Ҳафталик муҳим воқеалар таҳлили
Ҳафталик муҳим воқеалар таҳлили
بسم الله الرحمن الرحيم
﴿أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللهِ حُكْمًا لِقَوْمٍ يُوقِنُونَ﴾
“Динсизлик ҳукмрон бўлишини истайдиларми?! Имонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!”
Хабар: Си Жинпинг Марказий Осиё билан ҳамкорлик режасини тақдим этди:
Дунёга барқарор, муваффақиятли, баркамол ва бирлашган Марказий Осиё керак. Мамлакатлар ички ишларга ташқи аралашув ва рангли инқилобларни қўзғатишга уринишларга қаршилик кўрсатиши, терроризм, сепаратизм ва экстремизмга нисбатан муросасизликни сақлаши керак;
Хитой Марказий Осиё мамлакатларига ҳуқуқ-тартибот, хавфсизлик ва мудофаа қобилиятини яхшилашга ёрдам беришга тайёр;…
Изоҳ: Бугун Марказий Осиё, хусусан Ўзбекистондан Америка, Европа, Россия ва Хитой каби куфр давлатларининг турли лавозимдаги вакилларининг оёқлари узилмай қолди. Мустамлакачи давлатларнинг ушбу минтақага ёпирилиб келишини ОАВ орқали чалғитувчи рангларга бўяб кўрсатиб, ҳар соҳада тараққиётни, фаровонликни ривожи учун саъй-ҳаракатлар, дея номламоқда. Аслида улар бу юрт бойликларидан каттароқ улуш илинжидалар холос. Рус ҳукуматининг қонли панжалари Ўрта Осиёда заифлашгач, бошқаларнинг ташрифлари ва ўзаро битим тузишлари авж олиб кетди. Дўстни душмандан ажратиш учун чуқур илм соҳиби бўлиш шарт эмас. Бизлар мусулмонлармиз. Аллоҳ ва Росулига, Динимиз ва Умматга ҳамда табиий бойликларимизга ким чанг солса, улар бизнинг дўстимиз бўлиши асло мумкин эмас. Бас шундай экан, олам мусулмонлари яшаётган юртларни вайроналарга айлантираётган ҳам, иймонимизга тажовузлар ҳам юртларимизга “дўстлик” шиори остида ёпирилиб келаётган Хитой мушриклари, ялтироқ Ғарб ва боболаримиз қотили рус ҳукумати эканига кўзларимиз билан гувоҳ бўлмоқдамиз. Аммо Мирзиёев режими Хитой тожик ва қирғиз қардошларимиз ерларини шундай кўр-кўрона битимлар ортидан маҳрум қилганига эътибор ҳам қилмади. Ва қардошларимиз уйғурларга нисбатан ғайриинсоний тазйиқлари ҳақида ўйлаб ҳам кўрмади. Ваҳоланки, бу каби золим қавм “дўстлиги” ортида жирканч оқибатлар яширин эканига асло шубҳа йўқ!
Хабар (спутник Афғонистон 22.05.2023й): Ҳаракати тақиқланган “Ҳизб ут-Таҳрир” экстремистик ташкилотининг афғон бўлими “Толибон”ни Покистон ва Марказий Осиё билан халифалик тузишга ундамоқда. Бу ҳақда Sputnik Афғонистон хабар берди. “Бу давлатларнинг ҳукуматлари мусулмонларга сотқин ва “Толибон” ҳокимияти хавфсизлигига таҳдид. Уларни қўлга олиб, ягона халифалик яратиш орқали бу таҳдидни бартараф этиш таклиф қилинади”, — дейилади экстремистик ташкилот баёнотида.
