Ҳаётингизнинг қандай бўлиши ким ва нимадан қўрқишингизга боғлиқ
Ҳаётингизнинг қандай бўлиши ким ва нимадан қўрқишингизга боғлиқ
بسم الله الرحمن الرحيم
Сиз ким ва нимадан қўрқасиз? Жавобингиз қандай бўлса, ўша сизнинг ҳаётдаги ишларингизга ўз таъсирини ўтказади. Сиз ўлдириб қўйишларидан ёки қамаб қўйишларидан қўрқсангиз ва душманингиз буни билса, у шу заифлигингиздан фойдаланади. Унинг сизга таҳдиди “ўлдираман”, “қаматаман” дейиш бўлади. Золим ҳукумат халқида шу каби қўрқувни пайдо қилиш учун бор кучини, ҳийлаларини ишга солади. Модомики, халқда шу қўрқув устувор тураркан, бундай халқдан сотқинлар, хоинлар, маддоҳлар етишиб чиқаверади. Қўрқув ҳукмрон бўлиб тураркан, ҳокимлар халқининг қонини зулукдек сўраверади.
Тўғри, баъзан пичоқ суякка қадалганида оломон қўзғалиб ҳокимларга норозилигини ошкор этишга журъат қилади. Аммо бу улардан анави қўрқувнинг кўтарилганини англатмайди, балки золимнинг ўлдиришидан кўра очлик, йўқчиликдан келаётган ўлимни хатари устувор бўлганини англатади. Бундай ҳолларда вилоят, туман раҳбарларини ишдан олиб, барча айбларни уларга ағдариб, халққа янги ҳоким қўли билан озгина “дон” сепилса кифоя. Охурлари емга тўлгач, маърашдан тийилган чорвадек яна “тинчмизу, Худога шукр” демоқда давом этаверади. Бундай халқ раҳбарлари ҳам айнан шу нарсалар билан қўрқитилиб, бошқа мустамлакачи давлатлар томонидан бошқарилади.
Бундай малай ҳокимларнинг ашаддий душманлари бўлмиш солиҳ инсонлар эса, ёлғиз Аллоҳдангина, Унинг азобидан, ғазабидан, охиратдаги ҳисобдан, жаҳаннамга улоқтирилишидангина қўрқувчилардир. Уларга на шоҳнинг зиндони, на унинг қатли ва на сургунларининг заррача таъсири бўлсин. Бундай инсонларни қул қилиб, тизгинлашнинг иложи йўқ. Шунинг учун ягона чоралари бундай кишиларни анави қўрқув устувор, итоатли халққа қўшмаслик бўлади, холос. Бунинг учун уларни зиндонларда ушламоқ ёки номларини булғаб, элга олабўжи қилиб кўрсатмоқ лозим. Ким буларга эргашса жиноятчидир, дея жар солмоқдан бошқа чоралари йўқ. Бундай ишни эса, сарой муллаларидан кўра моҳирроқ эплай оладиган югурдаклар йўқ. Қачонки ўша “уламо”ларда ҳам ўлимдан, зиндондан, қувғиндан, очлигу юпунликдан қўрқув устувор экан, улар халқ кўзини бўяшда давом этаверишади ва бунда ўзларини айбдор санашмайди.
Эй даъватчи биродарим! Сиз Аллоҳ ва Росулини севгувчисиз. Сиз Роббингизга бандалик қилишда кўр-кўрона эргашишдан сақланиб, Унга иймон келтиришда ақлингизни етарлича ишлатгансиз. Қачонки душманларингиз сизга зиндон, очлик, фақирлик, молингизга тажовуз, борингки, ўлим ишорасини қилса, бу нарсаларнинг ҳукми дунёга келмасимданоқ мен учун Роббим тарафидан битиб қўйилган, дегувчи етук фикрли собитларсиз. Сиз халққа ўзингиздаги рижолликни манбасини рўбарў қилинг, улар қўрққан нарсаларни анави ҳокимлар асло рўбарў қилолмаслигини уқтиринг. Азизлик, хотиржамлик фақат Аллоҳдан қўрқувчиларгагина ҳамроҳ эканини билдиринг. Шундагина бу халқ орасидан яна қайта аввалги мард ўғлонлар етишиб чиқиб, олам етакчилигини қўлга олурлар.
الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ
– “Ундай зотларга айрим кимсалар: “Қурайш одамлари сизларга қарши (саноқсиз лашкар) тўплаган, қўрқингиз!” деганларида бу гап уларнинг иймонларини зиёда қилди ва: “Бизга ёлғиз Аллоҳнинг ўзи кифоя. У зот энг яхши ишончли вакилдир!” — дедилар. Бас, у юришдан бирон нохушлик етмай Аллоҳнинг неъмат ва фазли билан қайтдилар. Улар Аллоҳнинг ризолигини истадилар. Аллоҳ эса улуғ фазлу марҳамат соҳибидир”. (Оли имрон:173-174)
Ҳизб ут-Таҳрирнинг Ўзбекистондаги матбуот бўлими аъзоси Зайниддин
25.12.2021й
