بسم الله الرحمن الرحيم

Роя газетаси:

АҚШ разведка бошқармаси бошлиғи: Саудия билан муносабатларимиз жуда яхши, Эрон билан эса алоқамиз йўқ

Америка Марказий Разведка Бошқармаси (ЦРУ) раиси Жон Бреннан «Арабийя»га берган қисқача интервьюсида АҚШнинг Саудия билан муносабатлари, айниқса, терроризмга қарши кураш масаласида, жуда яхши эканини билдирди.

«Биз Саудия билан жуда яхши ҳамкорлик қиляпмиз. Мен саудиялик ҳамкорларимиз билан узоқ йил бирга ишладим. У ерда мен беш йил яшаган пайтимда ички ишлар вазири валиаҳд амир Муҳаммад ибн Найф билан бирга ишладим. Ўтган ўн беш йил мобайнида Саудия терроризмга қарши кураш соҳасида энг яхши иттифоқчиларимиздан бири бўлди… Қирол Салмон ва мудофаа вазири Муҳаммад ибн Салмонлар бор экан, биз терроризмга қарши кураш соҳасида кучли ва ҳақиқий ҳамкорларимиз борлигини ҳис қиламиз», деди ЦРУ раиси.

У Эрон ҳақида гапирар экан, у билан мавжуд ҳар қандай ҳамкорликни инкор этди. Шунингдек у, Теҳрон ва унинг Ироқ ва Суриядаги ташкилотларидан шиа жангариларини қўллаб-қувватлашни тўхтатишни талаб қилиб, улар ўйнаётган ролдан, тоифачилик курашини авж олдираётганидан хавотирланаётганини билдирди.

Жон Бреннан яна бундай деди: «Эрон билан алоқамиз йўқ… ноль. Мен ҳамон Эрондан хавотирдаман. Сабаби у террорчилик фаолиятларини олиб бормоқда ва террорчи ташкилотларни, хусусан, Қуддус корпусини, унинг Ироқ, Сурия ва минтақадаги бир неча давлатлардаги фаолиятини қўллаб-қувватламоқда. Эрон терроризмни қўллаш ўрнига, унга қарши курашишга амал қилишини исботламоғи лозим. Биз президент Руҳоний ва бош муршид Хоминаийнинг ядровий келишувга рози бўлганидан беҳад мамнунмиз. Бироқ, Эрон олдида терроризмга қарши курашга эътибор бераётганига ёки бунга мажбур эканига мени ишонтириш вазифаси турибди». (Арабийя нет).

Роя газетаси шарҳи:

ЦРУ раиси Саудияни терроризмга қарши кураш соҳасида ҳақиқий шерикларидан бири эканини айтиб, битта сирни ошкор қилмади, албатта.

Бироқ Саудия ҳукмдорларини ҳимоя қилаётган, уларни Ислом ва мусулмонлар ҳимоячилари дея сифатлаётган кишилар учун ҳақиқатга тик қараш вақти келмадими?! Ҳақиқат шуки, Саудия ҳукмдорлари Усмоний Халифалик давлатига қарши курашишган пайтдан тортиб, 1991 йили Америка томонидан Форс Кўрфази минтақасини босиб олинишига рози бўлишган пайтгача Ислом ва мусулмонлар душманларининг терроризмга қарши кураш ниқоби остидаги режаларини бажариб келишди. Шундай экан, бу ҳукмдорларга ишониб келаётганлар эс-ҳушларини йиғиб, Аллоҳдан тақво қилсинлар ва уларни ағдариш йўлида фаолият қилаётганларга қўшилсинлар. Ваҳоланки, бу ҳукмдорларнинг мусулмонлар ва уларни юртларига қарши кофирлар билан тили бир экани ҳеч кимга сир бўлмай қолди.

Жон Бреннаннинг Эронга оид баёнотига келсак, у Эроннинг АҚШ сиёсатига чамбарчас боғлиқлигини одамлар билмайди, деб ўйлаяптими?!! Қандай қилиб у Америка-Эрон ўртасида яхши муносабат мавжудлигини инкор қиляпти. Ҳолбуки, Америка ўз иттифоқчилари билан бирга Ироқни босиб олгандан сўнг, у ердаги ўз нуфузини ҳимоя қилишда шу Эрон ва унинг Ҳизбидан фойдаландику. Наҳотки, бу Эрон билан ўрнатилган алоқа, деб ҳисобланмаса?!! Эрон, Яман, Сурия, Ливан, Баҳрайн ва Афғонистон давлатларининг АҚШ сиёсатини ижро этаётганини унутиб қўйдими. Наҳотки, бу ҳам алоқа деб ҳисобланмаса?!! ЦРУ раиси наҳотки ҳужжатларнинг юзага чиқиши ортида унинг агентлиги турганини унутган бўлса?!! Зеро, бу ҳужжатларда Эрон инқилобини АҚШ маъмурияти бошқариб турганлиги ҳамда Эрон шоҳини четга чиқишга мажбурлаб, ўрнига вилояти фақиҳ режимини олиб келган собиқ АҚШ президенти Жимми Картер эканлиги келтирилган!!

Шунинг учун бу кимсанинг Эрондаги мазҳабпарастлик сиёсатини танқид қилиши ғирт ёлғондан бошқа нарса эмас. Чунки Эрондаги мазҳабпарастлик сиёсати АҚШ сиёсатидир. Бу сиёсатни Эрон бошчилигида Саудия ва бошқа давлатлар бажариб келишади.

Роя газетасининг 2016 йил 15 июн чоршанба кунги 82-сонидан