Матбуот баёноти

Агар ташқи сиёсат душман билан дўстлашиш бўлса, душман олқиш билан кутиб олинади!

Хитойга қарашли икки ҳарбий кеманинг Пинанг вилоятига келиши ҳукумат сиёсати ва ташқи алоқалари ҳақида доимий савол ва танқидларни келтириб чиқарди. Вазият ҳали сокинлашмасдан туриб, Малайзия айни шу вилоятда Россия ҳарбий кемасига мезбонлик қилди. 5 октябр куни Хитой халқ озодлик армиясининг 83-чи ишчи гуруҳининг «Qi Jiguang» ўқув кемаси билан «Jiangshan» кемасининг Малайзияга келиши турли баҳс-мунозараларни ва жамоатчиликда кўплаб саволларни келтириб чиқарди. Ҳукуматнинг айни масалага жавоб беришда кечикканлиги ва айрим вазирлар томонидан берилган баёнотлар жамоатчилик хавотирларини пасайтира олмади, аксинча, бу мавзуга бўлган қизиқишни янада кучайтирди. Кўплаб вазирлар кемаларнинг келишини Хитой билан Малайзия ўртасидаги дипломатик муносабатларнинг 50 йиллигини нишонлаш учун келганлиги билан изоҳлашди. Бунинг акси ўлароқ, Пинанг вилояти ҳокимлиги бу икки кеманинг Бангладешда Ҳинд океанида машғулот бошлашдан олдин Малайзияга тўхтаганини маълум қилди.

Ҳукумат Хитой ҳарбий кемалари расмий каналлар орқали розилик билан турганини таъкидлади, бироқ саволлар ҳамон тўхтамаслиги табиий. Мисол учун, дипломатик муносабатларнинг 50 йиллигини нишонлаш нима учун Малайзия-Хитой ўртасида бўлиши керак?! Таълим вазири бу Хитой армиясининг ташрифи эмас, балки Хитой денгиз университетининг 165 нафар талаба ва профессор-ўқитувчилари иштирокидаги ташриф эканини айтди. Хўш, келганлар нега хусусий Хитой мактабига келишди? Улар  Малайзия миллий мудофаа университети каби қулайроқ илмий муассасага келишлари керак эмасмиди? Ҳисоботдаги маълумотларга кўра, ҳарбий кемаларда мингдан ортиқ хизматчи бўлган. Бу курсант бўлмаганларнинг шахси ҳақида турли тахминларга сабаб бўлди. Бу одамларнинг Хитой халқ озодлик армиясида хизмат қилувчи ходимлар бўлиши мумкинлиги тахмин қилинмоқда. Бу саволлар ва хавотирларнинг барчаси ўринли. Ҳукумат бу саволларнинг барчасига шаффоф тарзда мантиқий жавоб бериши лозим. Чунки одамлар – Хитой билан Малайзия ўртасидаги дипломатик муносабатларнинг 50 йиллигини нишонлаш тўғри бўлганми ёки нотўғри бўлганми, шуни аниқлашга интилмоқда!

Ташқи ишлар ва мудофаа вазирлари хорижий кемаларнинг Малайзияга «тўхтаб ўтиш порти» сифатида қўнишлари оддий тартиб эканини тушунтирди. Шунингдек, Малайзия билан хорижий давлатлар ўртасидаги дипломатик алоқалар натижасида турли юртларнинг кўплаб ҳарбий кемаларига бу ерга қўнишга рухсат берилганини таъкидлашди. Ҳукумат бу ташрифлар ва бундай кемалар келтириб чиқарадиган салбий оқибатларни минималлаштиришга ҳаракат қилса-да, Ислом нуқтаи назаридан бу масала катта аҳамиятга эга. Исломга кўра, бошқа давлатлар, айниқса, Исломга душман бўлган давлатлар билан муносабатларимиз нафақат донолик ва ҳушёрлик тамойилларига асосланиши, балки шариатнинг ташқи сиёсатга тааллуқли аҳкомларига мос келиши керак. Малайзия ҳукуматига шуни эслатиб қўймоқчимизки, Ислом амалда уруш ҳолатидаги давлатлар билан ҳеч бир шаклда алоқа қилишга йўл қўймайди ҳамда уларнинг фуқароларига ҳеч бир шаклда юртимизга киришларига изн бермайди. Ҳукмда уруш ҳолатида бўлган давлатларга келсак, улар масаласида эҳтиёт бўлишимиз, яъни улар билан дипломатик алоқаларни мутлақо олиб бормаслигимиз керак. Айтиш жоизки, Хитой ва Россия ҳукмда уруш ҳолатидаги давлатлар қаторига киради. Иккаласи ҳам мусулмон юртларини назорат қилиш истакларини очиқдан-очиқ намойиш қилишяпти. Ушбу давлатлар вакилларига ва фуқароларига бизнинг Ислом давлати ҳудудига киришлари (виза ва паспорт билан) рухсат берилса-да, бироқ бу давлатлар билан дипломатик алоқалар ўрнатиш ҳаром ҳукмида қолади.

