Ғарбнинг салбчилик террори ва Ғарб ОАВ ларининг бу террордаги муҳим роли. 2 – қисм
بِسْمِ اللهِ الرَّحْمنِ الرَّحِيمِ
Ғарбнинг салбчилик террори ва Ғарб ОАВ ларининг бу террордаги муҳим роли. 2 – қисм
ОАВ лар Ғарб террорига қандай ёрдам бермоқда?
Мусулмон юртларидаги ОАВ лар Ғарб давлатлари тузиб берган дастур бўйича иш олиб бориши ҳеч кимга сир бўлмай қолди. Бунга минглаган эмас, миллионлаган исботларни келтириш мумкин бўлсада, озгина фактлар билан кифояланамиз.
Суданнинг Хартум шаҳрида чиқадиган бир газета 2015 – йил 16 – февралда шу шаҳарлик бир ақлдан озган руҳий хаста одам бошқа бир одамни калласини олишга ҳаракат қилгани тўғрисида хабар тарқатди. Лекин қизиқ ери шундаки, оддий бир жинни ақлини ишлата олмай, ақлсизлик билан қилган ишни, дунёнинг бирон ерида, бирон давлатда жиноят ҳисобланмайдиган ишни, шундай таърифлар билан тарқатди: “Террорист инженер ҳудди ИШИД одамларни калласини олиши каби, ўз жабрланувчи калласини олишга ҳаракат қилган”. Кўриниб турибдики, мусулмонлар юртлари масс-медиа олами Ғарб ОАВ лари чизган дастур бўйича оғзиларини қимирлатадилар. Ҳар бир ҳолатдан мусулмонлар оммасида террор, ИШИД жинояти каби маъноларни келтириб чиқариб, бу билан, Исломни одамлар онгида нафратланилувчи манфур нарса қилиб кўрсатишга хизмат қилмоқдалар.
Бошқа бир томондан Ғарб ОАВ лари ўзларининг тарқатаётган хабарларини “обеьктив”лигини сақлаб қолиш маъносида, бўлган воқеаларни тарафкашликсиз, тўғридан тўғри бераётгандек кўрамиз. Эслайдиган бўлсак, ўтган йилда Америкада бир кофир машина тўхтатиш майдонида жой талашиб, 3 та мусулмонни отиб ўлдирган эди. Ва буни АҚШ ОАВ лари тезлик билан, Америка ахборот сиёсати меъёрларидан оғишмаган ҳолда, ўз янгиликлари дастурларида эълон қилишди.
Лекин улар бу хабарни бир одам машина майдонида келишмовчилик сабабли, учта мусулмонни отиб ўлдирди, деган маънодаги матн билан тарқатди. Биронта ОАВ ушбу қотилга нисбатан “террор” сўзини ишлатмади (Энди ўйлаб кўринг, агар бир мусулмон бир дона кофирни отиб ўлдирганида нима деган ваҳима тарқатилган бўлар эди?!).
Бугун Ғарб қўлида оламни ахборот билан таъминловчи ОАВ лар тарқатаётган хабарларга қарайдиган бўлсак, аксарияти террористлар, экстремистлар, Исломий жангарилар, қисқа қилиб айтганда, мусулмонларни жиноятчи қилиб кўрсатиш ҳақида бўлиб қолди. Лекин Ғарб давлатларнинг ўзидаги жиноятчилик статистикасига эътибор берадиган бўлсак, Европаликлар ва Америкаликларнинг ўзлари содир этган террорчилик ҳарактеридаги жиноятлари бошқа давлатлардан келган эммигрантлар қилган жиноятларга нисбатан солиштириб кўрсак, Европа ва АҚШ ликларнинг ўзларини террорчилик жиноятлари мусулмонларга нисбатан 98% — 2% эканини, яъни 98% террорчилик жиноятлари Ғарбликларнинг ўзлари томонидан содир этилишини гувоҳи бўламиз. Бунга баъзи мисолларни келтириш ўринли бўлади:
Европа Иттифоқининг полиция хизмати (Европол) 2014 йил якунлари тўғрисида берган баёнотида Европада содир этилган террорчилик ҳужумларнинг аксари айирмачилик гуруҳлари ҳиссасига тўғри келишини айтган. Масалан, 2013 – йилнинг ўзида Европада 152 та террорчилик ҳолати қайд этилган, улардан 2 таси (иккита!) диний соҳага алоқадор мақсадда қилинган, қолганлари миллий, ватаний, айирмачилик ва бошқа соҳа вакиллари томонидан содир этилган.
Мустамлакачилик кишанларидан озод бўлиш учун ҳаракат қилаётган Ислом уммати хозирда дунё бошқаруви қўлида бўлиб турган капитализм режимининг турли фитналари курашлари ва қақшатқич зарбаларига дуч келмоқда. Улардан энг зарари кенг кўламлиларидан бири бу, ОАВ лар орқали Исломга қарши тарқатилаётган ахборотлар, информацион ҳужумлардир.
