بِسْمِ اللهِ الرَّحْمٰنِ الرَّحِيمِ

Покистон мустамлакачилар сиёсатини қабул қилганлиги сабабли саноат соҳасида ўз имкониятларидан фойдаланмаяпти

Ҳизб ут-Таҳрир – Покистон вилояти матбуот бўлими нашр қилган баёнотда бундай дейилади:

«Покистон моддий ва инсоний ресурсларга бойлигига қарамай, унинг саноати аянчли аҳволда. У мустамлакачилар сиёсатини қабул қилганлиги сабабли саноат соҳасида ўз имкониятларидан фойдаланмаяпти. Зеро, мустамлакачилар Покистонга ҳам демократияни, ҳам диктатурани зўрлаб жорий қилишмоқда… Демократия Покистонга ўз имконияти доирасида бўлган ишларни амалга оширишига имкон бермаган ва келгусида ҳам асло имкон бермайди. Чунки демократиянинг мақсади ғарблик мустамлакачилар сиёсатини татбиқ қилиш, яъни Покистонни ўз ресурсларидан фойдаланишига йўл қўймаслик ва уни Ғарб маҳсулотлари учун йирик бозорга айлантиришдан иборат… Бу юртда ишсизликнинг кенг ёйилиши ва ақл соҳибларининг Ғарбга чиқиб кетиши мана шу мустамлакачилик сиёсатидан атиги бир қисми, холос. Бу сиёсат Британиянинг «East India Company» (Шарқий Ҳиндистон компанияси) таъсис этилган пайтда татбиқ қилиш бошланди ва бугун ҳам демократия орқали татбиқ этишда давом этилмоқда, бунга Халқаро Валюта Фонди билан Жаҳон Банки ҳомийлик қиляпти… Қудратли саноат бунёд этиш ҳарбий саноатга эътибор қаратишни тақозо этади. Покистон аллақачон ядровий қурол ишлаб чиқарган эса-да, бироқ, мустамлакачилар сабабли оғир саноатдан ҳамон маҳрум қолмоқда, унинг қуролли кучлари мустамлакачилар технологиясига таянмоқда».

Матбуот баёноти сўнггида қуйидагилар таъкидланди:

«Халифалик давлати қайта барпо бўлганда биринчи кундан бошлаб дунёнинг – худди илгари бўлганидек – биринчи давлатига айланишга ҳаракат қилади. Саноат соҳасига келсак, давлат сиёсатида ҳарбий соҳага алоҳида эътибор бериш оғир саноат базасини барпо этишга олиб келади. Ҳизб ут-Таҳрир Халифалик тузуми дастури муқаддимасида қабул қилган лойиҳа мана шудир».

Роя газетасининг 2022 йил 20 апрел чоршанба кунги 387-сонидан