بِسْمِ اللهِ الرَّحْمٰنِ الرَّحِيم

Роя газетаси:

АҚШнинг Ливандаги элчиси Америка-Ливан ҳамкорлиги жуда муҳимлигини таъкидламоқда

Ливан бош вазири Салам Таммам Сурайёда АҚШнинг Ливандаги элчиси Элизабет Ричард хонимни зиёрат қилди. Унинг зиёратидан сўнг 2016 йил 19 июл сешанба куни элчи турли соҳаларда Америка-Ливан ҳамкорлиги зарурлигини алоҳида таъкидлаб, «Биз Ливанни тинч, обод ва барқарор бўлишини таъминлаш йўлида хормай-толмай бор кучимизни сарфлашда давом этамиз», деди.

Унинг айтишича, «АҚШ тақдим этадиган қўллаб-қувватловнинг асосий очқичлари унинг Ливан армияси ва хавфсизлик хизматига ёрдам беришидир. Бу давлат Ливаннинг аввалда ҳам хавфсизлик ҳамкори бўлган, ҳозирда ҳам шундай, келажакда ҳам шундай бўлиб қолади».

Элчига кўра, давом этаётган Америка ёрдамлари «бизга Ливан армиясини қўллаб-қувватлашдек бурчимизни очиқ намоён қилмоқда. Чунки Америка Ливанни мудофаа қилиш, чегараларини ҳимоя қилиш масъулиятини ўз зиммасига олган». (Сафира журнали).

Роя газетаси шарҳи:

АҚШнинг Ливандаги янги элчиси айтган гаплардан бу мустамлакачи давлатнинг Ливан ва унинг армиясига, хавфсизлик хизматига қанчалар аҳамият қаратаётгани, улардан ўз сиёсатини ижро қилувчи қўғирчоқлар сифатида фойдаланаётгани кўриниб турибди. Америка-Ливан ҳамкорлиги ҳақидаги гаплар бир содда-гўл одамни алдашдан ўзга нарса эмас. Бу Америка-Ливан муносабатлари аслида қандай эканидан чалғитувчи баландпарвоз гапдир. Чунки Ливан АҚШнинг ҳамкори эмас, аксинча қулидир.

Роя газетасининг 2016 йил 27 июл чоршанба кунги 88-сонидан