Хитой ўнлаб йиллардан бери уйғур мусулмонларига қарши зулм ва репрессия содир этиб келаётганига қарамай, афсуски, Малайзия ҳамон у билан (Россия билан ҳам) дипломатик алоқаларини давом эттириб келмоқда. Дипломатик муносабатлардан ташқари, Малайзиянинг Хитой билан ўрнатган кучли савдо алоқалари Хитойни Малайзиянинг энг йирик савдо шеригига айлантирди. Бу эса Малайзиянинг Хитойга нисбатан ташқи сиёсатини, яъни мусулмонларга душман бир давлат билан муносабатларни мустаҳкамлаётганини акс эттиради. Малайзия Россия, Ҳиндистон, Америка ва бошқа уруш ҳолатидаги давлатларга нисбатан ҳам – уларнинг Исломга очиқ душманликларига қарамай – худди шундай ташқи сиёсат олиб бормоқда. Бошқа капиталистик юртлар сингари, Малайзиянинг халқаро муносабатлари биринчи навбатда иқтисодий манфаатларга асосланган. Яқинда бош вазир Анвар Иброҳим Малайзиянинг Ғарбу Шарқдаги барча йирик давлатлар билан дўст эканидан фахрланишини билдириб, юртнинг бу борадаги ютуқларини алоҳида таъкидлади. Шунинг учун ҳукуматнинг Хитой ҳарбий кемаларига Малайзия қирғоқларида туришига рухсат бераётгани, ҳатто уларни илиқ кутиб олаётгани ажабланарли ҳол эмас!

Ушбу ҳодисага биноан, демак, ҳукуматнинг айни масаладаги хатти-ҳаракатига нисбатан кенг жамоатчилик ўз танқидларини билдираётганлиги табиий. Чунки уларда Малайзияга бўлган ажнабий давлатлар аралашувидан қўрқув ва хавотирланиш мавжуд. Лекин биз мусулмонлар сифатида шуни тушунмоғимиз лозимки, масала Хитой ҳарбий кемаларининг мавжудлиги ёки келиши масаласи билан чекланмаяпти, балки Малайзия билан Хитой ўртасида узоқ йиллик дипломатик алоқаларни ҳам ўз ичига олмоқда. Хитой эса Малайзия бошданоқ муомала қилмаслиги керак бўлган уруш ҳолатидаги давлатдир. Биз бу каби давлатларнинг турли йўллар билан юртимиз устидан назорат ўрнатиш ниятида эканидан огоҳ турмоғимиз даркор. Бошқа томондан, хитойлик талабалар гуруҳининг мамлакатимиздаги таълим муассасаларига келиши ўтмишда Исломий давлатни заифлаштириш учун қўлланилган таълим орқали сизиб кириш стратегиясини ёдга солади. Миссионерлар бу стратегиядан фойдаланиб, Ислом оламида катта таъсирни қўлга киритганлари маълум. Шу сабабли, бундай ташрифлар асосидаги ҳақиқий мақсадларни тушуниш учун чуқур текширув талаб этилади. Биз юртимизни уни назорат қилишга уринаётган душманлар олдида заиф ҳолатга тушириб қўйган ва айни вақтда шариатга зид бўлган ташқи сиёсатидан ҳукуматни воз кечишга чақирамиз. Шу билан бирга, Ислом Умматини бу ҳақда қуйидагича огоҳлантирмоқчимиз: шаръий аҳкомлардан кўз юмаётган бундай ҳукумат заррача фойда келтира олмайди ва энди мамлакатни бошқаришга лойиқ эмас. Мудом, у Малайзияни бошқаришда шаръий аҳкомлардан кўз юмишда давом этар экан, юртимиз, заиф, шон-шавкати йўқ в Аллоҳ Субҳанаҳу ва Таоло раҳматидан йироқ бўлиб қолаверади.

Эй мусулмонлар!

Унутманг, Ҳизб ут-Таҳрир пайғамбарлик минҳожи асосидаги рошид Халифаликни барпо этиш учун дунё бўйлаб 1953 йилдан бери фаолият қилиб келмоқда. Ислом ақидасига асосланган ушбу рошид Халифаликда душман билан муомала қилишда – Аллоҳнинг изни ила – уларга ён босиш ва таъзим қилиш деган нарса бўлмайди. У Исломни даъват ва жиҳод орқали оламга ёйиш учун Исломдаги ташқи сиёсатни қайта татбиқ этади ва яна мислсиз супер куч сифатида майдонга чиқади.

Абдулҳаким Усмон

Ҳизб ут-Таҳрирнинг Малайзиядаги расмий нотиғи