Қарашларнинг хатарлиси

بسم الله الرحمن الرحىم

Яхшилик ва ёмонликни танитган Аллоҳ биз мўминларга барча амалларни баҳолашда шариат нуқтасидан қарашимизни амр этган. Қачонки қарашларимиз Ҳақдан узилса, Оламлар Роббиси эътиборидаги яхшилик – ёмонлик бўлиб кўрина бошлайди.

Бугун олам юртларининг барчасида Аллоҳ ҳаром деб танитиб, ундан қайтарган нарса ва ишларга кенг йўл берилиб, аксинча Аллоҳ ҳалол қилган нарсаларга жиноят сифатида қаралмоқда. Ва бундай хатарли қарашлар ортидан Аллоҳ Таоло бандаларига танитган мезонларига қарши журъат ошкора намоён бўлиб қолмоқда. Озодликнинг (13.06.2023й) маълум қилишича:

Тошкентда аввалроқ “террорчилик ҳаракати ҳақида хабар бермаслик” ва “террорни молиялаштириш”да айбланиб қамоққа олинган 8 нафар шахсга нисбатан “диний-экстремистик ташкилот тузиш ва унда иштирок этиш” айби билан тергов ҳаракатлари бошланган. Терговга яқин манбанинг Озодликка билдиришича, ЖК 244-2 1-қисми бўйича янги айблов шу йилнинг 3 июн куни Миробод туман суди томонидан чиқарилган 10 кунлик қамоққа олиш эҳтиёт чораси муддати ниҳоясида эълон қилинган, дейилади.

Шунга ўхшаш хабар Podrobno.uz мухбирининг хабарида ҳам қуйидагича келтирилади: Ўзбекистонда Суриядаги террорчиларга пул юборган шахс олти йилга қамалди. (12.06.2023й)

Бу каби кети узилмай қолаётган хабарларда бу йигитларнинг ҳаракати ҳукумат томонидан “терроризмни молиялаш” дея танитилмоқда. Албатта, бирор ёмонликни молиявий таъминловчи ҳам, ташкиллаштирувчи ҳам ва бу борада энг кичик хизмати билан қатнашувчи ҳам ушбу жиноят аҳлидан саналади. Росулуллоҳ ﷺ:

لعن الله الخمر وشاربها وساقيها وبائعها ومبتاعها وعاصرها ومعتصرها وحاملها والمحمولة إليه وَآكِلَ ثَمَنِهَا

«Аллоҳ Таоло ароқни, уни сиққанни ва сиқтирганни, ичганни, ташиганни ва унга ёрдам берганни, сотганни ва сотиб олганни, ичувчига берганни, ичкилик сотиладиган ва тарқатиладиган ерларни (майхона, тўйхона, ароқ сотадиган дўкон, кафе ва барларни), пулини еганни лаънат этди». (Абу Довуд, Байҳақий, Ҳоким ривоятлари)

Аммо юртимиз қонунларида Аллоҳнинг шариатидан таълим беришни ва Исломга тўлиқ риоя қилишни “терроризм ва экстремизм”га боғлаб танитилмоқда. Бу эзгу амалларнинг муайян қисми – намоз, рўза ва ҳаж кабиларга изн бериб, бошқа асосларини жиноят, дея баҳоламоқда. Юқорида келтирилган “жиноятчилар”нинг қилган ишларини кейинга суриб турайлик-да, уларни жиноятчи деб танитаётган ҳукумат ишларига назар ташлайлик.  Енгилгина қаралса, юртимизда ароқ заводлари тобора кенгаймоқда, фаҳш ишлар учун кафе, ресторан, дискотека майдонлари масжидлардан кўра юзлаб маротаба кўпаймоқда. Шариат нуқтасидан қаралса, бундай бузуқликниннг ташкил этувчиси ҳам, қурувчилари ҳам, молияловчилари ҳам – барчалари бирдек гуноҳкор бўлмайдиларми?! Қолаверса, Оламлар Роббиси очиқ ҳаром қилган бу жиноятларини заррача ҳижолат бўлмай, бу борадаги “ютуқ”лардан сўзлаб чарчамайдилар. Шу ўринда табиий савол туғилади: модомики, юртимизда ҳукмрон элита ва унинг куч ишлатар тизимлари Роббул оламинни ҳалол ва ҳаром мезонларига тажовуз қилишаркан, уларни молиялаштиришда, лавозимларига сайланишида кимлар жавобгар бўларкин?!

Энди анави “терроризм”ни молиялашда “жиноятчи” саналганларга қайтсак. Аслида бу йигитлар устига қўйилган айбловлар аниқ фактлар билан тақдим қилинмаган. Аммо исбот қилганларида ҳам уларнинг бу ишлари Ислом нуқтаи назаридан қаралганда, ҳар бир мўмин қилиши лозим бўлган эзгу амаллардандир. Чунки Аллоҳнинг сўзини олий қилиш мақсадида жиҳод қилувчини от-улов, қурол-яроғ, озуқалар билан таъминловчилар ҳам ўшалар топаётган савобга шерикликда баробар ҳисобланадилар.

Хулоса ўрнида айтадиганимиз шуки, ҳаётда барча яхшилик ва ёмонликнинг қўлловчилари ва молияловчилари бўлади. Ҳукумат ҳам диннинг ҳаётга тўлиқ қайтишига қарши шиддат билан курашишда молия ҳамда ички ва ташқи қўлловчига муҳтождир. Мустамлакачилар юртимизда “терроризм” (Ислом)га қарши кураш учун ажратаётган миллионлаб долларлик пулларга “ташаккур” тариқасида қамашлар ҳали бери тугамайди, балки давом этаверади.

Асосий қисми мусулмонлардан иборат Ўзбекистон халқига ихтиёр берилса, улар Қуръондан таълим берувчи қория оналаримизни жазога тортувчи, чорак асрлаб зиндонларида дини учун қамалганларни ушлаб турувчи золимларни қўллаш у ёқда турсин, ҳатто устиларида бир зум туришларига ҳам изн бермаган бўларди.

Бугун юртимиз ғарбнинг “динни ҳаётдан ажратиш” сиёсатига тобе қолмоқда. Ғарб дунёқараши мусулмон халқимиз зеҳнига тобора чуқур сингиб бораркан, ҳаромларни ҳалол, эзгу ишларни жиноят, деб санайдиган ўлчовлар қалбларга найзадек санчилишда давом этаверади.

Аслида эса, халқимиз иймон аҳлидир. Бизлар учун ҳукмрон бўлишга энг ҳақли тузум Аллоҳнинг динидир. У Зот бандаларига танитган яхшилик том маънода энг тўғрисидир. Аллоҳ Таоло ўз каломида:

أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللهِ حُكْمًا لِقَوْمٍ يُوقِنُون

– “Динсизлик ҳукмрон бўлишини истайдиларми?! Иймонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!” – дея марҳамат қиларкан, биз ўша ҳукми шарийя ортидагина нажот топгувчилармиз.

Ҳизб ут-Таҳрир Ўзбекистон матбуот бўлими аъзоси Зайниддин

23.06.2023й