Ал-Қоида Фил Суяги Қирғоғидаги ҳужумни ўз зиммасига олди
بسم الله الرحمن الرحيم
Роя газетаси:
Ал-Қоида Фил Суяги Қирғоғидаги ҳужумни ўз зиммасига олди
«Исломий Мағриб юртларидаги ал-Қоида» ташкилоти Фил Суяги Қирғоғининг Гран-Басам
шаҳрида ўтган якшанба куни қилинган ҳужумни ўз зиммасига олди. «Американинг исломий сайтларни кузатув веб-сайти» дея аталган ташкилот ҳужумда 16 шахс ҳалок бўлганини маълум қилди.
«Ал-Қоида» ташкилоти ҳужумни унинг уч аъзоси амалга оширганини таъкидлади. Аммо Фил Суяги Қирғоғи президенти Алассан Уаттара ҳужумчилар олти нафар бўлганини, улар 14 нафар фуқарони ва 2 нафар аскарни ўлдиришлари ортидан ўзлари ҳам йўқ қилинганини маълум қилди.
Фил Суяги Қирғоғи бу турдаги ҳужумга биринчи бор гувоҳ бўлиши. Илгари 2015 йил 26 июнда Туниснинг Суса шаҳридаги бир меҳмонхонага ҳам шунга ўхшаш ҳужум қилиниб, бунинг натижасида 38 шахс ҳалок бўлган эди. (Франс 24).
Роя газетаси шарҳи:
Бу каби ҳужумлар масъулиятини хоҳ ал-Қоида ўз зиммасига олсин, хоҳ бошқаси, бундан қатъий назар, уларни Аллоҳга яқин бўламан, деб ўйлаган ёки Аллоҳ йўлида жиҳод қиляпман, деб ҳисоблаган кишилар содир этмоқда. Бироқ бу жиҳод эмас. Ислом душманлари бўлмиш Ғарб давлатлари бу каби амалиётлардан Ислом ва мусулмонларга қарши ҳарбий сафарбарлик олиб боришда фойдаланмоқда. Шу амалиётлар орқали жамоатчилик фикрида «Ислом фуқароларни ўлдиришга рухсат беради», деган нарсани пайдо қилишга уринишмоқда. Бироқ ўзгармас ҳақиқатлардан бири шуки, жангчи бўлмаган фуқароларни нишонга олиш Ислом нуқтаи назарида ношаръий амалиётдир ва бу маълум-машҳур ҳақиқат. Росулуллоҳ САВ замоналаридан бошлаб бутун тарих давомида Ислом уруш бўлаётган минтақаларда жангчи бўлмаган фуқароларни ҳимоя қилишга эътибор қаратиб келди, ҳатто бечораҳолларни, яъни ўзларини мудофаа қилиш учун ҳарбий қуроли бўлмаган фуқароларни қутқаришга буюрди. Урушларда душманга рўпара келганда ҳам Росулуллоҳ САВ исломий лашкарларга
«وَلا تَقْتُلُوا امْرَأَةً، وَلا وَلِيدًا، وَلا شَيْخًا كَبِيرًا»
«Аёл кишини, болани, ёши улуғ инсонни ўлдирманглар», дея буюрардилар. Кейин рошид халифалар ҳам худди шунга буюрганлар. Абу Бакр РА лашкарбошисига бундай амр қилганди: «Сиз ана у кулбаларда жон сақлаётган қавмларга дуч келасиз, бас, уларга ҳам, ўзлари билан сақлаётган нарсаларига ҳам тегманг… кексайган қариларни, аёл кишини, гўдакни ўлдирманг, маданиятни вайрон қилманг…». Умар РА ҳам лашкарбошисига бундай буйруқ берганди: «Кишан солманг, хиёнаткорона иш қилманг, мусла қилманг, аёл кишини, гўдакни, кексани ўлдирманг…».
Мусулмонлар ҳатто урушларида ҳам шундай бўладилар. Ушбу ҳақиқатлар Исломда ўзгармай сақланиб қолган ва ғарблик кофирлар ҳам мусулмонлар тарихидан, фатҳларидан буни яхши билади. Бироқ улар юқоридаги амалиётлардан оммада Ислом ва мусулмонларга қарши нафрат пайдо қилиш учун фойдаланишмоқда. Бу кўр-кўрона нафратдир. Уларнинг ўзлари жиноят қилса, уни тўхтамай оқлашга ҳаракат қилишади. Аммо бир мусулмон қилса борми, Ғарбда яшовчи бутун мусулмонлар жамоасини қувғин остига олишади. Ҳатто Исломнинг ўзига ҳужум қилишади. Фил Суяги Қирғоғи ва бошқа шунга ўхшаш ҳодисаларда ҳам худди шундай қилишмоқда.
Роя газетасининг 2016 йил 16 март чоршанба кунги 69-сонидан
