Умматнинг таниқли вакиллари ва уларга юкланган роль
بِسْمِ اللهِ الرَّحْمٰنِ الرَّحِيمِ
Умматнинг таниқли вакиллари ва уларга юкланган роль
Устоз Омир Солим қаламига мансуб
Аллоҳ Таоло барча нарсани яратиб, уларга ўзига хос хусусият ва бузилмайдиган борлиқ қонунини бириктирди. Бу қонун Аллоҳ Ўз пайғамбарларини пайғамбарлигини исботлаш учун қўллаган ожиз қолдирувчи-мўъжизалари билангина бузилиши мумкин. Масалан, Исро ва меърож ҳодисаси Макка мушрикларини ожиз қолдирган ғайритабиий ҳодиса бўлиб, бу мўъжиза саййидимиз Муҳаммад ﷺнинг Пайғамбарлигига далил бўлган.
Аммо Росулуллоҳ ﷺ Мадинада давлат барпо этиш учун қилган ҳаракатлари эса, бу одатдан ташқари иш бўлмаган. Акс ҳолда ўн уч йил давом этган бўлмасди ва бир кечадаёқ ёки ундан ҳам оз вақтда амалга ошган бўлур эди, худди Исро ва Меърожда бўлгани каби. Бироқ бу бир давлатни йиқитиш ва унинг харобалари узра бошқа давлатни барпо этиш бўйича борлиқ қонунлари асосидаги бир ҳаракат бўлди. Ул зот ﷺ ҳеч иккиланмай ва кучларини аямай, шижоат билан амалий қадамларни ташладилар. Биринчи қадамдан кейин навбатдаги қадам ва бир босқич кетидан кейинги босқич давом этарди.
Росулуллоҳ ﷺ ўз минҳожида бардавом бўлиб, йўлида сабр билан, машаққат ва қийинчиликларга бардош бердилар. Токи, Ул зотга эргашганлар ҳам бу йўлда сабр бардошли бўлсинлар. Улар билсинларки, агар Росулуллоҳ ﷺнинг йўлидан юрсалар, Аллоҳ Субҳанаҳу ва Таолога таваккал қилиб ҳаракат қилганларидан кейин Ул зот эришган ютуқларга инсоний меҳнат ва моддий ҳаракатлари билан эришадилар.
Давлатларни барпо қилишда борлиқ қонунларидан яна бири шуки, лойиҳа эгаси халқнинг обрў-эътиборли кишиларига етакчилик қилади, обрў-эътиборли кишилар ортидан эса халқ эргашади. Лойиҳа эгаси барчани ўз олдиларига мақсад қилиб қўйган ғоя сари етаклайди. Чунки халқнинг обрў-эътиборли кишиларнинг ҳар замон ва маконда алоҳида муҳим роли бор. Бу ерда обрў-эътиборли кишилардан мурод халқ ҳурмат қилган жаноблар ва зодагонлар бўлиб, улар одамларга етакчилик қилиш, уларнинг номидан гапириб, улардан вакил бўлиш вазифасини бажарадилар.
