بسم الله الرحمن الرحيم

Роя газетаси:

Ён бериш ва хиёнат эвазига берилган маблағ!

Буни мустамлакачи давлатларнинг ўзлари айтиб турибди

«www.alquds.com»да ҳижрий 1439 йил 21 зул-қаъда, милодий 2018 йил 3 август жума куни  нашр қилинган хабарда бундай дейилади:

«Жума куни АҚШ Ташқи ишлар вазирлиги «Қудс» газетаси бўлимига маълум қилишича, вазирлик Фаластин режими хавфсизлик хизматини қўллаб-қувватлаш учун маблағ ажратган.

Бир кун олдин пайшанба куни кечқурун АҚШнинг «NPR» миллий радиостанцияси ўтган ҳафта Ташқи ишлар вазирлиги Фаластин-«Исроил» хавфсизлик механизмини мустаҳкамлаш учун Фаластин хавфсизлик хизматига ўнлаб миллион доллар маблағ ажратгани тўғрисида хабар тарқатган эди.

АҚШ Ташқи ишлар вазирлигидаги исмини ошкор этмасликни илтимос қилган юқори лавозимли бир масъул «Қудс» газетасига – маъмурият миллий хавфсизлигимиз манфаатларига жавоб бераётганини, сиёсий мақсадларимизни амалга ошираётганини ва Қўшма Штатлардаги солиқ тўловчилар учун солиқ қийматини қисқартираётганини таъкидлаб қўйиш учун фаластинликларга қайта ёрдам бериш ишларини давом эттиради, деди».

Роя газетаси шарҳи:

Бу хабар АҚШнинг «UNRWA» (БМТнинг фаластинлик қочқинларга ёрдам бериш ва уларни иш билан таъминлаш бўйича Яқин Шарқдаги агентлиги)га ажратилган маблағни тўхтатиб қўйиши билан бир вақтда тарқалди.

Фаластин аҳлига шу нарса сир эмаски, мустамлакачи Ғарб давлатлари Фаластин режимига айни ёрдам маблағларини бекорга тақдим этаётгани йўқ, албатта. Бу моллар режимнинг Фаластин ва унинг аҳлига хиёнат қилаётгани ва босқинчи яҳудийларни ҳимоя билан таъминлаётгани эвазига берилмоқда. Зотан, бу режимнинг ўзи ҳам бекорга тузилгани йўқ, балки, шу мустамлакачи давлатлар режалари доирасида, яҳудийлар хавфсизлигини ҳимоя қилиш ва Фаластин масаласини йўқ қилиш мақсадида тузилган. Мудом режим шу вазифаларини содиқлик билан бажаришда давом этар экан, ёрдамлар ҳам давом этаверади. Бошқача ибора билан айтганда, бу ёрдам маблағлари режимнинг қора кўзлари учун берилмаяпти, балки, маълум бир жирканч сиёсий ғаразларни амалга ошириш учун ҳамда юқорида америкалик масъулнинг оғзидан чиққанидек, АҚШ миллий манфаатларини, асосан, босқинчи яҳудийлар хавфсизлигини ҳимоя қилиш учун берилмоқда.

Бу аччиқ ҳақиқат Уммат қўшинларидан зудлик билан оёққа туриб, мусулмонлар елкаларига миниб олган Ислом юртларидаги ғарбпараст малай режимларни ағдаришни ҳамда Пайғамбарлик минҳожи асосидаги рошид Халифаликни барпо этиш учун Ҳизб ут-Таҳрирга нусрат-ёрдам беришни талаб қилади. Зеро, ушбу Халифалик, босқинчи яҳудийларни йўқ қилиш ва муборак Фаластин заминини озод этиш сари мусулмонлар ҳимматини қўзғайди, армияларини сафарбар этади.

Роя газетасининг 2018 йил 29 август чоршанба кунги 197-сонидан