِلَ مِن قَبْلِكَ يُرِيدُونَ أَن يَتَحَاكَمُواْ إِلَى الطَّاغُوتِ وَقَدْ أُمِرُواْ أَن يَكْفُرُواْ بِهِ
«(Эй Муҳаммад), ўзларини сизга нозил килинган нарсага ва сиздан илгари нозил қилинган нарсаларга имон келтирган деб ҳисоблайдиган кимсаларнинг шайтонга ҳукм сўраб боришни истаётганларини кўрмадингизми, ҳолбуки уларга унга ишонмаслик буюрилган эди» [Нисо 60]
Росулуллоҳ САВдан ривоят қилинган ушбу ҳадиси шарифда келганидек, Ислом мусулмонларнинг бошқарув низомлари Халифалик бўлишига буюрди:
«كَانَتْ بَنُو إِسْرَائِيلَ تَسُوسُهُمُ الأَنْبِيَاءُ، كُلَّمَا هَلَكَ نَبِيٌّ خَلَفَهُ نَبِيٌّ، وَإِنَّهُ لاَ نَبِيَّ بَعْدِي، وَسَتَكُونُ خُلَفَاءُ فَتَكْثُرُ، قَالُوا: فَمَا تَأْمُرُنَا؟ قَالَ: فُوا بِبَيْعَةِ الأَوَّلِ فَالأَوَّلِ، وَأَعْطُوهُمْ حَقَّهُمْ فَإِنَّ اللَّهَ سَائِلُهُمْ عَمَّا اسْتَرْعَاهُمْ»
«Бани Исроилга пайғамбарлар сиёсат юргизарди. Қачон бир пайғамбар ҳалок бўлса, ортидан бошқа бир пайғамбар келарди. Мендан кейин эса пайғамбар йўқ. Халифалар бўлади ва улар кўпайиб кетади. Шунда: бизга нимани буюрасиз? – деб сўрашган эди, айтдиларки: биринчисининг, фақатгина биринчисининг байъатига вафо қилинглар ва уларнинг ҳақларини беринглар, зеро Аллоҳ улардан фуқарони қандай бошқарганлари ҳақида сўрайди». (Имом Бухорий ривояти).
Эй мусулмонлар!
Шунинг учун биз сизни кофир илмонийликни давлатингиз асоси бўлишига ва у билан бошқарилишга рози бўлмасликка чақирамиз. Анави Ҳасина режимини ағдариб, Ислом асосидаги давлатни барпо этишга даъват қиламиз. Ислом асосидаги давлат Пайғамбарлик минҳожи асосидаги Халифалик давлати бўлиб, сизни барча ҳаётий ишларингизда Аллоҳ Субҳанаҳу ва Таоло аҳкомлари билан бошқаради. Бу дунё куч-қудрати ва охират неъмати айнан мана шундадир.
وَمَنْ أَحْسَنُ مِنَ اللّهِ حُكْماً لِّقَوْمٍ يُوقِنُونَ
«Имонлари комил бўлган қавм учун Аллоҳдан ҳам гўзалроқ ҳукм қилувчи ким бор?!» [Моида 50]
Ҳизб ут-Таҳрир 18 сафар 1438ҳ
Бангладеш вилояти 18 ноябр 2016м
