بِسْمِ اللهِ الرَّحْمٰنِ الرَّحِيم

Роя газетаси:

Америка Исломий Давлат ташкилотига қарши кураш ниқобида Сурияга нисбатан бўладиган ҳарбий аралашувини оқлаш учун замин тайёрламоқда

Америка қуролли кучларининг Ўрта Шарқ бўйича қўмондони Сурия шимолига яширин сафар қилди

АҚШ қуролли кучларининг Ўрта Шарқ бўйича қўмондони генерал Жозеф Вотел ўзининг Сурия шимолига қилган яширин сафарини ўтган шанба кечқурун тамомлади. Унинг бу сафаридан Исломий Давлат ташкилотининг Суриядаги қалъаси бўлган Раққада жанг бошлашга ҳозирлик кўриш кўзланган.

Вотел Сурияда қўзғолон бошлангандан бери у ерга қадам қўяётган америкалик масъуллар ичида энг катта лавозимлик масъул саналади ва бу ташриф Исломий Давлат ташкилотига қарши жангнинг янгича тусга кираётганидан огоҳ этади. 11 соатлик ташриф уюштирган америкалик генерал айни ташрифидан Раққада Исломий Давлат ташкилотига қарши ҳужум бошлашга ҳозирлик кўришни ҳамда айни минтақани Америка қўллаб-қувватлови остидаги кучлар билан назорат қилинишини мақсад қилган.

«Франс-Пресс» хабарига кўра, Вотел суриялик араб жангчилар билан бирга ишлаётган америкалик ҳарбий экспертлар ҳамда Вашингтон томонидан қўллаб-қувватланувчи «Сурия демократик кучлари» жангчилари қўмондонлари билан учрашди.

АҚШ қуролли кучларининг Ўрта Шарқ бўйича қўмондони сафар мобайнида ҳамроҳлик қилган бир гуруҳ журналистларга Сурия зиёратидан Исломий Давлат ташкилотига қарши курашда араб ва курдлардан иборат коалиция барпо этиш мақсад қилинганини маълум қилди.

Америка марказий қўмондонлиги Вотел ташриф буюрган жойни аниқ маълум қилишдан бош тортди. Лекин у ташриф буюрган Америка махсус кучлари Сурия шимолида жойлашгани маълум. (Холиж онлайн).

Роя газетасининг 2016 йил 25 май чоршанба кунги 79-сонидан