Селангор диний ҳокимияти ёмонотлиқ қилиш билан кифояланмай, Ҳизб ут-Таҳрирнинг расмий нотиғи ва уч аъзосига ёлғон айбловлар ёпиштирмоқда
بِسْـــمِ اللهِ الرَّحْمٰـــنِ الرَّحِيـــم
Матбуот баёноти
Селангор диний ҳокимияти ёмонотлиқ қилиш билан кифояланмай, Ҳизб ут-Таҳрирнинг расмий нотиғи ва уч аъзосига ёлғон айбловлар ёпиштирмоқда
Бугун Хулу Лангатдаги Селангор шаръий маҳкамаси Ҳизб ут-Таҳрирнинг Малайзиядаги расмий нотиғи Абдулҳаким Усмон билан уч нафар Ҳизб аъзоси Ван Нурул Ҳишом Ван Солиҳ, Ҳишомиддин Иброҳим ва Сўпиан Жоҳир устидан ҳукм чиқарди. Абдулҳаким 1995 йил ишлаб чиқилган Селангор жиноят кодексининг 12-модда «в» банди билан айбланди. Бу қонуний ҳокимиятни ёмонотлиқ қилиш ёки унга қарши чиқиш ёхуд муфтийнинг фатволар ҳайъати томонидан чиқарилган қонуний ишларига ва йўлланмаларига нисбатан шубҳа уйғотиш каби айбловларни ўз ичига олади. Бу 2015 йил 4 декабрда Селангордаги Ҳизб ут-Таҳрир офисида матбуот конференцияси берилганидан сўнг бўлди. Ҳукм 3000 Малайзия ренггити миқдорида жарима тўлаш жазосини ёки икки йилга озодликдан маҳрум қилиш жазосини ёхуд иккала жазони ҳам ўз ичига олади. Қолган уч нафар Ҳизб аъзоларига ҳам айни жазо билан шу қонуннинг 46-моддаси «тилбириктирувга тарғиб қилиш ва унда иштирок этиш» асосида ҳукм ўқилди. Маҳкамага Селангордаги диний ишлар бўйича прокурор Абдушшакур Абдулҳамид раислик қилди. Тўртовлон ҳам маҳкамада ўзларига қўйилган айбловни рад этдилар.
Маҳкама айни айбловларни қўйганидан сўнг Абдулҳаким уларни бекор қилинишини бевосита талаб қилиб, муфтий чиқарган фатво Ҳизб ут-Таҳрирга нисбатан туҳмат, бадном қилиш ва ёлғонлар билан тўлиб тошганини билдирди. Ҳизб ут-Таҳрир-Малайзия муфтий фатвосидаги бандларга расмий тарзда норозилик тақдим этиб, Ҳизбга қарши туҳмат, бадном қилиш ва ёлғонлар билан тўлиб тошган айни фатвосини қайта кўриб чиқишни ва уни бекор қилишни талаб қилди. Аммо улар на расмий норозиликка ва на талабга жавоб беришмади, фатволарини қайта кўриб ҳам чиқишмади. Шундан келиб чиқиб, Ҳизбнинг ушбу тўрт нафар аъзоси 2017 йил 17 февралда парламент биноси олдида шаръий прокурор чиқарган ҳукмга нисбатан норозилик пикети ўтказдилар. Бироқ улар бунга эътибор ҳам беришмади.
Маҳкамада кечган тортишувда Ҳизбнинг Малайзиядаги расмий нотиғи, агар маҳкама айни ишни бекор қилишдан бош тортган тақдирда, ишни кўриб чиқишни кечиктиришни талаб қилди. Буни Ҳизб «Шоҳ Олим» номли Олий маҳкамада кўтарган айни ишнинг қайта кўриб чиқилишига ва бундай нопок фатвони бекор қилинишига муваффақ бўлиш мақсадида қилди.
Биз Ҳизб ут-Таҳрир-Малайзия аъзолари фурсатдан фойдалиб, сиз Селангор муфтиси, фатволар қўмитаси ва диний ҳокимиятдан бундай адолатсиз маҳкама қарорини бекор қилишингизни ва шаръий прокурорга ушбу тўрт ҳизбий аъзога нисбатан қўйилган айбловларни қайта кўриб чиқиш вазифасини юклашингизни талаб қиламиз. Сиз биз Ҳизб аъзолари тўғрисида туҳмату бўҳтонлар тарқатдингиз, бундай ифлос фатвога раддия билдиришимизга имкон бермай, мунозара эшикларини маҳкам ёпиб олдингиз. Хўш, шу ишингиз Ислом аҳкомларига тўғри келадими?! Ахир, ҳужжатга ҳужжат билан жавоб бериш керак эмасми?! Сиз бўлсангиз, ҳужжатимизга зўравонлик билан жавоб бермоқдасиз!
Биз сизларни биродарлик, фикрий ва ахлоқий асосда мубоҳаса столига ўтиришга чақирамиз, мубоҳасамизнинг очиқ тарзда ёки хос тарзда бўлишининг биз учун фарқи йўқ. Аллоҳга дуо қилиб, кўзингиздаги пардани олиб ташлаб, инсоф беришини ва барчамизни тўғри йўлга ҳидоятлашини сўраймиз. Аллоҳ Таолонинг бундай таҳдидли хабаридан ҳушёр бўлайлик:
الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ
«Албатта мўмин ва мўминаларни фитнага солиб, (бу қилмишларидан) тавба қилмаган кимсалар учун жаҳаннам азоби бор ва улар учун ўт азоби бор!» [Буруж 10]
Абдулҳаким Усмон
Ҳизб ут-Таҳрирнинг Малайзиядаги
матбуот бўлими раиси
Телефон: 03-89201614
Электрон почта: htm@mykhilafah.com
Веб саҳифа: www.mykhilafah.com
Адрес: Khilafah Centre, 47-1, Jalan 7/7A,
Seksyen 7, 43650 Bandar Baru Bangi, Selangor
