بِسْمِ اللهِ الرَّحْمنِ الرَّحِيمِ 

Матбуот баёноти

Ўз тақдирини ўзи белгилаш дастаги билан юртни бўлиш шаръан ҳаромдир

Барзоний ўз парламенти ҳимоясида душманлар режаларини ижро этмоқда

2017 йил 15 сентябр жума куни Курдистон вилояти парламенти бўлиниб чиқиш ва Шимолий Ироқда – ўз тақдирини ўзи белгилаш дастаги остида – курдлар давлатини барпо этишга оид референдум ўтказилишини маъқуллади!! Бу Барзонийнинг референдум ўтказиш чақириқларига ҳамда унинг халқаро ва регионал позиция оқибатидан кўз юмиб, 2017 йил 25 сентябрга белгиланган референдумни ўз вақтида ўтказишга қилган таъкидларига жавобан амалга оширилди. Маълумки, референдумга нисбатан халқаро ва регионал давлатлар – референдум натижалари ижобий бўлган тақдирда ҳам бугун унга таяниш мумкин эмас, деган позицияда туришибди. Чунки Барзоний ўзининг референдум ўтказиш мақсадини ошкор этган биринчи кунданоқ АҚШ унга қарши чиқди ва ўзининг махсус вакили Бретт Мак-Гурк тилидан «Ҳозирги вақтда референдум ўтказиш, минтақа барқарорлигига зарар етказади» деди. (АФП, 2017 йил 6 август). Кейин 2017 йил 11 августда АҚШ ташқи ишлар вазири Рекс Тиллерсон Барзоний билан телефон суҳбати ўтказиб, унга Вашингтоннинг референдумни кечиктиришни истаётганини маълум қилди. Бу халқаро позиция. Регионал позицияга келадиган бўлсак, Барзонийнинг ишончи комилки, курдлар давлати эълон қилиниши, ҳеч қачон Курдистон вилояти чегараларининг ўзига чекланиб қолмайди. Балки янги давлат ўз-ўзидан курдлар ҳаракатининг қаттиқ аланга олишини келтириб чиқаради, бу эса АҚШ ва унинг Туркия, Эрон ва Суриядаги малайларига қақшатқич зарба бўлиб тушади, ўз навбатида, ўйин карталари аралаш-қуралаш бўлиб кетади, ҳамма ҳаракатлар назорати, айниқса, курдлар минтақаси назоратдан чиқиб кетади, бу юқорида айтганимиздек, уларга нафақат маънавий ва сиёсий, ҳатто моддий зарар келтиради. Шунга кўра, Барзонийнинг мустақил давлат тузишга оид референдум ўтказиш қарори, душманларимиз фойдасига хизмат қилади ва бу минтақа устидаги халқаро кураш туркумига киради. Аммо бу минтақада бўлиниш, низо ва ички жангларга эшик очади, курдларни сиёсий ва иқтисодий зиёнлар бўрони ўз домига тортиб, бошқа мусулмон биродарлари билан бирлашган ҳолда яшашдан маҳрум этади, Курдистон заминини мустамлакачилар томорқасига айлантириб, уларга Аллоҳ инъом этган бойликларини талон-тарож қилишларига йўл очади, курдлар ерларида очкўз давлатларнинг аэродромлари ва ҳарбий базаларининг қурилишига олиб келади.

