بِسْمِ اللهِ الرَّحْمنِ الرَّحِيمِ 

Роя газетаси:

Фаластин режими Ғазо болаларига зарар келтираётган ваҳший

Яҳудийлар давлати олдида қуёндир

Ҳижрий 1438 йил 5 шаввол, милодий 2017 йил 29 июн пайшанба куни «Сама» ахборот агентлиги сайтида қуйидаги хабар тарқалди:

«Кеча эрталаб босқинчи яҳудийлар полицияси Ақсо масжидини ёпиб, мусулмонларни намозга киритмади. Ўнлаб келгинди яҳудийларни ҳимоя қилиш учун масжид майдонига ўз кучларини ташлади. Бу яҳудийлар Ақсога Қуддусдаги полиция қўмондонлари Авраам Леви етакчилигида, келгиндилар раҳбарлари ва босқинчи давлат зобитлари билан бирга Мағориба даврозасидан бостириб киришди.

Фаластин Ахборот Агентлиги расмий манбасига кўра, босқинчилар полицияси аввалида намозхонларга қаттиқ қаршилик кўрсатиб, эшик олдида шахсий гувоҳномаларини тортиб ола бошлаган. Сўнг улардан қирқ ёшдан пастларини киритмаган, кейин эса, бирорта ҳам намозхонни киритмай қўйган. Шундан сўнг Ақсога яҳудийларнинг ёппасига бостириб киришларига Авраамнинг ўзи раҳбарлик қилиб, илгари ўлдирилган келгинди яҳудий аёл хотирасини нишонлаш учун унинг онасини ҳам масжидга олиб кирди.

Фаластин Ахборот Агентлиги манбасининг қўшимча қилишича, кеча «Ҳайкали мазъум» ташкилотлари ва босқинчи давлат қишлоқ хўжалик вазири экстремист Ури Ариэль пайшанба куни Ақсо масжидига бостириб кириш ва у ерда ўтган йили Халилдаги келгиндилар уйларининг бирида ўлдирилган Гилель Ариэль исмли аёл хотирасини нишонлашга барча келгинди яҳудийларни даъват қилган.

Эрталабки соатларда келгинди яҳудийлар тўдалари провокацион ҳаракат олиб бориб, муборак Ақсо масжидига Муғораба дарвозасидан бостириб киришди, уларни босқинчи давлатнинг кучайтирилган кучлари қўриқлаб турди.

Полиция қўмондони ва экстремистлар катталари масжиддан чиқиб кетишгач, босқинчи кучлар уни номозхонларга очиб бериб, кейин кутилмаганда яна ёпиб қўйишди».

Роя газетаси шарҳи:

Одатдагидек, Фаластин режимининг ушбу яҳудийлар адоватига нисбатан бор-йўқ қилган иши – Маан ахборот агентлигига кўра – қоралаб қўйиш бўлди. Фаластин режими матбуот воизи Ториқ Рашмовий босқинчи давлатнинг Қуддус полиция қўмондонлиги остида Ақсо масжидини беркитиб, номозхонларни киритмаганини қоралади.

Рашмовийга кўра, бундай ҳаракат барча инсоний қадрият ва ахлоқларга қарши чиқиш, барча халқаро қонунларни қўпол равишда бузиш, халқаро ҳамжамият қарорларини очиқдан-очиқ топташ ҳисобланар эмиш.

Фаластин режими Ғазо сектори ва унинг аҳлига қарши репрессив чора-тадбирларни қўллаб келмоқда. Ҳамасга босим қилаётгани билан оқламоқчи бўлаётган унинг ушбу репрессиясидан ҳатто болалар ҳам омон қолмаяпти. Бу чора-тадбирларини кўрган ёки эшитган киши бу режим қаттиққўл, қатъиятли экан, деб ўйлаши мумкин. Бироқ бундай хомхаёл барчамиз режимнинг яҳудийлар давлати олдида қанчалар хор ва шармандали позицияда турганини, ҳатто унинг жиноятларига қарши жуда синиқ-заиф сўзларни қўллаётганига гувоҳ бўлганимизда бир зумда тарқаб кетади.

Ҳақиқатдан ҳам, ушбу сўзларни айтган инсон нақадар ҳақдир: кофир Ғарб исломий юртлардаги ҳукмдорларни ҳокимиятга ўзига хизмат қилишлари ва манфаатларини рўёбга чиқариб беришлари учун ўтқазиб қўйган бўлиб, бу ҳукмдорларнинг ҳаммаси Ислом Умматига душмандирлар, душманларига эса дўстдирлар.

Роя газетасининг 2017 йил 5 июл чоршанба кунги 137-сонидан