Изоҳ: Маълумки, Ҳизб ут-Таҳрир даъватчилари бутун оламни ислоҳи Иккинчи Рошид Халифаликни қайта тикланиши билангина бўлишини эслатиб келади. Бу давлатни тикланиши ортида барча мустамлакачи очофат давлатлар учун жиддий хатар ва бузуқлик тарқатувчи тузумларнинг интиҳоси туришини Ғарб яхши билади. Шу боис Халифаликдан нафақат ўз ҳалқларини қўрқитадилар, балки мусулмонларни ҳам ўз малайлари тилидан “терроризм”, “экстремизм” дея қўрқувга соладилар. Фарзандларимизга фаҳшдан таълим берувчи, бузуқликни ҳар турини юртимизда вабодек тарқатувчи кофирлар хатаридан ҳам жирканчроқ хатар бўлиши мумкинми? Ўрта Осиё, Покистон, Афғонистон бирлашиб Аллоҳнинг сўзи олий бўлиши ортида мусулмонларга фақат азизлик бор. Хатар эса, фақат куфрий тузумлар ва малай ҳокимлар учундир. Улар қанчалар қаршилик қилмасин, Аллоҳ ва Росулининг ваъдаси ҳақдир!
Хабар: Россия хавфсизлик кучларининг мусулмонларга нисбатан террори давом этмоқда, сарлавҳаси остида ушбу маълумот тарқалди: Масжидлар ёпилган, Москва яқинидаги Котелники шаҳрида қаттиқ рейдлар давом этмоқда. Эркак ва аёлларни оммавий равишда квартиралар, кафелардан ва ҳатто кўчалардан ҳам тутиб олиб кетишмоқда. Салгина эътироз билдирган ва қаршилик кўрсатган, қочиб кетган, ҳақ-ҳуқуқини талаб қилган ёки бирор эътироз билдирганлар қаттиқ калтакланмоқда.
Изоҳ: Ўрта Осиё давлатлари раҳбарлари дунё сиёсатидаги сиёсий мувозанат қалқиб тургани боис – қўполроқ айтганда – кимни этагидан тутишни билмай қолдилар. Америкага ён босса, Россия таҳдидига, Россияга эгилса Ғарб босимига учрамоқдалар. Халқ эса ўзга юртларда отасиз етимлар каби таҳқирланмоқда. Барча қора ишларга жалб қилинган юртимиз ўғлонлари аввалда иш берувчилар алдовларига дуч келган бўлса, бугунда рус ҳукуматининг Украина урушидаги аскар етишмаслик муаммоси учун ўлжаларга айланмоқда. Рус ҳукумати турли баҳоналар билан юртимиз ўғлонларини қамоқларга тиқмоқда. Ва озод бўлишни шарти қилиб урушда қатнашишни талаб қилмоқда. Ўрта Осиё раҳбарлари эса, ҳеч бўлмаганда рус ҳукуматидан мусофирликдаги фуқароларини тинчлиги, омонлиги хусусида бирорта ҳам битим-келишув тузишни талаб қилмадилар. Ваҳоланки, ўша мардикорликда юрганлар юбораётган пуллар Ўзбекистон иқтисодини чўкишдан асраб келяпти. Халқимиз фарзандлари рус ҳукуматининг кучишлатар тизими қўлида кўчалардан, уйларидан қуёндек овланаётганига қарши бирор чорани ўйламаётган раҳбарларни “Халқим манфаатлари” дея жар солишларига ҳануз ишонч билдираётганига ҳайрон қоламиз.
Хабар (kun.uz 24.05.2023й): 23 май куни Шайхонтоҳур туман ИИБ биносида бўлиб ўтган онлайн судда жамоатчилик фаоли, собиқ имом Шавкат Ҳасанга Маъмурий жавобгарлик тўғрисидаги кодекснинг 184-2-моддасида назарда тутилган – диний мазмундаги материалларни қонунга хилоф равишда тайёрлаш ва тарқатиш айблови қўйилган. У ушбу ҳаракати учун базавий ҳисоблаш миқдорининг 20 баравари (6,6 миллион сўм) миқдорида жаримага тортилган.
