Бир-бирингизга қарши урушиш кофир Ғарб режасидир, бу қопқонга тушиб қолманг
بِسْمِ اللهِ الرَّحْمنِ الرَّحِيمِ
Бир-бирингизга қарши урушиш кофир Ғарб режасидир, бу қопқонга тушиб қолманг
Буюк исломий лойиҳа, яъни Пайғамбарлик минҳожи асосидаги рошид Халифалик лойиҳасига мувофиқ Ғарб режасига қарши курашинг
Сўнгги пайтларда Суриянинг озод қилинган шимолий районларида масалан, Жисрус Шуғур, Идлиб ва Ариҳа каби шаҳарларда жангчи гуруҳларнинг кўпчилиги ўртасида – қисман бўлса ҳам – ўзаро бирлашиш кузатилди. Бу эса қўзғолон оқимига салмоқли таъсир кўрсатди, жиноятчи режим қалъаларини яксон қилди, Водий Зойф ҳарбий лагери, Қармид, Мастума устидан назорат ўрнатилди. Буларнинг ҳаммаси гуруҳлар маънавиятини кўтарди, режимнинг айби ва заифлигини фош этди, ҳамма диққатни Дамашққа қаратиб қўйди.
Бу гуруҳлар Ҳалаб шаҳрини тўла озод этиш учун ҳарбий тайёргарлик кўраётган бир пайтда, одамлар орасида «Асад ва Ибодий тўдалари Асадга Тадмор ва Рамадини ҳадя қилибди», деган гап тарқатилиши ортидан, кутилмаганда «Ислом Давлати» ташкилоти Ҳалабнинг шимолий қисмидаги қишлоқларга ҳужум қилиб, ҳаммани эсанкиратиб қўйди! Бу эса аксар ҳарбий гуруҳларнинг режимга қарши амалиётларини тўхтатиб, «Исломий Давлат» ривожига тўсиқ қўйиш, ҳаракатига зарба бериш учун асосий диққатларини шу ташкилотга қаратиб қўйди. Гуруҳлар Асадга қарши ҳарбий амалиётларни давом эттиришдан чалғиб, «Исломий Давлат» жойлашган шимолий қисмга эътибор берадиган бўлиб қолдилар. Ҳолбуки, улар Асадга қарши ҳарбий амалиётлари билан унинг назорати остидаги аксар минтақаларни озод этишлари мумкин эди.
Шу ерда бу ҳодисанинг сиёсий томонлари кўзга ташланди… Чунки турли жангари гуруҳлар душман режимга оғир талофат етказишни давом эттираётган бир пайтда Давлат Ташкилоти уларни мақсадидан буриб юборди ва яна қайта ички курашлар майдонига тортди. Яъни, энди битиб келаётган яра яна қўзғалди ва Шом заминида исломий қон тўкила бошлади. Чунки мусулмонлар жиноятчи режимни қўйиб бир-бирларининг қонини тўкмоқда. Бу билан жиноятчи режим эркин нафас олиб сочилиб кетган кучларини бирлаштирмоқда, издан чиққан ҳимоясини кучайтирмоқда. Шунингдек у қарши ҳужумга ўтиш, кураш бораётган минтақаларнинг янги ҳудудини белгилаш ҳамда уни қулатиш ҳақида ўйлаётганлар олдига янги тўсиқларни қўйиш учун аралашиб кетган карталарини қайта тартибга келтирмоқда, қўшимча ҳарбий ёрдамларни олмоқда ва мазҳабпараст ёлланма тўдасини кучайтирмоқда.
Ғарб жангчи гуруҳлар ва умуман одамлар эътиборини режимни қулатишдан буриб юбориш ҳамда уларни бу мақсаддан чалғитиш учун ғаразгўй ахборот воситаларидан, шунингдек, ташвиши Шомдаги мусулмонлар ўртасида жангнинг давом этиши бўлган илмоний сиёсий гуруҳлардан фойдаланди. Улар Давлат ташкилотига қарши курашишни қўзғолончилар олдидаги бирламчи масала қилиб кўрсатишди ва унинг хатарини бўрттиришди. Шунингдек, улар Давлат ташкилотининг мухолифларини даҳшатга солувчи, унинг хатари олдида режимнинг жинояти ва хатарини арзимас қилиб кўрсатувчи жиноятларидан ҳам фойдаланишди. Бу ҳол қўзғолончиларни шимолий районларни турли гуруҳлардан ташкил топган минглаган жангчилар билан ўрашга ундади. Бу курашда бетараф позицияни эгаллаган бир неча гуруҳларни ҳам Давлат ташкилотига қарши курашиш позициясини эгаллашга ундади. Аслида ҳам бу гуруҳларнинг бетарафликни тарк этиб фитнага шўнғишлари, мусулмонларнинг қонига ботиш учун енг шимаришлари ҳамда Американинг шайтоний режасига юришлари ирода қилинган эди. Американинг бу шайтоний режаси курашни золим Башарга ва унинг режимига қарши курашишдан Америка кўз қарашидаги террорга қарши курашга айлантиришдир.