Ироқ мустамлакачи кучлар босиб олган давлатдир. Босқинчилик сабабли, у ўз мустақиллигини, суверенитетини йўқотди, қарорини ўзи чиқаролмай қолди… Ироқ мусулмонларининг ақидасига зид ақидага ва ҳаёт ҳақидаги қарашларига зид қарашга эга ажнабий бир босқинчи, қарор эгаси бўлиб олди… Айнан шу босқинчи бошқарув кенгашини тайин қилиб, унга фақат ажнабийлар манфаатига ва ўз нафс-ҳаволарига хизмат қилувчи аъзоларни танлаб қўйди. Ироқ аҳлининг барчаси уларга ишонмайдилар, аксинча, бизга четдан дўст бўлиб, мансуб бўлиб олган ётлар, деб ҳисоблайдилар… Уларнинг қарорлари мана шу мустамлакачи кучлар қўлига ўтган. Шуниси қалбларни ўртаб юборадики, миллатчилик, мазҳабпарастлик ва ирқчилик босими остига тушиб қолган баъзи ироқлик мусулмонлар иттифоқ ёки федерал бошқарув ё ўз тақдирини ўзи белгилаш каби ниқоблар остида олиб борилаётган бўлиб ташлаш фаолиятига қўшилиб қолишди. Албатта, бу айни давлатчаларни бир-биридан заиф сохта мустақил давлатларга айланишга замин яратади, уларни янгича мустамлакачилик оловида жизғинак қилади. Бу воқеалар узоқ даврлар Халифалик пойтахти бўлган рофидинлар ўлкасида бўлмоқда. Моғуллар ва татарлар ҳужумларини қайтарган, Қуддусни салибчилардан озод этган буюк мусулмон лашкарбошиларни етиштириб чиқарган юртда содир бўлмоқда. Ҳа, у даврларда ҳеч бир мусулмон «мен арабман» ёки «мен курдман», демасди, «мен мусулмонман», деб, ашҳаду алла илаҳа иллаллоҳ ва ашҳаду анна Муҳаммадар Росулуллоҳ, дея гувоҳлик берарди. Бироқ мусулмонлар орасига ирқчилик, миллатчилик ва манфур мазҳабпарастлик сизиб киргач эса, инсонлар бўлиниб-бўлиниб кетдилар, бир-бирлари билан қирпичоқ бўлдилар… шу бўлинишларни яратган мустамлакачи кофир уларнинг юртидан ғолиб чиқиб, устларидан ҳукмрон бўлиб, ўзининг буйруғи асосида бошқарадиган раҳбарни уларнинг елкаларига миндириб қўйди.

Бундай позициялар қаршисида биз қуйидаги ҳақиқатларни очиқлаймиз:

1 –Юқорида зикр қилганимиз бундай халқаро ва регионал қаршилик остида референдум ўтказиш Барзонийнинг қўлидан келмайди. Бунинг учун бирор йирик давлат унинг ортида туриб, қувватлаб туриши лозим. Аниқки, бу Британия бўлиши мумкин. Чунки Барзоний оиласи усмонийлар давлати охирларидан бошлаб шу давлатга боғланган. Британия ҳам айни референдумни қўллаб-қувватловчи позицияда турибди ва бунга далил, унинг элчиси Франк Бейкер 2017 йил 24 октябрда вилоят раҳбари билан учрашуви чоғида референдумни ёқлаш ҳақида гапирди. Сўнг вилоят ташқи алоқалар бўйича масъул Фалоҳ Мустафо «Британия референдум ўтказишимизга ҳам, курдлар истагига ҳам қарши эмас», деди. Бу сўзлар Британиянинг Ўрта Шарқ ва Шимолий Африка масалалари бўйича вазири Алистер Бертнинг жорий йил апрел ойида курд масъуллари билан учрашганидан сўнг янгради. («Kurdistan 24» 2017 йил 5 сентябр).

2 –Барзонийнинг ўз мухолифлари талабига қулоқ солмай, референдум ўтказишга оёқ тираб туриб олиши оиласи ва партиясининг қудратда қолиш каби мақсадлари билан боғлиқ. Зотан, мухолифлари унинг президентлик муддати қонунан ниҳоясига етмай туриб, ҳокимиятни бўшатиб қўйишни ва маъмурияти коррупциясини очиқлаб беришни талаб қилишди. Илгарироқ ундан марказий ҳукуматдан олинган маблағни қайси йўналишларга сарфлагани ҳақида ҳисобот талаб қилишганди, аммо буларнинг бирортасига у жавоб қилгани йўқ. Барзоний Британия малайларидан бири. У ҳозирда партияси ва оиласи билан бирга жуда ёмон вазиятда қолган. Чунки ҳамма одамлар уларнинг зулмлари, зўравонлиги ва молу мансабга ўчлигидан шикоят қилмоқдалар. Бундан ташқари, заиф бўлмаган мухолафат ҳам бор. Шу боис Барзоний ўзи ва тарафдорларини бундай вазиятдан қутқаришга ҳамда тарихда Курдистон давлати бунёдчиси, деган ном қолдиришга уриняпти. Бир вақтнинг ўзида, қилаётган ишлари ҳам, АҚШ лойиҳалари ва режаларини бузишга уринаётган инглизлар ишларидан иборат. Яъни шу нарса кўп ҳолларда Американинг Ироқни уч вилоятга (курдлар, шиалар ва суннийлар вилоятига) бўлиб ташлаш режасини барбод этмоқда. Барзонийнинг мустақилликка бўлган даъватлари, одамларни федерал бошқарувдан нафратлантириб, бундай бошқарув бўлинишимизга сабаб бўлади, вазиятимизни юмшатмайди, муаммоларимизни ҳал этмайди, деб ҳисоблашларига олиб келмоқда ва бу ҳақиқатдан ҳам шундай.

