بِسْمِ اللهِ الرَّحْمنِ الرَّحِيمِ

Биз мустақилмизми ёки мустамлака?

Кўпчилигимиз бу саволни бериш ва хатто бу тўғрисида ўйлашни хожати йўқ деган тушунчадамиз. Чунки мустақиллик декларацияси қабул қилинган ва БМТ томонидан мустақил деб тан олинган давлатларни мустақил давлатлар деб биламиз. Бугун ростдан ҳам мустақилмизми? Мустақиллик қандай бўлади? Шулар тўғрисида фикрлаб кўрсак.

Биз мусулмонлар айнан мана шу масалага эътибор бермай қўйдик. Эътибор бермаслик эса, бизларни мустамлака бўлишдан сақламади, аксинча мустамлака эканлигимиз оқибатидаги хорликларни хис қила олишдан мосуво қилиб қўйди. Ва бугунги хорлик холатларини табиий равишда қабул қиладиган бўлиб қолдик. Асл ниятлари бизларни мустамлака қилиш бўлган кучлар ўзларини дўстдек кўрсатиб, худдики муаммоларимизга шерикдек, ечим излашда хамкордек тутсаларда, ўзларининг манфаатларига хизмат қиладиган ечимларни хаётимизга татбиқ қилишимиз учун мажбур бўладиган холатга олиб келишди.

Мустамлакачилар биладики мустамлакачилик сиёсатисиз уларнинг ўзлари хоҳлаганларидек яшай олишмайди. Бунга сабаб сиёсатларининг давомийлиги кафолати ва иқтисодиётларининг тараққиёти, ўзларига хос яшаш тарзлари мустамлакачилик билан чамбарчас боғланиб бўлган. Шунинг учун улар бор қувватларини айнан мана шу сиёсатга қаратадилар. Иқтисодий қарамлик, ҳукумат бошлиқларини ўз малайларига айлантириш, ҳамда фикрлашларига таъсир қилиб дунё қарашларини ўзлари хоҳлагандек шакллантириш шу сиёсат услубларидан хисобланади.

Бугунги кунда ўз халқини қўрқитув асосида ёки чалғитиш билан бошқараётган давлатларнинг ҳукуматлари ҳам айнан мустамлакачилар сиёсатига бўйсунади. Ва уларнинг режаларини амалга оширишни ўзларининг вазифалари деб биладилар. Бугун асосан етакчилар, яъни мустамлакачилар ўз мустамлакаларига ўз сақофатларини киргазишиб инсонларнинг дунё қарашларини ўзгартирадилар ва таъсир ўтказадилар. Натижада мустамлакачилар ўша ердаги инсонларнинг яшаш тарзларини ўзлари хоҳлагандек шакллантирадилар. Ва бу билан инсонларни ўзлари хоҳлагандек фикрлайдиган, яъни асосий масалаларда фиклашларига йўл қўймаслик учун иккиламчи масалалардаги фикрлар билан банд қилиб қўйишади. Мисол учун кундалик юмушлар ёки аниқроғи егулик топиш билан банд бўладиларда сиёсий фикрлашдан узоқлашиб кетадилар.

Бизлар ҳам шу сиёсат қурбонларимиз, чунки бугунги мустамлакаликни англай олмаётганимиздек мустақил эканлигимизга ҳам қуруқ гаплардан бошқа етарли далил келтира олмаймиз. Бундай бўлишига сабабчилардан биринчиси ўзимиз бўлсак, кейингиси бизларни бошқараётган ҳукуматдир. Хўш биз қандай қилиб ўз худудимизда улар хоҳлаган мухитни шакллантиришларига, яъни соддароқ айтадиган бўлсак улар хоҳлагандек яшашимизга йўл қўймоқдамиз?

Аввало “Биз мустақил давлатмиз!” дейилган баланд парвоз жумлага хеч шубхасиз ишонамиз. Асл мустақиллик қандай бўлишини билмаймиз ва хатто ўрганмаймиз, энг ачинарлиси бу тўғрисида гапирмоқчи бўлганни эшитмаймиз ҳам. Чунки бизларга таъсир кўрсатишган ва таъсир кўрсатишда давом этишмоқда, яъни ўзлари хоҳлагандек фикрларни бизларга сингдира оляптилар. Шунинг учун қўрқувларимизни ҳам бошқаришмоқда, яъни кимдан, нимадан, қандай қўрқишимизни улар хал қиладиган бўлишди. Оддий мисол бўлиши учун саволларимизга ўзингиз жавоб бериб кўринг:

Жаханнамдан кўпроқ қўрқасизми ёки ҳукумат қамоғидан? Атрофингизда “Сиёсатга аралашма”,”Деворнинг ҳам қулоғи бор” каби фикрлар тарқаганми? Сиз яшаётган жамиятда ҳукуматга қарши чиқиш осонми ёки Исломга? Хокимингиздан қилаётган ишлари тўғрисида хисоб сўрай оласизми?

Ҳукумат билан боғлиқ жихатларга келсак, ҳукуматимиз хаётимиздаги муаммоларга мустамлакачилар берган ечимларни татбиқ қилишмоқда. Ҳукуматдагилар бизларни улар хоҳлагандек бошқаришмоқда. Мустақил бўлишимиз учун яшаш тарзимиздаги муаммолар ечимини кимларнингдир таъсири остида эмас, ўзимиз белгилай олишимиз керак бўлади. Биз сиёсат, жамиятдаги холатлар тўғрисида, энг муҳими бугунги муаммоларимизга тўғри ечим қандай бўлиши кераклиги ва бизларга татбиқ қилинаётган қонунлар ёки яшаш тарзимизнинг хатолари тўғрисида доимо фикр юритишимиз керак. Айнан мана шулар тўғрисида фикр юритмаслигимизни мустамлакачилар хоҳлашади. Чунки булар тўғрисида фикр юритмасак хаёт ишларида ўз муаммоларимизга ечим топишда ортда қолиш тугул хатто булар борасида изланишни ҳам унутамиз ва уларнинг бизга берган ечимларини тўғри ёки нотўғри эканлигини ҳам текшира олмай хаётимизга татбиқ қилаверамиз.

Биз Аллоҳга итоат қиладиган, Пайғамбар соллаллоҳу алайҳи васалламга эргашадиган мусулмонлармиз. Биз барча соҳада етакчи бўлишга лойиқмиз ва бунга ҳаракат қилишга мажбурмиз. Чунки амал қилсак умматларнинг энг яхшиси ҳамда азизи бўлишимизга сабаб бўладиган Исломий шариатимиз бор.

Ҳизб ут-Таҳрирнинг Ўзбекистондаги медиа офиси Абдуллоҳ

23.02.2014й.