بسم الله الرحمن الرحيم

Роя газетаси:

Вашингтон: Мисрда кечаётган ишларни кузатиб боряпмиз

Ал-Жазира нетнинг 2016 йил 16 аперал куни берган хабарига кўра, Қўшма Штатлар Мисрда президент Абдулфаттоҳ Сисий сиёсатларига қарши норозилик намойишлари бошланиши ортидан у ердаги бўлаётган воқеалар жараёнини яқиндан кузатиб бормоқда. Оқ уй маъмурияти матбуот воизи жума куни Вашингтон билан Қоҳира ўртасида хавфсизлик муносабатларини мустаҳкамлаш муҳимлигини таъкидлар экан, Мисрда инсон ҳуқуқларининг пасайиши қаршисидаги Америка позициясини алоҳида урғулади.

Американинг айни изоҳлари Миср хавфсизлик кучлари оёққа туриб, бир неча районларда бошланган намойишларни бостириш ва намойишчиларни қамоққа олишга киришган бир пайтда янгради. Миср хавфсизлик кучлари Қоҳира, Александирия ва бошқа шаҳарларда кўчага чиққан намойишчилардан ўнлабини қамоққа олди. Бу норозилик намойишларида мухолафат баланд овози билан президент Сисий режими қўллаётган сиёсатларга қарши ҳайқириқлар қилган эди.

Роя газетасининг 2016 йил 20 апрел чоршанба кунги 74-сонидан