بِسْمِ اللَّـهِ الرَّحْمَـٰنِ الرَّحِيمِ

Роя газетаси:

«Тройка» муборак Фаластин замини устида тил бириктирмоқда

Ҳижрий 1438 йил 27 зул-қаъда, милодий 2017 йил 19 август шанба куни «Спутник» арабий сайти тарқатган хабарда бундай дейилади:

«Миср, Иордания ва Фаластин ташқи ишлар вазирлари Фаластин масаласини минтақа барқарорлигини рўёбга чиқаришнинг йўли сифатида ҳал этиш зарурлигини таъкидладилар ҳамда яҳудийлар давлатини Шарқий Қуддус ва босиб олинган ерларда бир томонлама чора-тадбирлар кўришни тўхтатишга чақирдилар.

Иорданиялик ва фаластинлик ҳамкасблари билан биргаликда Қоҳирада берган матбуот конференциясида Миср ташқи ишлар вазири Сомиҳ Шукрий бундай деди: «Исроил Шарқий Қуддус ва босиб олинган ерларда бир томонлама чора-тадбирлар кўришни тўхтатиш керак».

Шукрий Вазирларнинг уч томонлама қўшма баёнотларида «Фаластин масаласини ҳал этмаслик, минтақадаги барқарорликнинг бош сабаби, дея кўрилаётганлиги»ни қўшимча қилди.

Роя газетаси шарҳи:

Бу рувайбизалар Ислом Уммати масаласига панжа орасидан қараб, буюк шаръий ва тарихий ҳақиқатлардан кўз юмиб келишди. Ваҳоланки, бу ҳақиқатлар шу разил-пасткаш раҳбарларнинг билиб, ўзларини билмасликка олишидан буюкдир. Зеро, бу замин – сарвари олам Муҳаммад САВнинг исро масканлари бўлиб, уни мўминлар амири Умар ибн Хаттоб РА фатҳ қилган. Бу замин – тупроқларини саҳоба РАлар ўз қонлари билан суғорган заминдир, паҳлавон Салоҳиддин Айюбий уни салибчилардан озод қилган заминдир, Қутз мўғуллардан озод этган ҳамда султон Абдулҳамид ҳимоя қилиб, яҳудийларнинг жойлашишларига рухсат бермаган заминдир.

Ушбу муборак замин масаласининг ечими Ислом ақидасидан балқиб чиққан. Бу ечим – ушбу муборак заминни яҳудийлардан тўла озод қилишдан иборат бўлиб, Исломий Умматнинг каттаю кичигига кундек маълумдир. Бу ечим – Яҳудийлар давлатидан Шарқий Қуддус ва босиб олинган ерларда бир томонлама ҳаракатларни тўхтатишни талаб қилишдан иборат эмас. Зеро, бу нарса бир сўз билан яҳудийлар давлатининг Фаластинда мавжуд бўлиб туришига рухсат бермоқда.

Роя газетасининг 2017 йил 23 август чоршанба кунги 144-сонидан