بسم الله الرحمن الرحيم

Роя газетаси:

Ҳизб ут-Таҳрир-Сурия вилояти «Сукут қилган қавмнинг ҳолига вайл бўлсин» номли кампания бошлади

Жума куни Ҳизб ут-Таҳрир-Сурия вилояти юртнинг жанубидан то шимолигача барча ҳудудларда  «Сукут қилган қавмнинг ҳолига вайл бўлсин» номли кампания бошлади. Ушбу «ضاق الخناق» (азоб-уқубатлар ҳиқилдоққа келди) ҳаштаги остидаги кампанияда, қўллаб-қувватловчи давлатларга боғланиб қолган етакчиларга сукут қилишнинг хатарли экани очиқланди ҳамда бундай сукутнинг қўзғолон масаласида ён бериш ва уни сотиш жиноятидан кам эмаслиги эслатилди.

Кампанияда плакатлар илиш тадбирлари ўтказилди. Масалан, Шимолий Ҳалабдаги Эъзоз ва Аториб шаҳарларида, Жина, Саҳора районларида, Куфри Носиҳ қишлоғида ҳамда Ғарбий Ҳалабдаги Куфри Таол қишлоғида бу тадбир амалга оширилди. Жанубда эса, Шарқий Ғория, Карак, Саҳва баладияларида, Шарқий Ҳиврон районида, Жайдур минтақасида, Намр, Ҳора ва Ақрабо баладияларида, Ғарбий Ҳиврон районида ўтказилди. Бир вақтнинг ўзида, айни тадбир Идлибнинг марказида ва районларида, шунингдек, Салом ва Каромат жамлоқларида, Тармонин баладиясида, Дайр Ҳассон қишлоғида, Шимолий Идлиб районидаги Атма шаҳрида, Жанубий Идлибдаги Ариҳа шаҳрида, Шимолий-Ғарбий Идлибдаги Салқин шаҳрида ўтказилди. Шу нуқтаи назардан, Ҳизб ут-Таҳрир-Сурия вилояти матбуот бўлими жума куни ўз веб-сайтида қуйидагиларни таъкидлади:

Ғарб халқ қўзғолонини гуруҳлар қўзғолонига айлантиришга, яъни, қўзғолончи гуруҳларни қўллаб-қувватловчи давлатларга боғлаб қўйиб, қўзғолон қарорини ўз назорати остига олишга ҳаракат қилди. Албатта, бундан қўзғолонга барҳам бериш, одамларни қайта қонхўр режим чангалига қайтариш орқали АҚШнинг сиёсий ечимини амалга ошириш кўзланган… Қўзғолон бошдан кечирган хатарли тойилишлар – қўллаб-қувватловчи давлатларга боғланиб қолган гуруҳлар тизимига зарба бериш лозимлигини кўрсатиб турибди. Чунки Ғарб хоин етакчиларсиз бирорта ҳам ифлос режасини амалга ошира олмайди ва қонхўр режимни ўшалар билан тил бириктириш орқали сақлаб турибди. Бундан ташқари, ўша етакчиларнинг хавфсизликка оид нопок хатти-ҳаракатлари воқенинг ўзгаришига нисбатан одамларни умидсизликка тушириб, қўзғолондаги асосий вазифаларидан воз кечишларига мажбур қиляпти. Шунингдек, холис мужоҳидлар ҳам мана шу қўллаб-қувватловчи давлатларга боғланиб қолган етакчилар қўлида қўғирчоқ бўлиб қолдилар… Шунинг учун бугун энг биринчи галдаги вазифа – мана шу гуруҳлар тизимига тўғридан-тўғри зарба беришдир. Яъни, холис мужоҳидлар бундай раҳбарларга кўр-кўрона итоат қилиш билан ҳамда уларнинг қўллаб-қувватловчи давлатларга боғланиб қолишларига ва мункар ишларига сукут қилиш билан қўзғолонга бегоналашиб, бошқа хандаққа тушиб қолишганини уларга уқтириш лозим. Бу нарса холис мужоҳидларнинг ўз Умматлари бағрига қайтишига, бундай етакчиларга қарши чиқиб, уларни ҳам холис жамоа карвонига қайта қўшилишга ундашларига замин яратади. Зотан, мавжуд гуруҳлардан умидлари пучга чиққан Уммат – мана шундай холис жамоа карвонига интиқ бўлиб турибди.

Роя газетасининг 2018 йил 21 феврал чоршанба кунги 170-сонидан