بِسْـــمِ اللهِ الرَّحْمٰـــنِ الرَّحِيـــم

Роя газетаси:

Агар Покистон ҳукмдорлари хоинлик қилишмаганда эди, бу юрт Америка таъсири остига кирмаган бўлар эди

Ҳижрий 1439 йил 18 робиус-соний, милодий 2018 йил 5 январ жума куни «Холиж онлайн» сайти нашр қилган хабарда бундай дейилади:

«Покистон ташқи ишлар вазири Хўжа Осиф «Қўшма Штатлар Ҳиндистон тилида гапиряпти», деди. Бу сўзларни у АҚШ президенти Дональд Трампнинг Покистонга қарши айбловига изоҳ сифатида айтди.

Покистон ахборот воситаларига кўра, бу сўзлар сиёсий партиялар вакиллари олдида парламентда икки давлат ўртасида юзага келган сўнги таранглик хусусида сўзланган нутқда айтилди.

Ташқи ишлар вазири Қўшма Штатлар билан мулоқот ўтказиш орқали тарангликни юмшатиш мумкинлигини айтар экан, «Бироқ биз изҳор қилаётган сабр-тоқат заифлик, деб эътибор қилинмаслиги керак», деди.

У Қўшма Штатларнинг Афғонистондаги ўз муваффақиятсизлигини Покистонга юклашга уринаётганини таъкидлаб, «Қўшма Штатлар Ҳиндистон тилидан гапиряпти», дея қўшимча қилди.

Осифнинг ушбу баёноти Вашингтоннинг Покистонни террорчиларга бошпана бераётганликда айблаши ортидан икки давлат ўртасида вазият янада таранглашган бир пайтда янгради. Расмий Исломобод бу айбловни рад этди.

Пайшанба куни АҚШ ташқи ишлар вазирлиги Покистон армиясига бериладиган хавфсизлик ёрдамини тўхтатиб қўйиш тўғрисида қарор қабул қилди. Ундан икки кун аввал Вашингтон Исломободдан 255 миллион доллар қийматидаги ёрдамларни ёпиб қўйган эди.

Чоршанба куни Покистоннинг БМТдаги вакили Малиҳа Лодхи ўзининг юрти Қўшма Штатлар билан ҳамкорлигини «Агар бу ҳамкорлик қадрланмас экан» қайта кўриб чиқишга тайёрлигини билдирди. У «Покистоннинг терроризмга қарши курашда керагидан зиёд фидоийлик кўрсатгани»ни урғулади».

Роя газетаси шарҳи:

Покистон режими куфрнинг боши, асосий жиноятчи Америкага тобе режимдир. Бу тобелик Покистонга шармандалик ва юрт аҳлига хорликдан ўзга нарса келтирмади. Америка покистонлик ҳукмдорларни шунча хорлаб, босим ўтказса ҳам, анави ташқи ишлар вазири зўр бериб, Америка билан бўлган таранг вазиятга барҳам бериш лозимлигини таъкидлаяпти. Албатта бу – Покистондаги сиёсий ва ҳарбий раҳбариятнинг нақадар заифлигини, ҳатто унинг хоинлигини кўрсатиб турибди. Ваҳоланки, агар иш ўз эгасига топширилса, бу юрт Америка таъсири доирасидан чиқиб, ҳатто халқаро позицияни ўзгартириб юборишга қодирдир. Аммо аҳвол шундайлигича қолиб, покистонлик ҳукмдорлар Америкага малайликда давом этаверса, улар Покистонни Америка ва ҳиндулар давлати олдида хор қилишади.

Роя газетасининг 2017 йил 10 январ чоршанба кунги 164-сонидан

+1

0