بِسْمِ اللهِ الرَّحْمٰنِ الرَّحِيم

Ғарқ бўлмасидан олдин кемангизни қутқариб қолинг

«Зўравонликдан тийилиш» ташаббуси АҚШ бошчилигидаги навбатдаги тил бириктирув бўлиб, ундан қўзғолонни йўқ қилиш ва жинояткор Башар режимини сақлаб қолиш кўзланган

Суриядаги аҳлимизнинг ашаддий душманлари бўлган ва жинояткор режим билан баъзи қўзғолончи гуруҳлар ўртасида сўзлашувларга етакчилик қилаётган Туркия, Россия, Эрон давлатлари томонидан 2017 йил 4 май пайшанба куни Остона конференциясининг тўртинчи тури якунида меморандум имзоланди. Меморандум матнида «тўқнашувлардан холи минтақа» белгиланиши, бу минтақаларнинг чегаралари бўйлаб «хавфсиз ҳудудлар» ташкил қилиниши айтилган. Ташкил қилинган хавфсиз ҳудудларда қуролсиз фуқароларнинг ўтишини, инсонпарварлик ёрдамлари киришини ҳамда иқтисодий тадбирлар давом этишини таъминлайдиган «назорат пунктлари» фаолият олиб боради. Бу минтақалар икки ҳафта давомида белгиланади. Аммо Ал-Қоида ва «Давлат» ташкилотига келсак, тўқнашувлардан холи  тўрт минтақа билан хавфсиз ҳудуд ташқарисида ва ичкарисида уларга қарши кураш давом этаверади. Битим муддати биринчи босқич сифатида олти ой бўлиб, буни идора қилиш иши кафил давлатларга қарашли бирлашмаларга топширилади.

Биз Ҳизб ут-Таҳрир-Сурия вилояти аъзолари Шомда сабот-матонат билан турган аҳлимизга айни битим қуйидагича хавфли оқибатлар келтириб чиқаришини баён қилмоқчимиз:

1 –Биринчи, айни битимга қарши бўлган гуруҳлар билан рози бўлмаган гуруҳлар ўртасида, сўнг Ғарбни рози қилганлар билан унинг ғазабини келтирганлар ўртасида навбатдаги фитна, бўлиниш ва жанг келиб чиқади.

2 –Ҳар қандай холис жиддий ҳаракатни бостириш мақсадида қўзғолончи гуруҳлар қонхўр режим минтақалари қўриқчиларига айланади, худди илгари ҳам Фавъа билан Куфриёда бўлгани каби.

3 –Режимга хотиржамлик ва бошқа минтақаларни қайтариб олиши учун етарли вақт яратилади.

4 –Озод этилган минтақалардаги холис жангчиларнинг қуролсизланиши тўғрисидаги фикрни ўртага ташлаш учун замин тайёрланмоқда. Бундан қуролсизлантирилган минтақаларни пайдо қилиш кўзланган.

5 –Давлатлар истагига қарши чиққан ва Америка ечимидан бош тортган мусулмонларни кичикроқ бир минтақаларга изоляция қилиб, зарба бериб йўқ қилинади.

6 –Россиянинг ҳамда АҚШ етакчилигидаги коалициянинг ўз назорати остида бўлмаган минтақаларни бомбардимон қилиши ҳамда террористларни бомбардимон қиляпмиз, деган иддио билан мусулмонларни ажратиб ўтирмай қатли ом қилиши қонунийлаштирилади.

7 –Асад режими билан мухолафат ўртасини ажратиш, деган баҳона билан Туркия ва араб давлатлари қўшинлари озод қилинган ерларга киради. Аслида эса, улар ўзларига тобе бўлган гуруҳларни бевосита бошқариш, қайта тузиш ва уларнинг келаси босқичда режим армияси билан қоришган ҳолда ҳаракат қилишлари учун замин тайёрлашади.

Биз Ҳизб ут-Таҳрир-Сурия вилояти аъзолари Шом қўзғолони жуда ёмон аҳволга тушишидан огоҳлантириб, хатар бонгини урамиз. Мусулмонлар масаласини халқаролаштириш уни душманга топширишни, бинобарин бой беришни англатишини ва бу тарихда ўз исботини топганини холис кишиларга эслатамиз. Аллоҳ Таоло бундай деди:

وَلَا تَرْكَنُوا إِلَى الَّذِينَ ظَلَمُوا فَتَمَسَّكُمُ النَّارُ وَمَا لَكُم مِّن دُونِ اللَّـهِ مِنْ أَوْلِيَاءَ ثُمَّ لَا تُنصَرُونَ

«Зулм йўлини тутган кимсаларга берилиб кетманглар (эргашманглар), акс ҳолда, сизларга дўзах ўти етади. Сизлар учун Аллоҳдан ўзга бирон дўст йўқдир. Кейин (яъни золимларга эргашсангиз) сизларга нусрат берилмас»       [Ҳуд 113]

«Хавфсиз ҳудуд» яратиш битими навбатдаги қазилган ўра бўлиб, унга бизни халқаро макр корчалонлари ағдаришмоқчи бўлишяпти. Шу орқали қўзғолонимиз ўз ғоясига етиб боришидан олдин уни йўқ қилишмоқчи… Хўш, душманларимиз юрагимизга ханжар ургунларича қўл қовуштириб тураверамизми ёки бундай хатарли битим бандларининг ажро этилишини олдини олиш ва мусулмонлар қони билан ўйнашаётган кимсаларни тийиб қўйиш учун, сўнг ла илаҳа иллаллоҳ Муҳаммадур Росулуллоҳ ақидасидан балқиб чиққан ва Ҳизб ут-Таҳрир тақдим этган аниқ сиёсий лойиҳани табанний қилиш учун зудлик билан самарали ҳаракат қиламизми ҳамда кемамиз чўкмасидан олдин, уни омонлик соҳилига етказиб бериши учун Ҳизбни сиёсий етакчи қилиб оламизми?! Аллоҳ Таоло бундай деди:

إِنَّمَا وَلِيُّكُمُ اللَّـهُ وَرَسُولُهُ وَالَّذِينَ آمَنُوا الَّذِينَ يُقِيمُونَ الصَّلَاةَ وَيُؤْتُونَ الزَّكَاةَ وَهُمْ رَاكِعُونَ* وَمَن يَتَوَلَّ اللَّـهَ وَرَسُولَهُ وَالَّذِينَ آمَنُوا فَإِنَّ حِزْبَ اللَّـهِ هُمُ الْغَالِبُونَ

«Сизларнинг дўстингиз фақат Аллоҳ, Росули ва таъзим-тавозеъ қилган ҳолларида намозни тўкис адо этадиган, закотни (ҳақдорларга) ато этадиган мўминлардир. Кимки Аллоҳни, Росулини ва мўминларни дўст тутса, (нажот топгай), зеро фақат Аллоҳнинг ҳизбигина ғолиб бўлгувчилардир»     [Моида 55]

Ҳизб ут-Таҳрир                                                                     10 шаъбон 1438ҳ

Сурия вилояти                                                                             7 май 2017м