بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Инвестиция ниқоби остида юрт ресурслари вайрон қилиниб, бойликлари нобуд бўлмоқда

«Жарида» газетасининг 2017 йил 2 феврал сешанба кунги сонида замбуруғга чалинган хурмо ниҳолларини четдан импорт қилиниши билан боғлиқ жиддий тадқиқот олиб борилди. Газетада бундай дейилади: «Изчил чора сифатида, қишлоқ хўжалиги бўйича карантин бошқармаси, ниҳолларни касалликдан холилигини аниқлаш ва импорт қилинишига замин яратиш мақсадида кўчат намунасини лаборатория экспертизасидан ўтказишга мажбур бўлди. Экспертиза хулосалари чиққунга қадар, «Амтор» инвестицион ширкати кемаларда юк ташиш учун карантин бошқармасидан вақтинчалик рухсатнома олди. Рухсатнома шартига кўра, экспертиза хулосалари чиққунга қадар ниҳоллардан фойдаланмай туриш мажбуриятига имзо чекди. Бироқ экспертиза ниҳоллар буюз касаллигига олиб келувчи «fusarium oxysporum» замбуруғ касаллаги 100 % мавжуд эканини кўрсатди. Бу касаллик хурмога тушувчи энг хавфли касалликлардан саналади».

Бироқ федерал қишлоқ хўжалик вазири – бу вазир кўчат импортига ихтисослашган «Амтор» инвестицион ширкати иш юритувчи раиси ҳамдир – экспертиза натижаларини инкор этди ва қайта экспертиза ўтказувчи комиссия тузилди. Яъни Хартум университетининг аниқ фанлар факултети чиқарган иккинчи ҳисоботда ҳам биринчи хулосалардаги мазкур касаллик тасдиқланди. Бироқ шунга қарамай, ширкат экспертиза хулосаларига ҳануз шубҳа билан қараб, Голландияга намуна жўнатди, у ердан ҳалигача жавоб келгани йўқ.

Судан мусибати шундаки, унинг ресурслари бадбўй бузғунчилиги анқиб турган савдо битимлари орқали зое кетмоқда. Мутахассисларнинг айтишича, мазкур ширкат бир миллион уч юз минг доллар зиён кўрган. Бундан ҳам ёмон мусибат, мана шундай шубҳа остидаги савдо битимлари билан шимолий вилоятлардаги хурмо дарахтлари юқумли касалликларга чалиниб, юрт бойликлари нобуд қилинмоқда. Ишончли хабарларга кўра, ниҳоллардаги мавжуд замбуруғ Марокашда 12 миллион туп хурмо ниҳолини йўқ қилган ва ўша ердаги аҳолининг кўчишига сабаб бўлган. Судандаги хурмо бойликларига панжа орасидан қаралаётганига яна бир далил, вазирлик томонидан ҳимоя этилаётган мазкур ширкатнинг ўжарлик қилиб, ниҳолларда ўткир юқумли касаллик мавжудлигига оид чиқарилган экспертиза хулосасини тан олмаётганидир. Демак, бу ерда манфаатпарастлик ва худбинлик билан фикрловчилар бор. Уларни юрт ва унинг бойликлари тақдири, ҳатто – Аллоҳ сақласин – юртдан аҳолининг кўчиб кетиши ҳам ташвишлантирмайди. Уларни фақат ўз қоринлари ташвишлантиради, қоринлари эса еб тўймайди…

Аллоҳнинг изни ила, қайта барпо бўлаётган Пайғамбарлик минҳожи асосидаги рошид Халифалик давлати, юрт бойликларига панжа орасидан қаровчи кимсаларни албатта тийиб қўяди ҳамда Ислом аҳкомларига риоя қилган ҳолда, зарар кўриш ва зарар етказилишни олдини олади. Ибн Аббос РАдан ривоят қилинади, Росулуллоҳ САВ бундай дедилар:

«لاَ ضَرَرَ وَلاَ ضِرَارَ»

«Зарар етказма, ўзинг ҳам зарар кўрма».

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

Телефон: 0912377707 – 0912240143

Электрон почта: spokman_sd@dbzmail.com