Эй мусулмонлар!
Биз сизга Росулуллоҳ САВнинг
«سِبابُ الْمُسْلِمِ فُسُوقٌ وقِتَالُهُ كُفْرٌ»
«Мусулмонни сўкиш фосиқлик, ўлдириш эса куфрдир», деган сўзларини бир-бирингизга қарши курашиш гуноҳи азим эканига далил сифатида эслатганмиз ва эслатишда давом этамиз. Барчангизга Аллоҳ Таолонинг ушбу оятларини ҳам эслатамиз:
وَلاَ تَنَازَعُواْ فَتَفْشَلُواْ وَتَذْهَبَ رِيحُكُمْ
«Ва (ўзаро) низолашмангизки, у ҳолда сустлашиб, куч-қувватингиз кетур» [Анфол 46]
وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ
«Барчангиз Аллоҳнинг арқонига маҳкам ёпишинг ва бўлинманг» [Оли Имрон 103]
Исломий Давлат ташкилоти ўз қилмишлари нақадар хатарли эканини англамоғи ва мусулмонлар диққатини Асад режимидан чалғитмаслиги керак. Шунингдек, қолган жангчи гуруҳларни ҳам Асад режимини қулатиш вазифаларидан чалғимасликка, бизнинг Пайғамбарлик минҳожи асосидаги ҳақиқий Халифалик давлати соясида Аллоҳнинг шариатини ҳукмрон қилиш фаолиятида ҳамкорлик қилишга даъват қиламиз. Барча гуруҳларни маккор душман уларни бир-бирлари билан уруштириб қўйишни ва Роббилари рози бўладиган мақсаддан эса чалғитишни режалаштирганини тушуниб етишга чақирамиз. Барчамизни жамлаб бирлаштирадиган нарса, ақидамиздан балқиб чиққан битта лойиҳа бўлсин. Зотан, ушбу лойиҳа бирор гуруҳ, ташкилот ёки ҳизб лойиҳаси эмас, балки Пайғамбаримиз САВнинг минҳожи асосидаги Халифалик лойиҳасидир. Бу лойиҳа билан Роббимиз рози бўлади, душманимиз макри қайтарилади, қудратимиз рўёбга чиқади, ишларимиз Ислом аҳкомлари асосида бошқарилади. Бу лойиҳа инсонларни ўз ҳимояси ва адолати билан таъминлайдиган Ислом давлатини ер юзида гавдалантиради. Инсонлар бу давлатдан қочмайдилар, балки хавфсизлик ва адолат излаб бу давлатга оқиб келадилар.
Биз Аллоҳга итоат қилган ҳолда қўлга қурол олган ҳар бир кишига бундай деймиз: Биз ҳамон мужоҳидлардан умид қилиб қоламизки, улар қайта ҳисоб-китоб билан қадам ташлайдилар, душманлари кимлигини аниқ белгилаб оладилар. Шунингдек, улар бирламчи шаръий вазифаларини тартиблаштириб, ҳаракат компасини ростлаб, барчалари Аллоҳ ва Росули яхши кўрадиган, Шомдаги ва барча исломий юртлардаги нафақат мусулмонлар, балки инсонлар манфаатини рўёбга чиқарадиган ишга бирлашадилар. Умид қиламизки, улар рошид Исломий Халифалик давлатини барпо этишга даъват қилаётган Ҳизб ут-Таҳрир аъзолари бўлган биродарлари билан биргаликда ҳаракат қиладилар, уларнинг Китобу Суннатдан истинбот қилинган лойиҳасини қабул қилиб, Умматнинг собиқ қудрати ва улуғлигини қайта тиклайдилар.
وَيَوْمَئِذٍ يَفْرَحُ الْمُؤْمِنُونَ* بِنَصْرِ اللَّهِ يَنصُرُ مَن يَشَاءُ وَهُوَ الْعَزِيزُ الرَّحِيمُ
«Ўша кунда мўминлар Аллоҳ нусрати сабабли шодланурлар. (Аллоҳ) Ўзи хоҳлаган кишиларига нусрат берур. У қудрат ва раҳм-шафқат эгасидир» [Рум 4-5]
Ҳизб ут-Таҳрир 21 шаъбон 1436ҳ
Сурия вилояти 8 июн 2015м
