Эрдўган Шом қўзғолонига бўлган адоватини яшира олмади
بِسْمِ اللهِ الرَّحْمنِ الرَّحِيمِ
Роя газетаси:
Эрдўган Шом қўзғолонига бўлган адоватини яшира олмади
Ҳижрий 1439 йил 17 муҳаррам, милодий 2017 йил 7 октябр шанба куни «Холиж онлайн» сайтида нашр қилинган хабарда бундай дейилади:
«Шанба куни Туркия президенти Ражаб Тоййиб Эрдўган бугун Сурия Идлибида йирик амалиётлар бошланганини билдирди. У айни амалиётларни Сурия Озод армияси олиб бораётганини таъкидлади.
Туркиянинг Афйонкарахисар вилоятида бўлиб ўтган Адолат ва Тараққиёт партиясининг маслаҳат ва баҳолаш йиғинида «Озод армиянинг айни амалиёти Россия авиацияси томонидан қўллаб-қувватланмоқда», деди ҳамда «турклар Идлиб шаҳри ичкарисидаги хавфсизликни, руслар шаҳар атрофидаги хавфсизликни таъминлаётган»ини таъкидлади.
«Биз бу навбатдаги қадамни, Фурот қалқони амалиёти доирасини кенгайтиришга қаратилган Идлиб хавфсизлиги йўлида ташлаяпмиз», деди.
Эрдўганнинг таъкидлашича, «турк кучлари Идлибга ҳали киргани йўқ» ва «амалиётни Сурия озод армияси амалга оширади», Анқара эса қўллаб-қувватлаб туради.
У сўзини давом эттириб бундай деди: «Биз Сурия билан бўлган чегараларимизда террорчилар учун йўлак қурилишига ҳаргиз йўл қўймаймиз, Идлиб амалиёти ортидан яна ташаббусларимизни давом эттирамиз».
Роя газетаси шарҳи:
Кўриниб турибдики, Туркия президенти Эрдўган Шом қўзғолонига бўлган адоватини яшира олмай қолди. У қўзғолончиларга нисбатан, бинобарин, Пайғамбарлик минҳожи асосидаги рошид Халифаликни тиклаш лойиҳасига нисбатан душманлигини тўсиб турувчи сўнгги ниқобини ҳам ечишга мажбур бўлди. Буни албатта, Американинг мавҳум ечимини ижро этиш учун қилмоқда. Чунки Америка Эрдўганга тобе суриялик гуруҳларни Идлибга киритиб, уларни салибчи Россия самолётлари билан қўллаб-қувватлаш орқали қўзғолоннинг сўнгги қалъаларини ҳам йўқ қилишга уриняпти. Россия бутун Сурия аҳлига, хоссатан Идлиб аҳлига қарши таърифлашга тил ожизлик қилувчи ўнлаб ваҳший қирғинларни содир этди. Хўш, Россиянинг Америка қуроли ва вакили сифатида Ислом ва мусулмонларга бўлган салибчилик урушида ёрдам бериб, унинг Сурия аҳли бошига бомбалар ёғдириш орқали нафрат заҳрини сочишини қўллаб-қувватлайдиган кишидан Шом қўзғолонига, Исломга бирор яхшилик кутиш мумкинми?!
Роя газетасининг 2017 йил 11 октябр чоршанба кунги 151-сонидан
