Қазориф хавфсизлик хизмати Ҳизб ут-Таҳрир аъзоларидан бирини ҳибсга олди
Матбуот баёноти
Қазориф хавфсизлик хизмати Ҳизб ут-Таҳрир аъзоларидан бирини ҳибсга олди
Ҳижрий 1446 йил 25 рабиуссоний, милодий 2024 йил 28 октябр душанба куни Қазориф шаҳри хавфсизлик хизмати Ҳизб ут-Таҳрир аъзоси биродаримиз Майсара Яҳё Муҳаммаднурни хавфсизлик идорасига чиқариб, сўнг қамаб қўйди. Бу биродаримиз ушбу баёнот ёзилгунга қадар ҳам ҳамон ҳибсда қолмоқда! Яҳё Муҳаммаднур хавфсизлик хизматига чақирилишидан олдин Ҳизб томонидан ҳижрий 1446 йил 20 робиуссоний, милодий 2024 йил 23 октябр чоршанба куни нашр қилинган «Биродаримиз Мунавварнинг ҳибсга олиниши Судандаги бемаъни урушнинг моҳиятини ўзгартирмайди» сарлавҳали баёнотни тарқатган эди. Баёнотда бундай сўзлар келган:
«Хавфсизлик хизматининг бу қилмишидан кўриниб турибдики, Судан режими аввалги адолатсиз ва золим режимнинг давомчиси бўлиб, уларнинг қилмишларидан сабоқ чиқармади. Дарҳақиқат, собиқ режимдагилар ҳам Ҳизб ут-Таҳрир аъзоларига босим қилиш, қамоққа олиш ва қийноққа солиш билан шуғулланишган эди. Аммо бу нарса Ҳизб аъзоларининг ўзлари очиқ айтаётган ҳақиқатга бўлган иймонларини янада зиёда қилиб, ҳукмдорларнинг мустамлакачи кофир Ғарбга малай эканликларини фош этган ҳамда Умматнинг мустамлакачиликдан қутулишга муҳтожлигини очиб берган. Умматнинг мустамлакачиликдан қутулиши эса Ислом тузумини татбиқ қилиш ва уни оламга олиб чиқишнинг шаръий тариқати бўлмиш Пайғамбарлик минҳожи асосидаги Халифаликни барпо этиш билангина амалга ошади. Бундан кейин ҳам Ҳизб ва унинг аъзолари мустамлакачилар ва уларнинг мамлакат ичкарисидаги хоин, адаштирувчи ва алданган малайлари қаршисида улуғвор қоя каби туражак. Эртага – Аллоҳнинг изни ила – ниқоблар тушиб, пардалар очилиб, одамлар девор ортидаги нарсаларни пешин пайтида порлаётган қуёш каби аниқ кўрадилар. Ана шунда одамлар – қани энди ўзимизга қарши тўқилган шунча макрни англаб етганимизда бундай хорловчи азоб-уқубатда қолиб кетмаган бўлардик, дейдилар!
Ҳизб ҳамиша ҳақни баралла айтишда давом этади, токи, сиз ҳукмдорлар эс-ҳушингизни йиғиб, Роббингизга тавба қиласиз ёки асрлар давомида золимлар бошига тушган нарса сизга ҳам тушади».
Биз Ҳизб ут-Таҳрир – Судан вилояти аъзолари шуни қайта таъкидлаймизки, Суданда кетаётган уруш эски-янги икки мустамлакачи давлатлар, яъни АҚШ билан Британия ўртасидаги кураш бўлиб, армия қўмондонлари билан Тезкор қўллаб-қўвватлаш кучлари қўмондонларининг барчаси Американинг малайларидир. Озодлик ва Ўзгариш кучлари (ҳозирда Мувофиқлаштириш қўмитаси), шунингдек, айрим қуролли ҳаракатлар Британиянинг малайидир. Бу ҳақиқатни қамоққа олишлар ҳам, овозларни бўғишга уринишлар ҳам асло ўзгартира олмайди.
Аслида, уларнинг барчаси тавба қилиб, Аллоҳга қайтмоқлари, Унинг шариати билан ҳукм юритмоқлари ҳамда экинзору наслларни қуритаётган урушни тўхтатмоқлари керак. Биродаримиз Майсара Яҳё фақат пайғамбарлар ва Аллоҳнинг солиҳ авлиёлари зиммасига олган улуғ вазифани адо этмоқда, яъни Росулуллоҳ ﷺнинг
«مَنْ كَتَمَ عِلْماً عِنْدَهُ أَلْجَمَهُ اللهُ يَوْمَ الْقِيَامَةِ بِلِجَامٍ مِنْ نَارٍ»
«Ким ўзидаги илмни яширса, Аллоҳ уни қиёмат куни дўзах олови билан юганлаб қўяди», деган ҳадисларига ҳамда «Ҳақни яширган соқов шайтондир», деган сўзга амал қилмоқда. Аллоҳ унга ажри азим бериб, асирликдан қутқарсин.
Биз хавфсизлик хизматига Майсара Яҳёни қўйиб юборинг ва золимлардан ёки золимларга ёрдам берганлардан бўлманг, деймиз. Аллоҳ Субҳанаҳу ва Таоло бундай демоқда:
﴿وَلَا تَرۡكَنُوٓاْ إِلَى ٱلَّذِينَ ظَلَمُواْ فَتَمَسَّكُمُ ٱلنَّارُ وَمَا لَكُم مِّن دُونِ ٱللَّهِ مِنۡ أَوۡلِيَآءَ ثُمَّ لَا تُنصَرُونَ﴾
«Зулм йўлини тутган кимсаларга берилиб кетманглар (эргашманглар). Акс ҳолда сизларга дўзах ўти етар. Сизлар учун Аллоҳдан ўзга бирон дўст йўқдир. Кейин (яъни золимларга эргашсангиз) сизларга ёрдам берилмас» [Ҳуд 113]
Иброҳим Усмон (Абу Халил)
Ҳизб ут-Таҳрирнинг Судан вилоятидаги расмий нотиғи