Дарҳақиқат, Қуръони Каримнинг бир неча ерида уларга диққат қаратилган ва баъзилари الْمَلإِ одамлар ва халқ, дея зикр қилинган:
﴿وَقَالَ الْمَلأُ مِن قَوْمِ فِرْعَونَ﴾
«Фиръавн қавмидан бўлган одамлар айтдиларки» [Аъроф 127]
﴿أَلَمْ تَرَ إِلَى الْمَلإِ مِن بَنِي إِسْرَائِيلَ﴾
«Бану Исроилдан бўлган бир халқни кўрмадингизми» [Бақара 246]
Баъзи оятларда биз уларни маълум сўз билан айтилмаганига гувоҳ бўламиз:
﴿وَاخْتَارَ مُوسَى قَوْمَهُ سَبْعِينَ رَجُلاً لِمِيقَاتِنَا﴾
«Мусо – бизнинг белгилаган вақтимизга (ҳузуримизга) олиб келиш учун ўз қавмидан етмиштасини танлаб олди» [Аъроф 155]
﴿وَلَقَدْ أَخَذَ اللَّهُ مِيثَاقَ بَنِي إِسْرَائِيلَ وَبَعَثْنَا مِنهُمُ اثْنَيْ عَشَرَ نَقِيبًا﴾
«Аллоҳ Бану Исроилнинг аҳд-паймонини олди ва ўзларидан ўн иккитани нақиб қилиб жўнатдик» [Моида 12]
Тилшунослар ва муфассирлар النقيب нақиб сўзини қавмини таниқли кишиси, деганлар. Аммо النقيب таниқли кишидан ташқари ўз қавмига кафил бўлувчи ва гувоҳлик берувчи киши, деганни ҳам англатади. Шунингдек, обрў-эътиборли кишиларни Қуръони Каримда фаҳм-фаросатли, ақлу дини собит ва мулоҳазали кишилар, деган мазмунда келганига ҳам гувоҳ бўламиз:
﴿فَلَوْلاَ كَانَ مِنَ الْقُرُونِ مِن قَبْلِكُمْ أُوْلُواْ بَقِيَّةٍ يَنْهَوْنَ عَنِ الْفَسَادِ فِي الأَرْضِ﴾
«Сизлардан аввалги асрларда ўтганлар орасида ҳам ерда бузғунчиликдан қайтарадиган боқий (дин) эгалари бўлганларида эди …» [Ҳуд 116]
Ҳатто Росулуллоҳ ﷺ Минода байъат қилгани келганларга қарата:
«أَخْرِجُوا إِلَى مِنْكُمُ اثْنَيْ عَشَرَ نَقِيباً يَكُونُونَ عَلَى قَوْمِهِمْ بِمَا فِيهِمْ»
«Ўз қавмларига кафил бўлишлари учун менга оранглардан ўн икки нақибни чиқаринглар», деган. Яъни нақиб-вакил маъносида келган.
Ҳа, халқнинг ҳурматли кишиларининг Росулуллоҳ ﷺ даъват бошлаганларидан то давлат барпо этгунларича катта ҳиссалари бўлган. Масалан, ул зот нусрат талаб қилиш давридаги энг муҳим вазиятлардан бирида Абу Бакр Сиддиқ розияллоҳу анҳунинг фазилатидан фойдаланганлар. Чунки Исломга даъват қилишдан то уни ҳокимият тепасига олиб чиқилгунга қадар Росулуллоҳ ﷺдан айрилмаган Абу Бакр розияллоҳу анҳунинг фазилати шунда эдики, у қабилаларнинг ҳурматли ва обрў-эътиборли кишиларини яхши танирди. Бу эса, Росулуллоҳ ﷺга қабилаларнинг ҳурматли кишиларини мақсад қилиб, улар билан алоқа ўрнатиш имконини берди ва уларга Исломни таклиф қилиб, Ислом давлатини барпо этишда улардан нусрат талаб қилишга муваффақ бўлдилар. Али ибн Абу Толиб розияллоҳу анҳунинг бундай деганлари ривоят қилинган: «Аллоҳ Росулига ўзларини араб қабилаларига таклиф қилишни амр қилгач, ул зот мен ва Абу Бакр билан бирга Минога чиқдилар. Биз арабларнинг мажлисларидан бирига бордик. Абу Бакр розияллоҳу анҳу биринчи бўлиб салом берди. Ўзи Абу Бакр ҳамма савобда биринчи бўлган. У қабилалардаги обрў-эътиборли шахсларни яхши танирди. Кейин ушбу хотиржамлик ва қадр-қиммат ҳукм сурган ўтиришга кирганимизда, у ерда ҳурмат-иззатли оқсоқоллар ўтиришганди. Абу Бакр салом берди». Али розияллоҳу анҳу айтади: «Ҳамма савобда биринчи бўлган Абу Бакр розияллоҳу анҳу улардан сиз кимнинг қавмисиз? – деб сўради. Шайбон ибн Саълабанинг, деб жавоб беришди. Ўшанда Абу Бакр Росулуллоҳ ﷺга юзланиб, бундай деган эди: «Ота-онам сизга фидо бўлсин, бу қавмда улардан кўра азизроқ (қадрлироқ) киши йўқ».
