Россия қўшинларининг кенг кўламда сафарбарлигига қарши унинг ҳудудида НАТО кучлари сони оширилиши
بِسْمِ اللهِ الرَّحْمنِ الرَّحِيمِ
Роя газетаси:
Россия қўшинларининг кенг кўламда сафарбарлигига қарши унинг ҳудудида НАТО кучлари сони оширилиши
Абу Ҳамза Хутвоний қаламига мансуб
2016 йил 26 октябр чоршанба куни Брюсселда НАТОга аъзо давлатлар мудофаа вазирларининг музокара анжумани бошланди. Анжуманнинг биринчи куни сўнггида ўтказилган матбуот конференциясида Блок бош котиби Йенс Столтенберг НАТОга аъзо давлатлардан 17 нафари «НАТОнинг шарқий қаноти», дея аталувчи нарсани мустаҳкамлаш учун ўз кучларини юборажагини билдирди ва жумладан, бундай деди: «Албания, Италия, Полша, Словакия қўшинлари Латвиядаги Канада қўшинларига қўшиладилар, Белгия, Харватия, Франция, Люксенбург, Голландия, Норвегия қўшинлари Литвадаги Германия кучларига қўшиладилар, Дания, Франция эса Эстониядаги Британ қўшинларига қўшиладилар ва ниҳоят, Руминия, Британия кучлари Полшадаги АҚШ кучларига қўшиладилар». Кейин «ушбу бурчларимиз Атлантика бўйлаб мустаҳкам арқонимиз учун яққол далил бўлажакдир», деди. «НАТО рус қўшинларининг жойлаштирилишига нисбатан жавоб бермоғи даркор», дея қўшимча қилди. Хуллас, анжуманда асосан, икки масала муҳокама этилди: Қора денгиздаги мавжуд НАТО қўшинлари сонини ошириш ҳамда Болтиқбўйи давлатлари ва Полшага галма-гал бўлинмалар юбориш.
Бундай НАТО кучларининг сафарбарлиги ёки Столтенберг айтганидек, «Атлантика бўйлаб мустаҳкам арқон»нинг кенгайиши, Россия Европа ҳудудида ҳарбий эскалация қилиб, ҳарбий Флотини Сурия йўлидаги Ўрта Ер денгизида ҳаракатлантиргандан сўнг ҳамда русларнинг «Шайтон-2», дея номланган энг катта ядровий ракетаси фош бўлиши ортидан бошланди. Рус ҳарбий манбаларига кўра, «Шайтон-2» Британия ёки Франция ҳажмичалик давлатни Ер харитасидан бутунлай йўқ қилиб юбориш қудратига эга. НАТОга етакчилик қилувчи Америка, Блокнинг Россияга нисбатан тезкор чора сифатидаги стратегиясининг бир қисми сифатида, Европа давлатларидан ҳар бири 4000 аскардан ташкил топган 4 нафар гуруҳ тузишни ва бу кучлардан кўплабини Болтиқбўйи давлатларига, Полша шарқига юборишни талаб қилган. Ўз навбатида, Британия ҳам, рус ҳарбий ҳаракатларига реакция сифатида, Россияга чегарадош Эстонияга ўзининг танклари ва қирувчи учоқларини жойлаштираётганини маълум қилди.
НАТО кучларининг бундай ҳаракатланиши совуқ урушдан бери рус ҳудудларига жойлаштирилган энг йирик ҳарбий сафарбарлик ҳисобланади. Россиянинг «Известия» газетасида айтилишича, Россия айни НАТО сафарбарлигига қарши Болтиқ денгизидаги Флотини мустаҳкамлаб, у ерга узоқ масофага учувчи «Кроз» русумли ракеталар билан таъминланган иккита кичик ҳарбий кемасини жойлаштирган ва буни у минтақада НАТО ҳаракатларининг хавотир уйғотадиган даражада кучаяётганига гувоҳ бўлгани учун амалга оширмоқда.
Сиёсий жиҳатдан олганда, Россия хатарни ҳис қилиб, НАТОнинг бу курашда жиддий эканини сезган кўринади. Шу боис Россия ташқи ишлар вазирлиги НАТО ишораларини рад этди. Чунки НАТО Ўрта Ер денгизидаги рус ҳарбий бўлинмалари Суриянинг Ҳалаб шаҳрини бомбардимон қилишда иштирок этмоқчи, дея даъво қилган эди. Россия ташқи ишлар вазирлигидаги катта масъуллардан бири Андрей Келин Столтенбергнинг Россияга қарши изоҳларини «вазиятнинг яхшиланишига хизмат қилмайди», дея баҳолар экан, жумладан бундай деди: «АҚШ хавотирлари бирорта асосга эга эмас, чунки учоқларимиз тўққиз кундан бери Ҳалабга яқинлашгани йўқ, ҳарбий бўлинмаларимиз Ўрта Ер денгизида ҳозир ҳам мавжуд ва у ерда доим мавжуд бўлиб турган. Шундай бўлгач, сохта ишоралар қилишни, кейин унга тушунтиришлар беришни кимга кераги бор?! Бу тентакликдан бошқа нарса эмас».