Ғарб олами Исломга қарши олиб бораётган информацион террорчилик – салбчилик курашида ғалаб қозонадими?
Бўлаётган воқеликлар шуни кўрсатиб турибдики, бу курашда Ғарб олами ўзининг капиталистик низоми билан мутлақ мағлубиятда экани муқаррардир. Ғарб капитализми фирклар ва ахборот тарқатишлар жангида ютқазаётганини жуда яхши ҳис қилиб турибди, чунки қанчалик тазйиқлар, қора қилиб кўрсатишлар, Ислом тўғрисида нафратлантирувчи нарсаларни кўпайтирилишига ва бошқа қайтариқларга қарамасдан, Европа ва Америкада Исломга кираётганлар, у билан холис қизиқаётганлар сони борган сари кўпайиб боряпти.
Исломга нисбатан тазйиқлар бўла туриб бугунгидек ҳолатни кўриб турган эканмиз, у ғалаба қилиб, унга қарши курашаётганларнинг салбчилик курашлари йўқолганидан кейин, Уммат ўзининг ҳақиқий илоҳий мабда билан бошқариладиган, борлиқни яратган Зот Ўзи тузиб берган хазоратга чақирадиган, одамларни тўқиб чиқарилган динлардан халос қилиб, Исломнинг буюк адолатли рисолатига бошловчи кучли давлатига эга бўлганида ҳолат қандай бўлишини ўзингиз бир ўйлаб кўринг.
إِذَا جَاءَ نَصْرُ اللَّهِ وَالْفَتْحُ * وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا * فَسَبِّحْ بِحَمْدِ رَبِّكَ وَاسْتَغْفِرْهُ ۚ إِنَّهُ كَانَ تَوَّابًا
“(Эй Муҳаммад), қачон Аллоҳнинг ёрдами (нусрати) ва ғалаба келса, (Унда сиз) Ва одамлар тўп-тўп бўлишиб, Аллоҳнинг дини (Ислом)га кираётганларини кўрсангиз, Дарҳол Парвардигорингизга ҳамд айтиш билан (У зотни ҳар қандай шериклардан) покланг ва У зотдан мағфират сўранг! Зеро У тавбаларни қабул қилгувчи зотдир”. (Ан – наср. 1-3)
Ғарбнинг террорчилик – салбчилик курашига қарши қандай туриш керак?
1. Ҳар бир мусулмон аниқ билиши керакки, куфр олами олиб бораётган терроризмга қарши кураш аслида Халифалик давлати тикланишига қарши курашдир. Модомики, тикланадиган давлат Пайғамбар соллаллоҳу алайҳи ва саллам минҳожи асосида бўлар экан, бу жанг Пайғамбаримиз соллаллоҳу алайҳи ва салламга қарши қилинаётган жангдир. Халифалик албатта Пайғамбар соллаллоҳу алайҳи ва саллам минҳожи асосида тикланади, асло Америка тузган асосда эмас.
2. Ғарб Ислом оламига кучли, яъни ўзи хоҳлагандек таъсир кўрсата олмай қолди, чунки мусулмон олами ғарбнинг асл мақсади ва асл башарасини кўриб қолди. Энди Ғарб капитализми ўзини сақлаб қолишга интилиб имкониятида бор ҳар қандай кучларни ишга солишдан бошқа чораси йўқ. Энди у кучли инқилобий ўзгаришга ўзини тайёрлаши ва бунга қарши охирги қуролларини ишга солиши қолди.
3. Барча кўрсатгичлар шуни кўрсатяптики, Ғарб капитализми ушбу жангда ўзининг охирги ўрасига (окоп) тушишга мажбур бўлиб қолди. У энди гайкани охирги мурувватларини бураб, “терроризмга қарши кураш” номи остида дунё бўйлаб шиддат билан кучайиб бораётган Ислом даъватини бўғизлашга уринмоқда. Бунга мисол қилиб, Америка томонидан уюштирилаётган, лекин улар кутган самарани бермаётган тўхтовсиз конференциялар, йиғилишларни айтиш мумкин.
4. Ислом Уммати ўз динининг ҳақиқий асл маъносини – бу диннинг мабдасини (идеологиясини) тушуниш мартабасига етиб келди. Шу жумладан, ушбу мабда албатта Халифалик билангина ҳаётда қоим бўлишини ҳам. Бу ҳолат Халифаликни йўқ қилганларнинг издошлари ва уларнинг мусулмонлар орасидаги малайлари умид қилаётган натижани бермаслиги муқаррарлигини билдиради.
