بسم الله الرحمن الرحيم

Роя газетаси:

Аббоснинг юртма-юрт бўзчини мокисидек кезиши Фаластинни қутқариш учун эмас, балки унинг масаласига якун ясаш учундир

Ҳижрий 1439 йил 12 жумодул аввал, милодий 2018 йил 29 январда «Sama News» веб-сайтида қуйидаги хабар келди:

«Фаластин раҳбари Маҳсуд Аббос АҚШ президентининг Қуддусга доир қарори ортидан Фаластин саҳнидаги воқеалар ривожини муҳокама қилиш учун бугун Иордания қироли билан учрашади.

Аббос Африка Иттифоқи ўттизинчи саммитида иштирок этгач, Эфиопия пойтахти Аддис-Абебадан бугун Иордания пойтахтига етиб келди. Иордания Қуддус шаҳрига васийлик ҳуқуқига эга бўлгани боис Трамп қарорини рад этмоқда. Кеча қирол Абдуллоҳ II «Биз «Шарқий Қуддус»нинг фаластинликлар пойтахти бўлиши айтилган икки давлат ечими тарафдоримиз», деб айтди».

Роя газетаси шарҳи:

Трамп Қуддусни яҳудийлар вужуди пойтахти, дея эълон қилгандан бери, Аббос тўхтамай сафар қиляпти: Истанбулга Исломий Ҳамкорлик Ташкилоти конференциясида иштирок этиб, у ердан Азҳар конференциясида иштирок этиш учун Қоҳирага борди, у ердан Брюсселга бориб, Европа Иттифоқи давлатлари саммитида қатнашди. Бир неча кун олдин эса, Аддис-Абебага Африка Иттифоқи ўттизинчи саммитида иштирок этиш учун борди ва мана, у ердан Иорданияга бориб, қирол билан учрашмоқда.

Унинг бундай бўзчининг мокисидек, тинмай елиб югураётганига эътибор берган киши, бу режимнинг итдек ҳаллослаб, «икки давлат ечими», деган АҚШ лойиҳасидан қилча ҳам ташқарига чиқмаган ҳолда, Фаластин масаласига якун ясашга ҳаракат қилаётганига гувоҳ бўлади. Аббоснинг айни конференция ва саммитларда берган барча баёнотлари, 1967 йилда босиб олинган ерларда Фаластин давлатини барпо этиш ҳамда ушбу муборак заминнинг 80 %ини босиб олган босқинчи вужудига ён бериш муқобилида, Шарқий Қуддусни Фаластинга пойтахт қилиш талабларидан иборат бўлди.

Ўз навбатида, Трамп ҳам бундай қулай фурсатдан фойдаланиб, «аср келишуви» доирасида Фаластин масаласига якун ясамоқчилигини таъкидлади, Қуддус яҳудийлар вужуди пойтахти эканини эълон қилишдан тийилмади. Масалан, йиллик халқаро иқтисодий форумда иштирок этиш учун Давосга етиб боргач, «АҚШ элчихонасини Қуддусга кўчириш ишлари белгиланган жадвалдан ҳам суръатлироқ кетмоқда, биз бинонинг келаси йилда очилажагига умид қиламиз», деди.

Трамп қарори ортидан дунё воқеаларига назар солган киши шунга гувоҳ бўладики, дунё айни масалада икки гуруҳга бўлинди: бир гуруҳ Европа етакчилигида бўлиб, у билан бирга баъзи исломий юртлар ҳукмдорлари Аббоснинг айни хатти-ҳаракатлари ёрдамида Фаластин масаласига якун ясашга ҳаракат қиляпти ва Аббосни икки давлат ечими лойиҳасини – фақат эски нусхадаги лойиҳага амал қилган ҳолда – ижро этишга ёрдамлашяпти. Яна бир гуруҳ эса, Трампни қўллаб-қувватлаб, Фаластин масаласини «аср келишуви»-икки давлат ечими дея аталган янгича нусхада, яъни Американинг ўзи муносиб кўрган йўсинда якун ясашни кўзлаяпти.

Масалани чуқур ўрганган киши, иккала гуруҳ ҳам асосда, яъни Фаластин масаласига Америка қарашлари доирасида якун ясаш бўйича бир хил фикрда эканига, фақат шаклда ва ижро механизмида фикрлари бошқачалигига гувоҳ бўлади. Ҳамма гап шунда: барчалари Фаластин масаласини тугатишга уринишмоқда.

Бироқ Аллоҳнинг бу Умматга бўлган Раҳмати битта етакчи бўлишини тақозо этади. У ўз аҳлини алдамайдиган, тақволи, покиза ва Умматга қарши тўқилаётган фитналарни онгли тарзда кўра биладиган бир ҳизб сифатидаги етакчидир. Албатта, у Ҳизб ут-Таҳрир бўлиб, Трамп қароридан сўнг Фаластин масаласининг шаръий ечими қандайлигини баён қилишга ва бу овсар кимсанинг қарорига қандай жавоб қилиш лозимлигини эслатишга бор кучини сарфлади. Бу жавоб, исломий юртлардаги анави малай ҳукмдорларни ағдариб, уларнинг ҳаробалари узра Пайғамбарлик минҳожи асосидаги рошид Халифалик давлатини барпо этиш орқали исломий ҳаётни қайта бошлашдан иборат жавобдир. Зеро, Аллоҳнинг шариатини татбиқ этишга ҳам, мусулмонлар армияларининг Фаластинни босқинчи яҳудийлардан озод этиш ва уни Ислом Уммати бағрига қайтаришга ҳам шу ювиндихўр ҳукмдорлар тўсқинлик қилишяпти.

Роя газетасидан олинди