Афтидан, Россия Европа ҳудудларига ўз қўшинларини сафарбар қилиш билан Америка ва НАТОнинг бунга қандай муносабатда бўлишини текширишга, реакциялари қай даражада бўлишини билишга уринган кўринади. Чунки Россия мен ҳам АҚШ қудрати билан ёнма-ён турувчи йирик давлатман, деган маънода ўз кучларини жойлаштиришига НАТОга етакчилик қилувчи Америка кўз юмади-қаршилик қилмайди, деб ўйлаяпти. Хусусан, у Америка Сурияда чизиб берган ифлос ролни адо этаётган экан шундай гумон қиляпти… Яъни АҚШнинг Суриядаги манфаатларини таъминлаб бергани сабабли, бунинг эвазига худди Совет Иттифоқи даврида бўлганидек қайта дунёнинг иккинчи йирик давлати бўлишни ундан талаб қилмоқда. Бироқ Америка Россиянинг бу талабига қиё ҳам боқмади, чунки у Сурия масаласини Украина масаласи билан ҳамон боғлашни истамаяпти, бу давлатга ҳануз Украина билан боғлиқ жазоларни татбиқ қилмоқда. Шунинг учун Россия ўзига нисбатан АҚШнинг бундай қўпол муносабатларидан сабр косаси тўлиб, ўзининг ҳарбий кучларини намойиш қилиш билан унга босим қилишга уринди, ўзига нисбатан афтини бужмайтириш позициясидан қайтар, деб умид қилди. Айниқса, Сурияда унга катта хизматлар қилиб бериши, ўзидаги бутун ривожланган арсеналларини сарфлаб бўлса ҳам қўзғолонга қарши жанг қилиб, уни йўқ қилишга уриниши, Ҳалабни аҳолиси билан қўшиб вайрон этиши ортидан шундай умид қилди. Мана шундай ваҳшиёна амалиётларни АҚШ манфаати учун бажаргач, ундан ўзига қўйилган жазоларни енгиллаштиради, деб ўйлаганди. Бироқ Америка ҳужжатлар ўртасини ажратишда қаттиқ турибди, Россиянинг Сурияда кўрсатган хизматлари эвазига Украинага оид жазоларни енгиллаштиришга рози бўлмади. Унинг хизматлари эвазига қилган тақдирлови, Сурия ичкарисида фақат ҳарбий базалар беришга чекланди, холос. Ҳатто бу базаларнинг қанчагача берилгани ҳам аниқ эмас.
Дарҳақиқат, АҚШ билан НАТО рус сафарбарлигига қарши реакцияларини ошириб юборишди… Россия ҳудудларидан тортиб, Шарқий Европага қадар ғоят кўп кучларни жойлаштиришди… Учоқлар, танклар, янги ракеталар тизими ва тезкор кучлар билан таъминланган кучларни жойлаштириш, бир пайтлар собиқ Совет Иттифоқига қарашли Варшава шартномаси доирасида бўлган Руминия, Полша каби давлатларда бир неча базалар очиб ташлаш, НАТО кучлари ва қурол-аслаҳаларни жойлаштириш, уларни тайёр жанговар ҳолатга келтириб қўйиш, буларнинг барчаси Россияга нисбатан доимий қамалга олишни англатади, очиқдан-очиқ ёвуз ниятни ифодалайди. Россияни пайт пойлаб ҳамла қиладиган бирор душманга нисбатан доим ҳимояда турувчи давлатга айлантириб қўяди, уни доимий қуролланиш пойгаси билан машғул қилиб, иқтисодий қийинчилик ҳолатига тушириб қўяди, охир бориб, ҳарбий жиҳатдан катта давлат бўлиш масаласида ён бериб, бошига тушган қийинчилик ҳолатини афзал кўрадиган қилиб қўяди, кўплаб ривожланган ҳарбий тизимларидан воз кечишга мажбур қилади.
АҚШнинг Россия билан бундай салбий муомалада бўлаётганидан яққол кўриниб турибдики, унинг бирин-кетин келаётган маъмуриятларининг бари Россиянинг халқаро даражада туришини исташмайди, аксинча, уни заифлаштиришни ва регионал давлатлар даражасига тушириб қўйишни, Американинг эса, дунё етакчилигида рақобатчисиз яккаҳоким бўлиб қолаверишини исташади. Чунки бу давлат Россиянинг Сурияда кўрсатаётган хизматларига боқиб ҳам қўймаяпти, ўз манфаатларидан бошқа нарсага қизиқмаяпти, Россияга фақат ушоқларни ташлаб беряпти, холос, ўзи бўлса, халқаро жиҳатдан тўрига ўтиб олиб, умидвор рақибларига мутлақо эътибор қаратмай, ястаниб ўтирибди.
Американи йирик давлатлар билан бўлган бундай такаббурона позициясидан Пайғамбарлик минҳожи асосидаги Халифалик давлати каби АҚШ манфаатларига таҳдид соладиган мабдаий давлатгина қайтара олади. Зеро, бугунги кунда бутун дунё Америка ёвузликлари ва тоғутидан халос этиши учун Халифаликка мунтазир бўлиб турибди.
Роя газетасининг 2016 йил 2 ноябр чоршанба кунги 102-сонидан