Мана, Абу Зарр Ғифорийнинг позициясига бир боқинг. Унинг Исломи билан бутун Ғифор қабиласи Исломга кирган.
Яна бир позиция Мусъаб ибн Умайр розияллоҳу анҳунинг позициясидир. Росулуллоҳ ﷺнинг элчиси бўлган бу инсон Мадинанинг Усайд ибн Ҳузайр, Саъд ибн Муоз каби улуғ кишиларини даъватга касб қила олган. Саъд ибн Муознинг Исломи билан эса, Авс авлодидан Абдул Ашъал авлоди Исломни қабул қилган ва ҳоказо…
Булардан бугунги муборак Шом қўзғолонига кўчадиган бўлсак, у инсоният гувоҳ бўлган золим тузумларнинг энг золимига қарши қўзғалди. Бунгача айни тоғут тузум ўз қавми орасидаги катталарни йўқ қилиб, юртида ҳеч қандай ҳурмат-эътиборли кишини қолдирмай, ўзининг атрофида гирдикапалак бўлувчи разил-сотқинларни етиштириб чиқарганди. Қўзғолон мана шундай бир тузумга қарши қўзғалганда, бутун куфр тузумлари қўзғолон линиясига етиб келишди… Қўзғолонга нопок пулларини тўкишди, жангчи гуруҳлар етакчилари орасидан куфрнинг амрини бажарадиган, унинг йўлидан юрадиган етакчиларни пайдо қилишди. Бу гуруҳлар етакчилари бўйинларини энг катта «етакчилар»га эгишди ва иш кичкиналар, ҳатто бачканалар қўлида қолди. Оқибатда уларнинг барчаси қўзғолонни хорлик ва хўрлик ботқоғига ботириб, зиён либосини кийдиришди.
Шунинг учун ҳам, то иш ўз ўрнига, эгасига қайтиши йўлида қўзғолон аввалгидек Аллоҳга холис бўлиб, «етакчимиз саййидимиз Муҳаммад ﷺдир», демоғи учун қайтадан қавмнинг катталари майдонга тушмоқлари ва инсонларга етакчилик қилишдек ўз вазифаларини қайта бошламоқлари лозим. Энергияларни сафарбар қилмоқлари, тарқоқликни жамламоқлари, Росулуллоҳ ﷺнинг саҳобалари нуридан зиё олиб, ул зотнинг йўлидан юрмоқлари ва ютуқнинг ҳар бир потенциалини ўзларида мужассам этмоқлари шарт. Диққат қилинг, Ҳизб ут-Таҳрир Умматга барча эзгуликда етакчилик қилишга лойиқдир. Негаки, унинг қўлида Аллоҳ Таолонинг Китоби ва Росули ﷺнинг суннатларидан истинбот қилинган батафсил мукаммал лойиҳаси бор бўлиб, бу Аллоҳнинг фазл-раҳмати сабаблидир. Қачон шундай қилсаккина қўзғолонимиздан узилиб-йўқолиб қолган ҳалқаси топилади, уланади ва барчамиз режимни ағдариш ва Ислом ҳокимиятини ўрнатиш йўлини қайта бошлаймиз… Бу билан қурбонликлар сақлаб қолинади, азоб-уқубатларга якун ясалади ва оқизилган қонлар, топталган номуслар учун интиқомлар олинади, фаровон ҳаёт бошланади. Ушбу Пайғамбарлик минҳожи асосидаги иккинчи рошид Халифалик соясидаги Ислом бошқаруви неъматидан нафақат мусулмонлар, балки бутун олам баҳра олади.
Роя газетасининг 2022 йил 9 феврал чоршанба кунги 377-сонидан
