بِسْمِ اللهِ الرَّحْمٰنِ الرَّحِيمِ

Америка Фаластин сайловларига асос бўлувчи учта бош асосни таъкидламоқда!

АҚШ расмий манбаларининг таъкидлашича, янги маъмурият Американинг анъанавий позициясига амал қилмоқда. Бу позиция шундан иборатки, «Фаластин масаласи демократик танлов бўлиб, ушбу демократик жараёнда иштирок этувчилар Осло шартномаси каби собиқ келишувларни қабул қилмоқлари, зўравонлик ва «терроризм»дан воз кечиб, «Исроил»нинг мавжудлик ҳуқуқини тан олмоқлари зарур».

Ўз навбатида, Ҳизб ут-Таҳрир – муборак Фаластин замини матбуот бўлими ўз сайтида баёнот чиқариб, қуйидагиларни таъкидлади:

«Сайловларнинг воқелиги ва асоси собиқ шартномаларга, асосан Осло шартномасига амал қилишга, (Ислом ва мусулмонларга қарши курашишнинг шиорига айланган) «терроризм» ва зўравонликдан воз кечишга ҳамда «Исроил»нинг мавжудлик ҳуқуқини тан олишга таянади. Мана шу учта ифлос асос Фаластин маъмурияти чақираётган ва Фаластин аҳлини қатнашишга тортаётган сайловлардаги жинояткорликнинг сиёсий ҳақиқатини кўрсатмоқда. Юртдаги ҳар бир сиёсатчи ё билмасдан ёки била туриб адаштириш мақсадида бу уч асосдан кўз юмишяпти. Фаластин маъмуриятининг, Озодлик Ташкилотининг ва сайловлардаги эксклюзив ҳомий Мисрнинг тизгинини қўлда ушлаб турган Америка мана шундай нопок мақсадларни кўзлаган.

Фаластин халқининг ушбу сайловларда қатнашишдан бош тортишлари учун бундай ифлос асослардан атиги биттаси ҳам етарли. Энди, бу учала асоснинг ҳар бири шаръий аҳкомларга зид келиб, Фаластин масаласини йўқ қилса ва босқинчи яҳудий вужудини тан олса, ҳолат нима бўлиши мумкин?! Бу нарса қаршилик ҳаракати, деган шиорни кўтариб чиқаётган гуруҳларга Фаластин масаласида бундай жиноятларда иштирок этмайдиган даражада туришни талаб қилади. Акс ҳолда, хоин Фаластин маъмурияти ва унинг ташкилотининг карвонига билган ёки билмаган ҳолда эргашиб қолишлари турган гап.

Роя газетасининг 2021 йил 24 феврал чоршанба кунги 327-сонидан