Ғарб Халифаликнинг тикланиши ҳақида
“Халифалик қулатилганига 100 йил тўлиши муносабати билан… Эй, мусулмонлар! Уни қайта барпо этинглар” кампанияси доирасида
Ғарб Халифаликнинг тикланиши ҳақида
بِسْمِ اللهِ الرَّحْمٰنِ الرَّحِيم
Ҳижрий ҳисоб бўйича 100 йил бўлибдики, Ислом ҳар бир мусулмон ҳаётида тўлиқ татбиқ этилмай келмоқда. Бунга сабаб кофир мустамлакачилар томонидан умматнинг сўнгги таянчи бўлган Усмоний Халифаликнинг йўқ қилиниши бўлди. Ўша вақтдан бошлаб Аллоҳнинг Шариати ер юзида ижро қилинмаётгани ва бошқа халқларга етказилмаётгани учун ҳар бир мусулмон гуноҳкор бўлмоқда, чунки одамларнинг энг яхшиси бўлган хабибимиз Росулуллоҳ ﷺдан сўнг Исломни татбиқ қилиш масъулияти уммат бўйнига тушганди. Бугун мусулмонларни бирлаштириб, уларнинг устида Аллоҳнинг қонунлари билан ҳукм қиладиган ва Ислом нурини ер юзи бўйлаб ёядиган имом-халифа йўқ. Чунки “вожибга олиб борадиган иш ҳам вожибга айланади” деган шаръий қоидага кўра, Исломни тўла татбиқ қилиш ва халифага байъат бериш Халифаликни тиклаш билан бўлар экан, демак, бу йўлда ҳаракат қилиш ҳар бир мусулмон учун вожиб ишга айланади.
Халифалик қулатилганидан бери умматнинг холис ўғлонлари уни қайта тиклаш учун ҳаракат қилиб келмоқдалар. Охирги ўн йилликларда биз умматнинг уйғониб, Халифаликсиз ўзининг аввалги буюклигини қайтара олмаслигини, ўз бойликларидан фойдалана олмаслигини, шунингдек фақат халифа мусулмонларни бугунги қолоқ ва хор аҳволдан олиб чиқиши мумкинлигини тушуниб етаётганини гувоҳи бўлдик.
Дунёнинг турли бурчакларидан туриб одамлар Шариат қонунлари билан бошқаришни талаб қилмоқдалар ва бу қувонарли ҳолатдир. Бироқ шунга қарамай, афсуски, мусулмонлар орасида шундайлари ҳам борки, улар Ислом Давлатининг тикланишига шубҳа билан қарайдилар ва қуйидаги асоссиз даъволарни келтиришади:
“Бундай бошқарув системаси эскириб қолган ва у ҳозирги муаммоларга ечим бера олмайди”;
“Мусулмонлар жуда заиф, улар бундай лойиҳани амалга ошира олмайдилар”
“Демократия ва унинг эркинликлари бугунги кундаги энг яхши бошқарув шакли” ва ҳоказо.
Бундай мусулмонлар оммасидан фарқли ўлароқ, Ғарбнинг давлат арбоблари ва мафкурачилари дунё мусулмонларининг Ислом Давлатини қайта тиклаш масаласидаги қатъиятларидан ўта хавотирдалар. Қуйида биз Халифаликнинг қайтиши борасида етакчи давлатлар лидерлари ва мафкурачиларининг ҳисоботлари, таҳлиллари, фикр-мулоҳазалари ва хавотирларидан баъзиларини келтирамиз:
Россия президенти Владимир #Путин 2002 йилнинг декабрида шундай деган эди: “Халқаро терроризм мамлакатни вайрон қилиш ва Халифаликни ўрнатиш мақсадида Россияга уруш эълон қилди”. У бу ҳақида халқ билан жонли эфир чоғида гапирди, ўшанда у Россия аҳолисидан келган икки миллион телефон қўнғироғи орасидан танлаб олинган элликта саволга жавоб берганди.