3 –Мусулмонлар тарихлари мобайнида федерал, иттифоқ бошқаруви нима эканини билмаганлар, балки бирдан-бир Ислом давлати бўлган. Бу давлат иттифоққа эмас, бирлик бошқарувига асосланган, идора-маъмуриятдаги марказлашишга эмас, ҳукм юритишдаги марказлашишга бино бўлган. Ислом давлати сарҳадларининг географик кенгайиши, Ғарбдан Испаниядан бошлаб, то Шарқдан Хитой чегараларигача чўзилиб, битта халифага бўйсунган, ўз валютасига эга бўлган. Волийлар (вилоят раҳбарлари)ни тайинлаш ва ишдан олиш ҳам, армияларни сафарбар қилиш ҳам, фатҳларни олиб бориш ҳам, подшоҳлар ва давлат раҳбарларига элчи юбориш ҳам, уларни қабул қилиш ҳам фақат халифа қўлида бўлган. Чунки мусулмонлар ҳақ-ҳуқуқига оид шаръий ҳукм бўйича, битта халифа сайлаш ва унинг амрига итоат этиш уларга фарздир, унинг амри зоҳирда ҳам, ботинда ҳам нуфузли-ўтувчидир. Айнан халифа шаръий аҳкомларни табанний қилади, натижада улар нуфузли қонунларга айланади. Ислом давлатининг расмий тили араб тили бўлган. Чунки бу Қуръон тили бўлиб, Исломни тушуниш воситасидир. Зотан, шаръий ижтиҳод ҳам фақат араб тили билан бўлади. Мусулмонлар буни жуда хурсандчилик билан қабул қилганлар, шаръий илмда ва араб тилида улар орасидан форс, турк, курд, мўғул миллатларга мансуб минглаб уламолар етишиб чиққан. Бу уламолардан эса халифалар, амиру султонлар, ҳарбий саркардалар бўлган. Албатта буларнинг бари то мустамлакачи кофир мусулмонлар бирлигини парчалагунга қадар давом этди. Мустамлакачи улар ўртасини саводсизлар, деган даъволар билан ҳамда бадбўй миллатчиликка чақириш билан бўлиб ташлади. Зеро, миллатчиликдан Росулуллоҳ САВ бизни «уни тарк этинг, чунки у бадбўйдир», деганлар.

Ислом мусулмонлар заминидан бир қаричини бўлса ҳам бўлишни ҳаром қилади ва буни содир этган ёки бунга чақирган кимсани жазолашга буюради. Унинг регионаллик ёки федераллик ёхуд ўз тақдирини ўзи белгилашга чақираётган кимса бўлишининг фарқи йўқ. Шунингдек, миллат ёки мазҳабга қараб бўлаётган кимса бўлишининг ҳам эътибори йўқ. Бунга далил Росулуллоҳ САВнинг

«فمَن أرادَ أنْ يُفرِّقَ أمرَ هذهِ الأمَّةِ وهيَ جَميعٌ فاضرِبُوه بالسَّيفِ كائِناً مَن كان»

«Кимда-ким ушбу бир бутун бўлган Уммат ишини бўлишни истаса, ким бўлишидан қатъий назар, уни қиличдан ўтказинглар», деган сўзларидир. (Имом Муслим ривояти). Чунки ушбу бирликка қарши чиққан кимсани ҳар қандай восита билан бўлмасин, албатта тўхтатиб қолиш керак. Чунки бу нарса хавфсизликни бузади, мусулмонларга зарар келтиради. Агар у айни қилмишидан тўхтамаса, у ҳолда, унга қарши жанг қилинади. Йўқ, агар у бундан бошқа йўл тутса, унга нисбатан ёмонлигини ва озорини тийиб қўйиш услуби қўлланади. Булар бизга  Исломда мусулмонлар калимаси ва сафлари бирлиги, барқарорликлари не чоғли қаттиқ аҳамиятли эканини кўрсатмоқда. Демак, Ислом федерал (иттифоқ) бошқарувини қатъан ҳаром қилган. Чунки бундай бошқарув давлатнинг автоном ва алоҳида қонунлари бўлган вилоятларга бўлинишига асосланади. Гарчи федерал бошқарув умумий ҳукмдаги бирлик бўлса-да, бироқ воқеда у аксар ишларида мустақил бўлиб, марказий ҳокимиятга бўйсунмайди, фақат баъзи масалаларда бўйсунади, холос. Бу эса ҳаром қилинган бўлинишдир. Чунки бу нарса давлатни давлатчаларга ва заиф бирлиқларга бўлиб ташлаш сари ташланган биринчи қадам бўлиб, душман бундай давлат билан умуман ҳисоблашмайди, унинг вазни-нуфузини ҳам менсимайди… Худди Барзоний талаб қилаётган давлатча каби… У – бирга яшаш амри маҳол, ўз тақдиримизни ўзимиз белгилашимиз керак, деган иддиолар билан, Курдистон вилоятини мустақил давлат қилишни талаб қилмоқда.