Изоҳ: Кечагина Ўзбекистон Республикаси Олий суди томонидан 2023 йил 17 май холатига кўра Диний кўринишдаги тақиқланган материаллар рўйхати эълон қилинган эди. Унга кўра, бу материалларни Ўзбекистонга олиб кириш, тайёрлаш, тарқатиш ва намойиш этиш тақиқланган. Бу рўйхатдаги сайт ва аккаунтлар шунчалар кўпки, уларни эсда сақлаш у ёқда турсин, бир қатор кўз югуртиришни ўзи чарчатади. Лекин ҳукуматни Олий суд орқали тузган рўйхатини фуқаролар тугул орган ходимлари ҳам билмаслиги турган гап. Аслида, раҳбарни ўзи чиқиб оммага “биз Ислом динининг ҳар қандай кўринишига қаршимиз” деганида тушунишга ҳам осон бўларди. Ва Ўзбекистон ҳукуматини динимизга муносабатининг асл ҳақиқатини билдирган бўларди. Лекин ҳукумат бундай очиқ ҳақиқатни халқдан яшириб келади. Чунки ҳукумат учун юрт кишиларини мусулмон эканлиги эътибори билан шундай майнавозчилик билан танилиш маъқул кўринди. Ижтимоий тармоқларда тарқалган масжид имомини тақиқланган маърузаси туфайли жавобгарликка тортилиши эса, оммани ҳайратга солиб қўйди. Ваҳоланки, бу киши Ўзбекистондаги расмий масканларда диний илм олган ва кўп йиллар имомлик қилган оддий домла эди, холос. Унинг сўзларига кўра, уч соатлик тергов жараёнида ва диний қўмита фикрича даъватларидаги бирон мавзу тақиқланмаган материаллар экан. Шундай бўлса-да, суд қарорига кўра имомга 6,6 млн сўм жарима белгиланган. Сабаби эса, тақиқланган маъруза учун эмас, балки диний қўмита кўригидан ўтмаганлиги учундир. Бу ҳолат олти ой ичида қайта такрорланса, жарима билан чекланмай жиноий иш, дея баҳоланар экан. Шу ўринда ҳақли равишда савол пайдо бўлади: Ўзбекистон ҳукумати ва мусулмонлардан иборат халқ учун динимиз шунчалар хатарлими?
Хабар (kun.uz 23.05.2023й): Дин ишлари бўйича қўмитанинг Андижон вилояти Хўжаобод тумани ҳокимлигида ишлайдиган бош мутахассиси фуқароларнинг Умра зиёрати учун тўлаган пулларини ўз манфаатлари йўлида ишлатиб юборган. Фирибгар 5 йилга қамалган, аммо 70 га яқин жабрланувчиларга етган зарар қоплаб берилмаган.
Изоҳ: Диний қўмита ходимининг бу ҳиёнати Аллоҳнинг даъватчи ўғлонларига қарши тузаётган рўйхатлари олдида денгиздан томчи, десак муболаға бўлмайди. Бу икки ҳиёнатни бир-биридан фарқи, биринчисида мусулмонлар ибодатига тўсиқ ва молига тажовуз бўлса, иккинчиси Умматга ҳақни етишига тўсиқлар қўйиш бўлиб, бу ўта оғир жиноятдир. Қолаверса, бу қўмита мусулмонларни ўз Исломига талпиниши олдидаги оғир тўсиқдир. Ҳукумат эса, Умра сафарига отланган етмишга яқин кишиларни алдаган ходимини қамоққа тиқиш билан бу масалани ёпган саналмайди. Сарсон қилинган, алданиб маблағидан айрилганлар маблағини ундириб бериши лозим. Аммо бундай қилолмайди. Чунки бу каби ҳиёнатларни нафақат Диний қўмита ходими, балки ҳукуматни юзи саналган судьялар, прокурор, терговчиларда ва умуман ҳокимдан то участка нозирлари орасидан ҳам кунора чиқиб турганлиги барчанинг кўз ўнгидадир.
Ҳизб ут-Таҳрир Ўзбекистон матбуот бўлими аъзоси Зайниддин
29.05.2023й