5. Умматнинг ҳақиқий холис, золим бошқарувлар ўзгаришини хоҳловчи ўғлон ва қизлари оммадаги умумий фикрни ҳақиқий рост адолатли, ёлғонлардан, куфрий мақсадлардан ҳоли бўлган ахборотлар билан таъминлашда, жамиятдаги Исломга нисбатан манфур фикрларни яхши томонга ўзгартиришда, яъни ахборот жангида ўзларини кўрсатдилар. Бунга мисол қилиб, фейсбук, твиттер, одноклассник ва бошқа ижтимоий тармоқлардаги соф Исломга чақираётган холис мусулмонларнинг аккаунтларини куфр режими кибер дастурчилари ўчириб, блоклаб улгурмаётгани, биттасини ўчирилганда, ўрнига ўнтадан очилаётганини ва бошқа кўплаб ҳолатларни келтириш мумкин.
6. Бугун биз куфр томонидан бузиб тарқатилаётган, Исломни жиноятчи қилиб кўрсатишни мақсад қилган маълумотларни ва бундан ташқари мусулмонларнинг ҳаётида содир бўлаётган муаммоларга ечим берадиган маълумотларни мусулмонлар онгида тиниқлаштиришга, ҳақиқий асл ҳақиқатни умматга беришнинг аниқ белгиланган шаръий тартиботларига эгамиз. Шунинг учун биз мусулмонлар бошқа мусулмон биродарларимизни тўғри, адолатли, куфрий ғаразлардан пок бўлган ахборотлар билан таъминлаш ишига бор имконимиз билан ҳаракат қилмоғимиз зарур.
7. Бугун кўриб турганимиздек, Уммат кофир мустамлакалари занжирларидан озод бўлишга ва ўзи иймон келтирган ақидасидан келиб чиққан қонунлар билан яшаш томон ҳаракат қилмоқда. Ҳар бир ўзини мусулмон санаган инсон буни тўғри тушуниб, ушбу ҳаракатнинг сафига ўзини тезлик билан қўшишга интилмоғи ўзининг дунё ва охирати учун яхшидир.
8. Ғарб капитализми рак касаллиги каби оғир касаллик билан оғриётгани кўриниб турибди. Тазйиқлардан тортиб, ишсизликнинг ўсиши, инфляция муаммолари, ижтимоий алоқаларнинг тубанлигидан одамларда инсонийлик тушунчаси йўқ бўлиб бораётгани ва бошқа кўплаб манфур ҳолатларни бунга мисол қилиш мумкин. Буни тушуниб етган ҳар бир мусулмон капитализмнинг нақадар мўрт, адолатсиз, жирканчлигини ва инсонлар тузган бошқарув қонунлари инсониятни мана шундай тубанлик ботқоғига олиб келишини бутун оламга етказиши керак.
9. Мусулмонларнинг бугунги кунда бошларидан ўтказаётган қийинчиликлари ушбу мусулмон уммати билан унинг устида хукмрон, куфрий етакчи давлатларнинг манфаатлари учун тахтларда ўтирган хоин бошлиқлар ўрталарида катта жарлик борлигини исботлаб берди. Ғарб бугунга келиб, мусулмон уммати устида ишончли етакчилик қиладиган пиёда аскарларидан жудо бўлиб бўлди. Аллоҳнинг дини учун хизмат қиламан деган холис мусулмонлар ушбу қулай фурсатни ғанимат билишлари ва умматнинг ишончли етакчисига айланишлари керак.
Халқаро майдонда содир бўлаётган келишмовчиликлар ўзи билан бирга икки хазоратнинг ўртасида катта кураш кетаётганини ифодалайди: Ислом ва капитализм ўртасидаги жангни. Шунингдек бу жанг икки хазоратларнинг курашигина бўлиб қолмасдан, икки бошқарув дастурининг, икки мабданинг, Ғарбнинг мустамлакачилик дастури ва илоҳий адолат бошқарувига эга бўлган, инсонларни инсонларга қул бўлишдан, уларнинг яратувчиси бўлган Аллоҳга қул бўлишга олиб чиқувчи Халифалик дастури ўртасидаги жангдир.
Эй иймон келтирган мусулмонлар! Сизларнинг динингиз мана шундай дин эканини, унинг аниқ мабдаси борлигини англаб етинг ва бутун оламга ушбу ҳақиқатни етказишда Аллоҳнинг жасоратли мард аскари бўлинг!
يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ
“Эй иймон келтирганлар, агар сизлар Аллоҳнинг динига ёрдам берсангизлар, У зот ҳам сизларга ёрдам беради ва қадамларингизни собит-барқарор қилади”.(Муҳаммад. 7-8)
Ҳизб ут-Таҳрирнинг Ўзбекистондаги медиа офиси Муслим
09.02.2016й.
