Демократия коррупциячилар ўлжаси ва ҳомийсидир
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Демократияни ағдариб, Пайғамбарлик минҳожи асосидаги рошид Халифаликни барпо қилинг
Демократия коррупциячилар ўлжаси ва ҳомийсидир
Собиқ президент ва Покистон Халқ партияси раиси Осиф Али Зардорийнинг сиёсатга қайтиши сиёсий доирада шовқин-сурон тўлқинини авж олдирди. Миллий ярашув ва демократия устави қонуни натижасида Исломий робита партияси билан иттифоқ тузган Покистон халқ партияси ўз сиёсатини давом эттирадими ёки йўқми, деган нарса устида сиёсий доирада қизғин торишувлар бор. Шунингдек, Имрон Хоннинг Покистон Халқ партиясини 2018 йилдан олдин ўзи билан иттифоқчи бўлишга кўндира олиш-олмаслиги тўғрисида ҳам башоратлар бор. Шунга қарамай, буларнинг барчаси ҳукуматдагиларнинг одамларда демократияга нисбатан қайта ишонч пайдо қилиш йўлидаги уринишларида айтарли бирор ютуқ келтиролмади. Зеро, уларнинг қўлида демократиянинг муваффақиятсизлигига оид рўйхат жуда кенг-узундир. Шу боис сиёсий доирадаги шовқин-сурон демократия коррупциячиларнинг товари, савдоси ва уларнинг ҳимояси гарови эканини яққол намоён қилди.
Демократия одамларни парламент орқали бошқаришга асосланган. Унда бир сиқим элита қонунларни ўзларининг ва ғарблик мустамлакачиларнинг манфаатини таъминлаш учун ишлаб чиқади. Шу аснода демократияда ҳукмдорлар парламентда мухолафатчилар билан бирга ўтириб, ўз истак-майлларига мувофиқ конституцияга ўзгартириш киритиш, қонун ишлаб чиқиш, ўз коррупцияларини қонуний ҳимоя билан таъминлаш каби ишлар билан шуғалланади. Бундан ташқари, ҳатто қонунларни ажнабий мустамлакачилар кўрсатмалари асосида ишлаб чиқишади ва бунинг юрт иқтисодиёти ва хавфсизлигига катта зарар келтиришига парво қилишмайди. Демократия орқали Исломга зид қонунларни, жумладан, Ислом буюрган сиёсий фаолиятни бостириш қонунини ишлаб чиқишади. Шунинг учун демократияга коррупция ботқоғига ботган кимсалар кўпроқ мафтун бўлган ҳамда унга тиш-тирноқлари билан қаттиқ ёпишиб, уни ўзлари учун энг катта мукофот, деб ҳисоблашмоқда.
Демократиядан – у билан ким ҳукм юритишидан қатъий назар – мутлақо умид йўқ. Ундан умид қилган киши, ўз оёғига ўзи болта урган билан баробардир. У ўзгариш сари қадам ташлолмай, фалаж бўлиб қолаверади. Демократия бошқарувдаги раҳбарларнинг инсонлар олдидаги масъулиятларини ҳис қилмайдиган ва охиратда Аллоҳ Субҳанаҳу ва Таолога ҳисоб беришларидан қўрқмайдиган раҳбарларга айланишига кафилдир. У Аллоҳ Субҳанаҳу ва Таоло динини инсонлар ҳаёти учун шариат бўлиб туришини истамайди ҳамда Аллоҳнинг буйруқ ва тақиқларини рад этади. Бу тузум биз учун ҳаётимиздаги муаммо ва машаққатларни янада орттиришдан, бу дунёю охиратда зиён ва зарар келтиришдан бошқа нарсага ярамайди. Аллоҳ Субҳанаҳу ва Таоло бундай деди:
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ
«Ким Менинг эслатмамдан юз ўгирса, бас, албатта унинг учун танг-бахтсиз ҳаёт бўлур ва Биз уни қиёмат кунида кўр ҳолда тирилтирурмиз» [Тоҳа 124]
Демократик бошқарув учун фақат битта ечим бор: дарҳол уни ағдариб ташлаб, ўрнига Ислом бошқарувини олиб келиш. Чунки ҳақиқий ўзгариш фақат башараларни ўзгартириш билан рўёбга чиқмайди, балки демократияни йўқ қилиб, Пайғамбарлик асосидаги Халифалик давлатини барпо этиш билан амалга ошади. Зотан, Росулуллоҳ САВнинг Мадинаи Мунавварадаги бошқарувларида ҳам, рошид халифалар даврида ҳам, бутун Халифалик бошқаруви пайтида ҳам мусулмонлар адолат ва хавфсизликда ҳаёт кечирдилар. Шунинг учун барчамиз Ҳизб ут-Таҳрирнинг Исломни қайта ҳаёт минҳожига айлантириш йўлидаги курашини қўллаб-қувватламоғимиз лозим. Чунки ушбу бирдан-бир холис онгли партиягина демократик тузумни бекор қилиш ва Пайғамбарлик минҳожи асосидаги Халифалик тузумини барпо этишга даъват қилмоқда. Халифалик тузуми остидагина устимизда фақат Аллоҳ Субҳанаҳу ва Таолонинг Ўзидан қўрқадиган, инсонлар ишларини – ирқлари, динлари, мазҳаблари, бою камбағалликларидан қатъий назар – адолат билан бошқарадиган ҳукмдорлар бўлади. Аллоҳ Субҳанаҳу ва Таоло бундай дейди:
إِنَّا أَنزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللَّـهُ ۚ وَلَا تَكُن لِّلْخَائِنِينَ خَصِيمًا
«Албатта, Биз сизга ушбу ҳақ Китобни (Қуръонни) одамлар орасида Аллоҳ қўрсатган йўл билан ҳукм этишингиз учун нозил қилдик. Сиз хоинларни ҳимоя қилгувчи бўлманг» [Нисо 105]
Шундагина биз золим, мустабид бошқарув якун топганига, Росулуллоҳ САВ бизга қуйидаги ҳадиси шарифларида башорат берган Халифалик давлати остида Ислом бошқаруви қайта барпо бўлганига гувоҳ бўламиз:
«ثُمَّ تَكُونُ مُلْكًا جَبْرِيَّةً، فَتَكُونُ مَا شَاءَ اللهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا. ثُمَّ تَكُونُ خِلاَفَةً عَلَى مِنْهَاجِ النُّبُوَّةِ. ثُمَّ سَكَتَ».
«Сўнг золим—зўравон подшоҳлик бўлади ва у Аллоҳ хоҳлаганча давом этади. Сўнг Аллоҳ Ўзи хоҳлаганда уни кўтаради. Сўнг пайғамбарлик минҳожи асосидаги Халифалик бўлади. Кейин Пайғамбар САВ сукутга чўмдилар».
Ҳизб ут-Таҳрирнинг Покистондаги матбуот бўлими
Twitter: http://twitter.com/htmediapak
Facebook: http://www.facebook.com/pages/Naveed-
Butt-Media-Office-HT/116266191744214
e-mail: htmediapak@gmail.com
Webpage: www.hizb-pakistan.com
