АҚШ билан шартнома имзолаган Қатар мусулмонларга хиёнат қилишда давом этмоқда!
بِسْمِ اللهِ الرَّحْمٰنِ الرَّحِيمِ
Матбуот баёноти
АҚШ билан шартнома имзолаган Қатар мусулмонларга хиёнат қилишда давом этмоқда!
АҚШ давлат котиби Энтони Блинкен билан қатарлик ҳамкасби Муҳаммад ибн Абдураҳмон Оли соний ўртасида имзоланган шартномага кўра, Қатар АҚШнинг Афғонистондаги манфаатлари учун «ҳимоя кучи» ролини ўз зиммасига олади. Блинкен бундай баёнот берди: «Қатар ўзининг Афғонистондаги элчихонасида АҚШ манфаатлари бўлимини таъсис этади. Бу бўлим маълум консуллик хизматларини кўрсатиш ва АҚШнинг Афғонистондаги дипломатик муассасалари хавфсизлигини назорат қилиш билан шуғулланади». Яна қўшимча қилди: «Бу йил Қатар билан бўлган дўстлигимиз янада мустаҳкамланди, айниқса, бу мамлакат АҚШ билан яқиндан ҳамкорлик қилиши ортидан».
Бошқа мусулмон юртларидаги ҳукмдорлар қатори Қатар ҳукмдорлари ҳам сиёсий мустақилликка эга эмаслар ҳамда Ислом ва мусулмонлар борасида бирорта мажбуриятга боқмайдилар. Қатар узоқ йиллар давомида Ислом душманлари сафидан жой олиб келди. У ҳар доим Британия томонида туриб келганидек, бугун Америка манфаатига қаратилган вазифаларни амалга оширяпти. Унинг мусулмонларга нисбатан хиёнати сўнгги йилларда янада яққол намоён бўла бошлади. Ўз хўжайини АҚШ манфаати учун Шом қўзғолони ва Толибон ҳаракатига хиёнат қилди. Ваҳоланки, ўшанда Шом мусулмонлари тоғут устидан ғалаба қозонишларига бир қадам қолган эди… Бироқ Қатар, Туркия, Эрон ва Саудиядаги хоин ҳукмдорлар қўзғолонни муваффақиятсизликка олиб боришди. Афғонистонда ҳам шундай қилишди. Америка аянчли мағлубиятдан қийналиб, хавфсиз суратда қочиб чиқишга ҳаракат қилаётган бир пайтда, мана шу қўғирчоқ ҳукмдорлар унга истаганидек хавфсиз равишда чиқиб кетишига замин яратиб беришди. Қатар деярли Америка меҳмонхонасига айланиб қолди. У Толибонни музокарага жалб қилиш учун худди АҚШ вакили сифатида ҳаракат қилди. Покистон билан биргаликда Толибонга босим ўтказди.
Аслида, Қатар, Саудия, Амирликлар, Покистон ва Эрон ҳукмдорлари мусулмонлар устига мажбуран ўтқазиб қўйилган бўлиб, жамиятда кучли илдизга эга эмаслар. Уларнинг куч-қуввати ажнабий кучлар томонидан қўллаб-қувватланувчи сохта куч. Бу ҳукмдорлар ҳар қандай исломий лойиҳа мусулмонларнинг бирлашишига сабаб бўлиб, бизнинг ҳукмронлик ва мавжудлигимизга таҳдид солади, деб биладилар. Бу давлатлар Толибоннинг янги исломий бошқаруви учун ўзларини стратегик дўстлар ва ибратга лойиқ намуналар қилиб кўрсатишмоқда. Ҳақиқатда эса, бу ҳукуматларнинг барчаси Исломнинг сиёсий тузумидан бутунлай узоқда. Чунки улар ўзларини Ғарбнинг миллатчилик тузуми қучоғига отишган. Ҳатто яҳудий вужуди билан билвосита ва бевосита алоқа ўрнатишган бўлиб, Ислом ва мусулмонларни бостиришда Шарқ ва Ғарб давлатларига мунтазам равишда ёрдам бериб келишади. Бу сохтакор давлатлар афкори оммани алдаш учунгина Исломдан сиёсий восита сифатида фойдаланишади.
Биз мусулмонларнинг шуни англамоғимиз лозимки, агар Ислом базасига қайтмасак ва Ғарбнинг бундай қўғирчоқ ҳукмдорларини рад қилиб, глобал илмоний тузумга қарши чиқмасак, бугунги таназзул янада мураккаб тус олади. Оқибатда, алоқани Аллоҳ Субҳанаҳу ва Таоло билан боғлаб, икки дунё бахт-саодатига ноил бўлиш ўрнига, кофирлар билан янада каттароқ алоқа ва иттифоқлар тузилади ва шу орқали мусулмонларга қарши хиёнат кетидан хиёнат давом этади.
﴿وَالَّذِينَ يَنقُضُونَ عَهْدَ اللَّهِ مِن بَعْدِ مِيثَاقِهِ وَيَقْطَعُونَ مَا أَمَرَ اللَّهُ بِهِ أَن يُوصَلَ وَيُفْسِدُونَ فِي الْأَرْضِ أُولَٰئِكَ لَهُمُ اللَّعْنَةُ وَلَهُمْ سُوءُ الدَّارِ﴾
«Аллоҳга берган аҳд-паймонларини мустаҳкам бўлганидан кейин бузадиган, Аллоҳ боғланишига буюрган нарсаларни узадиган ва Ер юзида бузғунчилик қилиб юрадиган кимсалар ҳам борки, уларга (Аллоҳнинг) лаънати бўлсин ва улар учун энг ёмон диёр-жаҳаннам бор» [Раъд 25]
Ҳизб ут-Таҳрирнинг Афғонистондаги матбуот бўлими
