Сайлов ва уни жиловлаш ҳамда адаштириш услублари
بِسْمِ اللهِ الرَّحْمٰنِ الرَّحِيمِ
Сайлов ва уни жиловлаш ҳамда адаштириш услублари
Сўнгги йилларда, хусусан, Уммат фикран уйғониб, сиёсий майдонда исломий оқимлар фаол ва сезиларли равишда намоён бўла бошлади. Шунингдек, Уммат ўзининг аччиқ воқеига қарши қўзғолон босқичига ўтиб, мусулмон юртларда сиёсий режимлар зулму зўравонлигига қарши оёққа турди. Шундан сўнг, мусулмонлар елкасига миниб олган режимлар янгича услубни қўллашга ўтди. Маълумки, аввалги услублари исломий фаолиятни йўқ қилишдан иборат эди. Шунингдек, зулму истибдоддан қутулишга ва Ислом Уммати сифатида ўзига лойиқ мақомга кўтарилишга қаратилган тўғри ҳаракатлардан чалғитиб юборишдан иборат эди. Энди, золим режимларнинг бу эски услубларига қўшимча янги услуби сайлов мафкурасини ўртага ташлашдир. Бу сайлов услуби сиёсий майдонда, хусусан, мусулмон юртларидаги қўзғолон аланга олган сиёсий майдонларда кўтариб чиқилмоқда. Масалан, бундай сайловни куни кеча Кинона Мисри билан Тунисдаги ҳукмдорлар ўтказишган бўлса, бугунги кунда Жазоир ҳукмдорлари режим зўравонлиги ва коррупциясига қарши қўзғалган халқ талабларини жиловлаб олишга уриниб, аввал миллий мулоқот, кейин сайлов мавзусини тиқиштиришяпти. Хўш, эзилган мазлум халқ мана шундай коррупцион режим мавжуд бўлиб турган бир пайтда, ушбу сайлов орқали ўз бошидан зулмни даф қилишга муваффақ бўла оладими?! Нега мусулмонлар бундай маккор услубга алданмоқдалар?!
Бунинг жавоби сифатида бундай деймиз: Аслида, сайлов қатор танловлардан энг афзалини танлаш, демакдир. Жавҳарийнинг «Сиҳоҳ»ида бундай дейилган: «Сайлов – танловдир, масалан, соҳибини сайлади, яъни, танлади, дейилгани каби». Бошқарув ва идора мавзусидаги сайлов бу бир гуруҳ шахслар орасидан афзал деб билганини сайлаш амалиётидир. Бундан сайланган шахсларнинг одамлардан вакил сифатида бошқарув ва маъмуриятга хос ҳукмларни татбиқ қилишлари мақсад қилинади. Яъни, шу шахслар ўз мафкураларига мувофиқ ёки шу мафкурага асосланган ҳукмларга мувофиқ ўзларига тегишли бошқарув билан шуғулланишлари мақсад қилинади.
Сайлов ва танлов мавзусида Ислом шариатида алоҳида мумтоз аҳкомлар мавжуд бўлиб, у Ғарб тузумларидаги сайловдан ҳам, мусулмон юртларида татбиқ қилинаётган ифлос тузумлардан ҳам фарқ қилади. Ислом шариатидаги сайлов ҳеч қандай тазйиқ ва мажбурлашсиз эркин ўтказилади. Ҳар бир шахс – агар ўзида қобилиятни кўрса ёки бошқа мусулмонлар уни қобилиятли, деб ҳисобласа – сайловга ўз номзодини қўйиш ва сайланиш ҳуқуқига эга. Буларнинг барчасидаги шарт шуки, Ислом мафкураси ва аҳкомлари сайловда кўтарилаётган масалага асос бўлсин.
Энди, қандай қилиб мусулмон юртларидаги сайловларда жиловлаш, адаштириш ва тўғри ҳаракатдан чалғитиш жараёни амалга оширилмоқда, қандай қилиб эски коррупция кучайиб, сайланган парламент орқали унга навбатдаги-янги коррупция қўшиляпти?! Зеро, бу режимлар жуда кўп ишлар билан алдов, макр ва адаштиришга асосланган режимлардир. Қўйида ушбу алдов, макр ва адаштириш ишларига мисол келтирамиз:
1 – Одамларни сайлов ўйини билан банд қилиб, уларнинг ҳукуматдаги золим гуруҳлардан интиқом олиш туйғусини сўндириш. Яъни одамлар ҳукуматдаги золим гуруҳлар ўз қонун ва услублари ёрдамида чизиб берган сайлов мавзуси билан банд бўлиб, коррупция мавзусидан чалғийдилар.
