Иордан режими қўрқоқлик қилиб, грек Патриархининг Қуддусдаги жиноятига нисбатан ўз бурчини адо этишдан чекинмоқда
بِسْمِ اللهِ الرَّحْمنِ الرَّحِيمِ
Матбуот баёноти
Иордан режими қўрқоқлик қилиб, грек Патриархининг Қуддусдаги жиноятига нисбатан ўз бурчини адо этишдан чекинмоқда
Иордания режими Қуддусни ва бутун Фаластинни ёрдамсиз қолдиришда ҳамда ўз бурчини адо этишдан ўзини олиб қочишда давом этмоқда. Бу сафар у жуда оғир ва хавфли жиноят, яъни грек православ черкови патриархи Фиофил III содир этган жиноятга нисбатан сукут сақлади. Патриарх православ черковига тегишли Қуддуси Шариф ерларидан 500 донум ерни яҳудийларга сотиб юборди ва бу жиноятини хотиржамлик билан содир этди. Чунки 1958 йил бу тўғрида патриарх томонидан қонун қабул қилинган бўлиб, ўша пайтдаги Иордания парламенти буни тасдиқлаган эди.
Бугунги Иордания парламент кенгаши аъзолари патриархнинг айни жиноятни содир этишига асос бўлган қонуннинг нақадар қосир, золимона ва хатарли эканини энди англаб етишди. Черковнинг ташқи миссиясида гавдаланаётган бу хатарни Уммат анча вақтдан бери яхши англаб келган эди. Улар эса энди англаб етиб, парламент номидан Иордания ҳукуматига меморандум тақдим қилдилар. Меморандумда ҳукуматдан грек патриархига ва унинг жиноятига нисбатан журъатли позиция эгаллашни талаб қилдилар.
Аммо режим меморандумга жавоб беришдан ўзини олиб қочди, бўлмағур-сохта баҳоналар билан бундай жиноятга нисбатан жиддий ва амалий позиция эгаллашни истамади. Бўлмағур баҳоналар Иордания ҳукумати матбуот воизи Муҳаммад Мавминий оғзидан чиқди, у – меморандум ҳали ҳукумат қўлига етиб келмади, етиб келиши биланоқ унга нисбатан муносабатимизни билдирамиз, деди. Бироқ воиз жаноблари Уммат масаласида кимнингдир меморандумига қараб қолмаслик ҳамда бутун Фаластинни озод этиш учун Умматни, армияларимизни жиҳодга сафарбар қилиш, шунингдек, Қуддуси Шариф ва унинг черковларини, Ақсо масжидини мусулмонлар бағрига қайтариш Иордания режимининг бурчи эканини жуда яхши биларди, буни била туриб, ўзини билмасликка олди. У яна бундай қўшимча қилди: «Аппаратимизга бу ҳақда расмий маълумот етиб келиши биланоқ, ҳақиқатни аниқлаймиз». Ажабо, шунчалик ҳам адаштириш, ҳурматсизлик бўладими?! Шу черковдаги руҳонийлар миссиясининг Қайсариядаги минг донум ерни яҳудийларга бериб юборгани ҳамда Умар ибн Хаттоб майдонидаги кўчмас мулкларни яҳудийларга яширинча бериб юборгани, Байт Лаҳм ва Қуддус ўртасидаги ерларни уларга яширинча ўтказиб бергани ҳам, наҳотки расмий ҳукумат аппаратига етиб келмаган бўлса?! Йўқ, бу нарса албатта етиб келган. Бироқ сизларнинг сиёсатингиз патриарх Фиофил билан жиноят устида ҳамфикр бўлишга қўшимча, қўрқоқлик ва тил бириктирувга асосланди. Бу нарса православлар кенгаши аъзоси Алиф Саббоғ сўзларидан яққол маълум бўлиб қолди.
Сўзимиз ниҳоясида парламентдаги муҳтарам депутатларга бундай деймиз: Ҳа, сизлар ўз кенгашингиз томонидан чиқарилаётган қонунларнинг – патриарх чиқарган анави қонун ҳам шулар жумласидан – ғоят хатарли эканини англаб етдингиз. Хўш, Иорданиядаги ҳар бир инсон учун хатарли бўлган бундай қонунларга нисбатан ҳамда 2017 йилги ўзгартириш киритилган жиноят кодексига нисбатан нима қиляпсиз?! Чунки ўзгартирилган бу қонун таътил кунларингизда сизга ҳам, шунингдек бу қонун эълон қилинишидан олдинги ишларга ҳам қўлланиши мумкин. Аллоҳ ҳаққи, етар энди, иорданиялик инсонлар томонга, Ислом Уммати ва унинг масаласи томонига ўтишингизнинг вақти етди. Уммат ўзининг томонига ким ўтмоқда, ким уни ва динини ҳимоя қилмоқда, ким масалаларига қайғурмоқда, буларнинг барчасини ҳеч қачон унутмайди.
يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْماً لَّا يَجْزِي وَالِدٌ عَن وَلَدِهِ وَلَا مَوْلُودٌ هُوَ جَازٍ عَن وَالِدِهِ شَيْئاً إِنَّ وَعْدَ اللَّهِ حَقٌّ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ
«Эй инсонлар, Роббингиздан қўрқингиз ва яна бир Кундан (қиёматдан) қўрқингизким, (у кунда) бирон ота ўз боласи томонидан (бирон нарса) ўтай олмас ва бола ҳам отаси томонидан бирон нарса ўтай олгувчи бўлмас. Аллоҳнинг (қайта тирилтириб, ҳисоб-китоб қилиш ҳақидаги) ваъдаси албатта ҳақдир. Бас сизларни дунё ҳаёти (ўзининг ўткинчи неъматлари билан) ҳаргиз алдаб қўймасин ва сизларни ғурур (шайтон) Аллоҳ (ҳар қандай гуноҳни кечаверади деган алдов) билан ҳаргиз алдаб қўймасин!» [Луқмон 33]
Ҳизб ут-Таҳрирнинг
Иорданиядаги матбуот бўлими
E-Mail: info@hizb-jordan.org
