بسم الله الرحمن الرحيم

Роя газетаси:

Иордания режими хавфсизлик хизмати муҳандис Исмоил Ваҳвоҳни қамоққа олди

Иордания режими хавфсизлик хизмати муҳандис устоз Исмоил Ваҳвоҳ (Абу Анас)ни қамоққа олди. У 2018 йил 25 июл чоршанба куни «Қиролича Илё» халқаро аэропортига келганида ҳибсга олинди.

2018 йил 26 июл пайшанба куни Ҳизб ут-Таҳрир – Иордания вилояти матбуот бўлими шу хусусда баёнот чиқарди. Баёнотда бундай дейилади:

«Биз Ҳизб ут-Таҳрир – Иордания вилояти аъзолари ёрқин фикр соҳиби ва Умматни уйғотиш лойиҳасини кўтариб чиқаётган устоз Абу Анаснинг сиҳат-саломатлигидан ҳукумат ва унинг хавфсизлик хизмати тўлиқ жавобгар деб биламиз. Агар устоз Абу Анас ҳукуматдаги коррупциячилардан ва юрт бойликларию потенциалларини талон-тарож қилаётган мансабдор шахслардан бири бўлганда эди, Иорданияга хавфсизлик хизмати ходимлари ҳимояси остида кириб-чиққан бўлар эди, бунга шубҳа йўқ. Чунки хавфсизлик хизмати ходимлари бугунги кунда мана шу коррупциячиларни қўриқлайдиган, ла илаҳа иллаллоҳ даъватини етказиб, Аллоҳ шариатини татбиқ этишга ҳаракат қилаётган покиза зотларни эса қамоққа оладиган бўлиб қолган. Иорданиядаги бу мустабид режимга шуни таъкидлаб қўймоқчимизки, уларнинг бу каби Аллоҳ йўлидан тўсувчи ишлари Биз Ҳизб ут-Таҳрир аъзоларини даъватни етказиш ҳаракатимиздан ҳаргиз қайтаролмайди. Биз то Пайғамбарлик минҳожи асосидаги рошид Халифаликни барпо этишдек, Аллоҳнинг ваъдаси ва Росули ﷺнинг башоратлари рўёбга чиқмагунча Уммат билан биргаликда фаолият қилишда давом этамиз.

Роя газетасининг 2018 йил 1 август чоршанба кунги 193-сонидан