2 – Жамиятга фитна уруғини сочиш. Бу фитна шундан иборатки, оёқлари ликиллаб қолган ва коррупциячи гумашталар ястаниб ўтирадиган ҳокимият курсиларини эгаллаш учун одамлар мансаб устида бир-бирлари билан рақобатлашар экан, режимлар у ер, бу ердаги ўзининг хавфсизлик хизматлари ёрдамида ушбу рақобатлашаётган гуруҳлар орасида фитна оловини ёқади. Бу – ё нохолис тарғибот-ташвиқотлар орқали ёки вандализм, суиқасд ва сохта таҳдидлар билан амалга оширилади.
3 – Ҳукмрон гуруҳнинг коррупция ва туғёнга ботганига қарамай, уларни сайлашда жамият қатламларининг иштирок этиши айни коррупцияни яна-да мустаҳкамлаб, умрини узайтиради. Шунингдек, айни коррупциячи режимга яқин бўлган ва уни қўллаб-қувватлаётган армия қўмондонлари умрини ҳам узайтиради. Аслида эса, коррупциянинг коррупциясига шерик бўлиш эмас, балки одамлар томонидан уни ағдарилиши ёки четга чиқарилиши лозим эди.
4 – Эски илмоний қонунларни мустаҳкамлаш ва «терроризм»га қарши кураш бўйича янги қонунларни қўшиш, исломий қадриятлардан воз кечиш, маст қилувчи ичимликлар билан гомосексуализмга рухсат бериш, янги сайланган раҳбарлар орқали юртни халқаро қарзларга боғлаб олиш, молларни обдан программалаштирилиб, тайёрланган нопок йўллар билан ўғирлашга қонунийлик тусини бериш.
5 – Сайланган парламентлар орқали мухолафат, деган нарсани пайдо қилиб, коррупцияни кучайтириш, томирини мустаҳкамлаш, қўллаб-қувватлаш ва «қонунийлаштириш». Айни коррупциянинг ўзгаришсиз ўз илдизида қолгани ҳолда, президентлик курсисига ўтирган шахсга келсак, у ҳам коррупциячилар ва халқаро жинояткор қонунлар карвонига эргашмай қолмайди.
6 – Умидларни пучга чиқариш ҳамда халқ ҳаракатига ва коррупциячи тоғутларга қарши қўзғолонга нисбатан ишончсизликни пайдо қилиш. Яъни, одамлар ўзлари сайлаган вакилларини коррупция карвонига эргашиб, улар ҳам коррупциячига айланганини кўриб, ҳафсалалари пир бўлади. Янги партиялар етакчилари навбатдаги қўзғолон ҳаракати мақсадига айланишади. Бу билан коррупция фақат режим ва у ердаги раҳбарларгагина чекланмай, балки доираси яна-да кенгайиб, жамиятнинг катта қисмини ўз ичига олади. Ана шунда халқ босимлари пасаяди, интиқом мақсади сўнади.
Мана шундай умумий ишлар билан одамларни адаштириш ва асосий мақсадларидан, яъни, коррупцияни ағдаришдан чалғитиш иши кетмоқда. Сайлов эса, коррупцияни ағдариб, уни алмаштириш ўрнига, унинг жиноятларини ёпиш ва яшириш билан унга шерик бўляпти.
Кинона Мисрида Ҳусни Муборакнинг ҳайбати сўниб, тахтдан тушиши ортидан 2012 йил 11 сентябр жума куни миллионлаб мусулмон майдонга чиқди ва талаблари шариатнинг татбиқ этилишидан иборат бўлди. Режим эса, сайлов деган ёлғон ўйин бошлаб, одамлардаги нафрат туйғусини сўндирди ва йўлларидан оздирди ҳамда уларнинг вакилларини коррупцияга шерик қилди. Ўшанда режим кўзлаган фитна юз берди… Одамларни қирғин қилди… Коррупциячи режимни ағдариш сари қўзғалган халқ тўфонини сўндиришга муваффақ бўлди.
