بسم الله الرحمن الرحيم

Роя газетаси:

АҚШнинг Ироқдаги сиёсати аниқ, ҳайрон бўлишга не ҳожат?!

Ҳижрий 1439 йил 8 сафар, милодий 2017 йил 28 октябр шанба куни «Аср» журнали сайтида тарқатилган хабарда бундай дейилади:

«Пешмерга кучлари қўмондони генерал Азиз Весси Зирфоний Америкада чиқадиган «Newsweek» журналига ёзган мақоласида, Курдистон вилояти ИШИД ташкилотига қарши ғалабага эришганидан сўнг, ўтган ойда унинг кучлари зудлик билан мустақилликка оид референдум хавфсизлигини таъминлаш билан шуғулланганини айтди, сўнг «бироқ бугун келажагимиз қўшни давлатларнинг душманлиги ва бутун дунёнинг тақдиримизга бўлган бепарволиги остида қолди», деди.

У бундай деди: президент Дональд Трамп сайланганидан сўнг курдларда қайта умид уйғонди ва унинг маъмурияти ҳақида ижобийлик аломатлари кўринди, бироқ президент Трампнинг мустақиллигимизга доир референдумга қарши чиқиши билан маъмуриятининг қўллаб-қувватлови ҳам тугай бошлади. Қўшма Штатлар Ироқ ҳужуми сабабли режаларимиз барбод бўлиши баробарида қўл қовуштириб олгач, курдлар умиди ғазабга айланди. Американинг бундай тутуриқсиз сиёсати, вазиятни баттар таранглаштирди. Чунки атиги бир ҳафта ичида Трамп Эрон ва унинг Инқилоб гвардияси битимига риоя қилиш томонга ўтиб олди».

Роя газетаси шарҳи:

Ҳар қандай онгли сиёсий шахс яхши биладики, «мустамлакачи кофир давлатлар, ўзлари босиб олган ҳар қандай мусулмон давлатга бўлиниш уруғини экишни мақсад қилади. Фақат бунинг учун қулай фурсатни пойлашади, холос. Нима учун шундай, чунки улар Ислом ва мусулмонларни ёмон кўришади. Американинг Ироққа нисбатан лойиҳаси шундан иборатки, бу давлат федерал вилоятлардан иборат бўлсин, улар билан марказ ўртасини бир мўрт алоқа ипи боғлаб турсин. Бошқача ибора билан айтганда, амалий жиҳатдан, Ироқдаги бошқарув маъмуриятида бўлиниш бўлсин, расмий жиҳатдан эса, Ироқ, деб аталган федератив вилоятлар давлати бўлиб қолсин». Американинг 2003 йилдан бери Ироққа нисбатан лойиҳаси мана шу. У босқинчилик даври мобайнида уни бўлиб, парчалаб юборишни мақсад қилиб келди, фақат уни расман эълон қилмади, бунинг учун муносиб вақт топмади, холос. Масалан, АҚШнинг босиб олинган Ироқдаги раҳбари Пол Бремер, ўша пайтда юртда федерал вилоятлар лойиҳасини ишлаб чиққан эди. Мана шу лойиҳа бўйича, Ироқнинг марказий ҳокимиятга эга қудратли давлат бўлиб туришига чек қўйиш, ўрнига вилоятлар марказий ҳокимиятдан кучли бўладиган заиф федерал давлат қуриш кўзланган! Яъни Ироқ Америка хоҳлаган ва ўз манфаати учун муносиб кўрган вақтда расман бир неча давлатга бўлинишга тайёр бўлади. Ҳозир эса, Америка вилоятлар билан марказ ўртасини бир мўрт алоқа ипи боғлаб турувчи давлат бўлиб туришини лойиҳалаштирмоқда».

Роя газетасининг 2017 йил 1 ноябр чоршанба кунги 154-сонидан