4 –Ишончимиз комил, Курдистондаги мусулмон халқ, ҳамон Исломнинг соф ақидасига эга. Бу ақида кофир мустамлакачиларнинг исломий юртлар бирлигини бўлиб ташлашига ёрдам беришдан ҳам, араб ва туркман биродарларини ёмон кўришдан ҳам пок ақидадир. Чунки Аллоҳ Таоло барчаларининг қалбларини улфат қилиб, бутун исломий тарих мобайнида битта Умматга айлантирди:

إِنَّمَا الْمُؤْمِنُونَ إِخْوَةٌ

«Албатта мўминлар ака-укадирлар»  [Ҳужурот 10]

Нега ҳам шундай бўлмасин, курдлар Салоҳиддин Айюбийнинг авлодларику, ахир! Салоҳиддин муборак Ақсо масжидини нажас салибчилардан озод этган ҳамда Ислом диёри яхлитлигини ҳимоя қилган. Биз сизларни бу бузғунчилар сиёсатига қўшилмасликка ва 25 сентябрда ўтказилажак референдумни бойкот қилишга чақирамиз. Зотан, у манфур босқинчилар етиштирган ифлос «мева»лардан бири, хоссатан Ироққа ва бутун мусулмонларга қарши тўқилган энг ёмон фитна тўрларидан биридир. Чунки сизнинг тақдирингиз, араб ва туркман мусулмон биродарларингиз билан бирга хўжайинлик шариатники, ҳокимият Умматники бўлган битта давлатда бирлашишингиз билан боғлиқ тақдирдир. Шунингдек, Росулуллоҳ САВ сизларни

«كَالْبُنْيَانِ يَشُدُّ بَعْضُهُ بَعْضًا»

«Бир-бирларини суяб турувчи туташ бинолар каби», дея сифатлагенидек, душманларингиз режалари ва мустамлакачилик лойиҳаларига қарши бир мушт бўлишингиз билан ҳам боғлиқ тақдир. Бу мустамлакачи кофир завол топади, эртами, кечми албатта йўқ бўлмай қолмайди, ер юзининг шарқию ғарбидаги Ислом Уммати эса, мустамлакачилик олови, қонунлари ва зўравонлигидан қутулишга ошуфта бўлиб турибди. Зеро, Уммат бўлиб ташланган бўлиб, унинг дахлсизлиги душманларга ҳалол қилиб берилган. Яқинда Пайғамбарлик минҳожи асосидаги рошид Халифалик давлати эълон этилиб, зулму тоғут соя солган Ер юзини ўз нури билан тўлдиради.

Эй курд мусулмонлар!

Ҳақ қаерда бўлса ҳам, унга амал қилинг, ғоянгиз Аллоҳ бўлсин, талабингиз шариат татбиқ этилиши ва Аллоҳ нозил қилган ҳукм билан бошқарилиш бўлсин. Шайтоннинг қасдини ўзингиздан йироқ қилинг ва макрини ўзининг бўғзига қайтариб уринг. Сиз баланд овоз билан – ҳукм-бошқарув фақат Аллоҳники, йўқолсин миллатчилик, йўқолсин федераллик, йўқолсин мазҳабпарастлик, йўқолсин ўз тақдирини ўзи белгилаш, деган нарса, дея ҳайқиринг. Ҳа, ҳукм Аллоҳникидир, Аллоҳ нозил қилган аҳкомлар билан ҳукм юритувчиникидир, унинг шиа ё сунний бўлишининг, курд ё араб ёки туркман… бўлишининг фарқи йўқ.

وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ 

«Аллоҳ Ўзига ёрдам берадиган зотларга албатта нусрат берур, шубҳасиз, Аллоҳ албатта кучли, қудратлидир»   [Ҳаж 40]

Ҳизб ут-Таҳрирнинг Ироқдаги матбуот бўлими

Электрон почта: huti53@yahoo.com