«Эркинлик адолат ва тенглик юрти»да инсон ҳайвондан ҳам ёмон аҳволда яшамоқда!
بِسْمِ اللهِ الرَّحْمنِ الرَّحِيمِ
Роя газетаси:
«Эркинлик адолат ва тенглик юрти»да инсон ҳайвондан ҳам ёмон аҳволда яшамоқда!
Ҳижрий 1438 йил 7 шаввол, милодий 2017 йил 1 июл шанба куни «Франс 24» сайти қуйидаги хабарни чоп қилди:
«Франциянинг «Ла-Шапель» дарвозаси олдида муҳожирларни кутиш гуманитар маркази ёнига тикилган чодирларда мингдан зиёд муҳожир ноинсоний вазиятда яшамоқда. Чунки у ерда гигиена йўқ, атиги учта сув олиш точкалари ва бир неча ҳаммомлар бор, холос.
Улардан Иброҳим исмли бир муҳожир «ҳайвонлардан ҳам ёмон аҳволда яшаяпмиз», деди. Иброҳим марказ яқинида кўчада яшайди, машиналарнинг тинимсиз сигналлари остида ухлайди… Қолган афғонистонлик, эритериялик ва суданлик мингдан зиёд муҳожир аҳволи ҳам худди шундай. Улар бу ерга ўтган май ойи бошида амалга оширилган ёппа эвакуация жараёнида келиб жойлашганлар.
Яна бир афғонистонлик йигит «Ла-Шапель» дарвозаси олдидаги чорраҳадан ва Франция пойтахти билан боғловчи халқа йўлидан атиги бир неча метр масофа нарига ҳеч бир тайёргарликсиз ўрнатиб қўйилган чодирларга ишора қилар экан, «бундай шовқин ва ифлосликка ҳатто ҳайвонлар ҳам рози бўлмаслиги»ни таъкидлади. Сўнг, «Биз қочқинлармиз, ижтимоий низомдан фойдаланиш учун бу ерда эмасмиз», дея қўшимча қилди.
Париждаги бошпана маркази тўлиб қолгани эътиборидан, жамият ва ташкилотлар Франциянинг бошқа ерларида шунга ўхшаш марказлар қурилишини талаб қилганлар. Париж шаҳар мэри Анн Идальго шу хусусда ички ишлар вазири Жерар Колломбга мактуб ёзган, айни талабни сешанба куни бош вазир Эдуар Филиппга ҳам юборган.
Пайшанба куни минтақа маъмурияти раиси Мишель Кадо бундай «Вазият кўнгилни хотиржам қилмаслиги»га иқрор бўлди ҳамда «Сўзсиз, бирор ечим излаб топишни талаб қилиши»ни таъкидлади. Лекин у айни масала «жиддийроқ ҳаракат»ни талаб қилади, чунки муҳожирларни биринчи келиб тушган Европа давлатларига қайтариб юбориш мумкин, дея огоҳлантирди.
Муҳожирлар масаласи билан шуғулланувчи «Utopia 56» жамиятидан Ян Манци «Бу одамлар маъмурий ғаразгўйликнинг сарсони бўлдилар», деди. Сўнг ҳукумат сиёсатини қоралаб, «Бундай вазиятга ишонгинг келмайди, одамлар шу аҳволда қолдирилса-я, келинглар, уларга жиддий эътибор берайлик», деди.
Роя газетаси шарҳи:
Эркинлик, адолат ва тенглик каби олий мафкураларни бошқа Европа давлатларига бизнинг француз халқи олиб келган, дея мақтанувчи давлатнинг аҳволини кўриб қўйинг. Бу давлат ҳижрат қилишга мажбур бўлган инсонларга шундай муомала қиляпти. Ахир, бу бечоралар ўз юртларидаги тоғутларнинг зулм, репрессия, қашшоқлик ва қаҳрларидан қочиб, эркинлик, адолат, тенглик тўғрисида оғиз кўпиртириб гапирувчи шу юртга умид билан келдилар. Аммо оқибатда бу ерда – ўзларининг таъбири билан айтгандек – ҳайвонлардан ҳам баттар аҳволда яшамоқдалар. Улардан бири эса «бундай шовқин ва ифлосликка ҳатто ҳайвонлар ҳам рози бўлмаслиги»ни таъкидлади. Инсонни инсон ўрнида кўрмайдиган, балки инсондан ҳайвонни азиз биладиган бундай маданиятга туф! Зотан, инсонни Аллоҳ Таоло ҳамма махлуқотдан улуғ қилиб яратган, Ислом унинг қадру шаънини юқори кўтарган.
Роя газетасининг 2017 йил 5 июл чоршанба кунги 137-сонидан