Тунисда ҳам шундай иш бўлди. Сайлов деган ёлғон ўйинга исломий оқим киритилди… Оқибатда у ҳам режим шеригига айланиб, коррупциясига ёрдам берадиган, коррупция, ўғирликлар ва Халқаро Валюта Фонди қучоғига кириш каби янги жиноятларини ёпадиган бўлди.
Бугун Жазоир аҳлини ҳам худди Миср ва Тунис аҳлини алдашган ўша услуб билан алдашмоқчи. Ҳозирда кўтариб чиқилаётган Миллий мулоқот ва одамлардан вакил сайлаш келаси сайловнинг, яъни, энг катта алдов босқичининг муқаддимасидир. Бу сайлов деган нарса коррупциячи режимни ағдаришга тўғаноқ бўляпти ва унга коррупциячилигини давом эттиришига, бу жиноятларию қонунлари илдизини қандай бўлса-ўшандек сақлаб қолишига имконият яратяпти. Бас, шундай экан, эй Жазоир аҳли, эй зулм, ёвузлик ва порахўрликка қарши қўзғалганлар, жуда ҳушёр бўлинг! Онгли бўлиб, қонхўр жиноятчи режимнинг нима қилмоқчилигини тушунинг. Ҳамма нарсадан ҳам энг биринчи мақсадингиз, режимни илдизи билан қўшиб ағдариш бўлсин. Унинг коррупциясига шерик бўлишига ҳам, коррупцияси остида сайлов ўтказилишига ҳам асло йўл қўйманг. Чунки росулуллоҳ ﷺ
«لَا يُلْدَغُ الْمُؤْمِنُ مِنْ جُحْرٍ وَاحِدٍ مَرَّتَيْنِ»
«Мўмин бир ковакдан икки марта чақтирмайди», деганлар. Умар Форуқ розияллоҳу анҳу ҳам «мусулмон алдамайди ҳам, алданмайди ҳам», деганлар.
Хотима ўрнида шуни айтмоқчимизки, Ислом Уммати сайлов деган ёлғонга алданмаслиги, у билан машғул бўлиб қолмаслиги, ҳатто унда иштирок этмаслик керак, чунки бу сайлов улуғ мақсаддан чалғитувчи ўйиндир. Улуғ мақсад эса, режимни ағдариб, коррупцион сиёсий доиралари билан қўшиб алмаштиришдир. Шундай жинояткор малай режим остида парламент ёки ҳукуматда иштирок этиш ўша жиноятлар умрини узайтиради, уни қўллаб-қувватлайди ҳамда йиртилиб айблари кўриниб қолган ниқобини ямайди. Умматимиз зиммасига бундай ювиндихўр режимларни ағдариш билан кенг қамровли инқилобий ўзгариш ясаш, Исломни татбиқ ўрнига қўйиш ва шу йўлда ҳаракат қилаётган холис инсонлар атрофига жипслашиш вазифаси тушган. Ушбу каломни айтган Роббимиз нақадар ҳақ сўзлади:
﴿قُلْ هَٰذِهِ سَبِيلِي أَدْعُو إِلَى اللَّهِ عَلَىٰ بَصِيرَةٍ أَنَا وَمَنِ اتَّبَعَنِي وَسُبْحَانَ اللَّهِ وَمَا أَنَا مِنَ الْمُشْرِكِينَ﴾
«Айтинг: «менинг йўлим шудир. Мен Аллоҳга даъват қиламан. Мен ва менга эргашган кишилар аниқ ҳужжатга-ишончга эгамиз. (Ҳар қандай шерикдан) Аллоҳни поклайман. Зеро, мен мушриклардан эмасман» [Юсуф 108]
Аллоҳга дуо қилиб, Ислом Умматига тўғри туб ўзгариш ясаш неъмати билан сийлашини, ҳукмдорларнинг макру найранги ва залолатларини Умматдан нари қилишини сўраб қоламиз.
Роя газетасидан олинди