Генри #Киссинджер Ҳиндистонда 2004 йил 6 ноябрда “Ҳиндустан Таймс” газетасининг ҳарбий раҳбарлар учун ўтказган конференциясида шундай деди: “Хавф-хатар биз 2001 йил 11 сентябрда кўрган террордан келиб чиқмайди. Балки Халифалик масаласига бошқача қарайдиган мўътадил Исломни синдирмоқчи бўлаётган фундаментал ва экстремистик Исломдан келиб чиқади”.
Британия собиқ бош вазири Тони #Блэр 16.07.2005й да шундай деган эди: “Биз Халифалик тиклаш орқали “исроил” ни йўқ қилишга, Ғарбни Ислом оламидан чиқариб ташлашга ва ягона Ислом давлатини барпо қилишга интилаётган ҳаракатга қарши турибмиз”. Шунингдек, 2005 йил сентябрда: “Ҳозирги вақтда бизнинг Ироқдан чиқишимиз Яқин Шарқда Халифалик тикланишига олиб келиши мумкин”, — деди.
Британия Ички ишлар вазири Чарльз #Кларк 2005 йил 6 октябрда “Heritage” институтидаги чиқишида шундай деди: “Ислом қонунчилигини татбиқ қилиш масаласини муҳокама қилиш борасида гап ҳам бўлмаганидек, Халифаликни тиклаш борасида музокара бўлишининг ҳам ҳеч қандай иложи йўқ”.
Америкалик таҳлилчи Карл Викнинг “Washington Post” газетасида 14.01.2006й да эълон қилинган узун мақоласида айтилишича, Америка президенти кичик Буш қаршилик қилаётган Халифаликни қайта тиклаш муаммоси бевосита мусулмонлар орасида муҳокама қилиняпти. У мақсади Халифаликни тиклаш эканлигини эълон қилиб, кўплаб мамлакатларда фаолият олиб бораётган партия борлигини таъкидлаб ўтган.
Ироқни босиб олган салибчи ҳарбий коалиция бош қўмондони Ричард Майерс шундай деди: “АҚШ учун энг катта хавф ва глобал таҳдидни еттинчи асрда мавжуд бўлган Халифаликни тиклашга ҳаракат қилаётган Ислом радикализми туғдирмоқда. Бу радикализм Ироқдан бошқа минтақаларда анча кучлироқ тарқаляпти. Бироқ у Ироқда ҳам ишлаяпти ва тарқаляпти, шунингдек жангариларни Америкага қарши жисмоний ҳатти-ҳаракатларни амалга оширишга гиж-гижлаяпти”.
Оқ уйнинг расмий сайти 20.10.2006й да кичик Жорж Бушнинг баёнотини эълон қилди: “Бу фундаменталистлар Халифаликни ҳукмрон давлат сифатида қуришмоқчи. Улар ўз таълимотларини Индонезиядан то Испаниягача тарқатишни хоҳлайдилар”.
АҚШ Мудофаа вазири Дональд Рамсфелд хайрлашув чиқишида шундай деди: “Улар мўътадил Ислом бўлган ҳукмрон режимларни ағдариш ва силкитишни ҳамда Халифаликни тиклашни истайдилар”.
Гарвард университетининг ҳуқуқ бўйича профессори Ной #Фельдман ўзининг 2008 йилда чоп этилган “Ислом давлатининг қулаши ва кўтарилиши” китобида тасдиқлайдики, бугунги кунда Ислом қонунчилиги рейтингининг иккинчи марта кўтарилиши – ўтмишдаги пасайишга қарамай – муваффақиятли равишда Халифаликнинг тикланишига олиб келиши мумкин.
Русчадан Фаррух таржимаси
#ReturnTheKhilafah / #أقيموا_الخلافة / #YenidenHilafet
#TurudisheniKhilafah / #خلافت_کو_قائم_کرو
Ҳизб ут-Таҳрирнинг Ўзбекистондаги матбуот бўлими
12.03.2021й
