بِسْمِ اللهِ الرَّحْمٰنِ الرَّحِيمِ

Агар мусулмон юртларида хоин ҳукмдорлар бўлмаганларида эди, Америка ва унинг боқимандаси мусулмонларга бу қадар зўравонлик қилишолмасди

Онадоли ахборот веб-сайти (ҳижрий 1441 йил 5 зул-қаъда, милодий 2020 йил 26 июн жума куни) нашр қилган хабарда бундай дейилади:

«Ғарбий Соҳилнинг бир қисмини «Исроил» томонидан аннекция қилиниши учун белгиланган кундан бир неча кун аввал АҚШ президентининг Яқин Шарқдаги махсус вакили Ави Беркович Тель-Авивга келди.

Беркович ўзининг Твиттердаги саҳифасида араб тилида «Мен Исроилга келганимдан ғоят мамнунман», деб ёзди.

«Исраэль хайом» газетасининг араб тилида чиқадиган махсус сонида Берковичга сафарда АҚШ-«Исроил» картография қўмитаси аъзоси Скотт Фейт ҳамроҳлик қилгани айтилади.

Газета Оқ уйдаги манбалардан бирининг бундай деганини хабар қилади: «Бу делегациянинг «Исроил»га келиши АҚШ ҳукуматининг Тель-Авивга берган ваъдасини бажаришга ва суверенитетни татбиқ қилишга уринаётганини кўрсатади».

Газетага кўра, АҚШ делегацияси Бош вазир Биньямин Нетаньяху ва унинг мудофаа вазири Бени Ганц билан «турли режалар бўйича ва картография қўмитаси фаолиятини қайта тиклаш хусусида муҳокамаларни давом эттиради».

Роя газетаси шарҳи:

Бундай қўпол-такаббур муносабатдан кўриниб турибдики, анави малай режимлар бор экан, Америка ўз режаларини қўрқмай-бемалол тиқиштираверади. Бу режимлар Америка режаларига чинакам реакция билдирилишини олдини олиб туришибди. Ҳақиқатдан ҳам, Қуддуси шариф ва унинг муборак Ақсоси мусулмонлар учун ғоят аҳамият касб этишига қарамай, яҳудий вужуди ҳам, Америка манфаатлари ҳам ҳеч қандай таҳдид кўрмаяпти.

Шубҳасиз, эркин ва ҳақиқий ҳаракатгина Американи тийиб қўйишга ва режаларини пучга чиқаришга қодир. Чунки ушбу эркин ва ҳақиқий ҳаракат мусулмон юртларидаги малай режимлар томонидан мусулмонлар туйғусини қондириш учун тартиблаштирилган ва бошқарилиб туриладиган «реакция» доирасида ҳаракат қилмайди. У ҳаргиз малай ҳукмдорлар томонидан қўзғатилган ҳаракат бўлмаслиги, балки Уммат ва унинг армиясидан кўтарилган бўлиши шарт. Ана шундагина Американинг шавкатини синдиради, режаларини барбод этиб, яҳудий вужудини илдизи билан қўпориб ташлаб, Ислом Умматига адоват қилган ва уни менсимаган ҳар қандай давлатнинг тақдири мана шундай тугашини бутун дунёга кўрсатиб қўяди.

Роя газетасининг 2020 йил 8 июл чоршанба кунги 294-сонидан