بِسْمِ اللهِ الرَّحْمنِ الرَّحِيمِ

БМТнинг собиқ вакили бизга икки танловдан бирини, Ҳусийларни қабул қилиш ёки уруш танловини қўйганди, янгиси қандай танлов қўяркин!?

2015 йил 7 май куни БМТнинг Ямандаги янги вакили Исмоил Валад Шайх Риёзга келди. Бу унинг 2015 йил 25 апрелда собиқ вакил Жамол ибн Умар ўрнига тайинлангандан бери қилган биринчи сафари ҳисобланади. Хавфсизлик Кенгашининг 2015 йил 14 апрел кунги Яман масаласида қабул қилган 2216-сонли қарорининг 7-бандига асосан, Жамол ибн Умар ўз лавозимидан кетган эди. БМТ бош секретари Пан Ги Мун Исмоил Валад Шайх Аҳмад «БМТнинг регионал ва халқаро саъй-ҳаракатлари асосида Жамол ибн Умар амалга оширган ютуқлар бўйича қадам ташлайди…», деди. Литванинг БМТ қошидаги вакиласи, Хавфсизлик Кенгашининг аксилтеррор қўмитаси раисаси ҳамда Хавфсизлик Кенгашининг Яманга жазо қўллаш қўмитаси раисаси бўлган Раймонда Мурмокайте хоним ҳам янги вакилни «ўз вазифасини нолдан бошламаслиги кераклигини» таъкидлади.

Исмоил Валад Шайх БМТнинг Ямандаги вакили вазифасига 2015 йил 1 майда янги тайинлангач, биринчи ишни Обаманинг терроризмга қарши кураш масаласи бўйича маслаҳатчиси Лиза Монако билан учрашиш билан бошлади. Лиза Монако унга «Яманнинг кенгқамровли сиёсий ўтиш даври амалиётига муҳтожлиги, бу амалиётда юрт келажагидан манфаатдор барча доиралар иштирок этиши лозимлиги»ни таъкидлади. «Оқ уй» баёнотида ҳам Қўшма Штатларнинг «Ямандаги барча доираларнинг юртдаги тинч бошқарувда ўз роллари мавжуд эканига қаттиқ ишониши» айтилди. Агар коалиция кучлари Санъо аэропортининг учиш-қўниш йўлагини бомбардимон қилмаганда эди, у 2015 йил 28 апрел куни Санъога етиб келиши кутилаётган эди.

Албатта, булар Американинг Яман ишларини бошқаришга қанчалик қаттиқ ҳаракат қилаётганини кўрсатиб турибди. Зеро, Америка Яманга тайинлаган янги вакилига бир қатор вазифалар юклади. Янги вакилга Ҳусийларни 2014 йил 21 сентябрда Санъога кириб келишгандан буён эгаллай олишолмаётган ҳокимият курсиларига олиб чиқиб, мустаҳкам жойлаштириш, кейин, қолган икки сиёсий томонларни диалог ўтказишга тайёрлаш, буни Кўрфаз давлатлари ташаббуси бандлари ва диалог саммити натижалари ҳамда Хавфсизлик Кенгашининг шу сиёсий томонларнинг овозини ўчириш билан боғлиқ қарорлари асосида амалга ошириш вазифаси юклатилди. Шунингдек унга Салмон ибн Абдулазизни Ҳусийлар ва Солиҳга қарши Ямандаги «Қатъийлик Бўрони» коалицияси учоқлари томонидан олиб борилаётган урушни тўхтатишга ҳамда коалиция томонидан Яман ҳавоси ва денгиз портлари устидан жорий қилинган қамални бекор қилишга кўндириш вазифаси топширилди. Америка Валад Шайх олиб келган ушбу нарсаларга Яман аҳлини кўндириш учун юртдаги ҳали уруш бошламаган шаҳарларга ҳам уруш қилиш билан таҳдид қиляпти. 2015 йил 7 май куни БМТ Таиз, Адан ва бошқа шаҳарларда одамлар қонини тўкаётган кимсаларни Женева музокараларига таклиф қилиб ётибди. Шу тарзда бу янги вакил олдимизга икки танловдан бирини қўймоқда, ё Америка лойиҳаларига рози бўлиб, шунча тўкилган қонларимиз билан кифояланишимиз, ёки яна ҳам кўпроқ қонларимиз тўкилиши танловини қўймоқда!!! БМТ 2015 йил 5 май куни Женевада Ямандаги сиёсий доиралар ўртасида ўтказиладиган музокараларга жангариларни ҳам, сиёсатчиларни ҳам чақиряпти. Яъни бу музокарага Риёз томонидан Ямандаги сиёсий доиралар ўртасида музокаралар бошлаш белгиланган санадан, яъни 2015 йил 17 майдан олдин чақирилди.

Одатда БМТ вакиллари низоли минтақаларга Америка манфаатларидан бошқасини рўёбга чиқариш учун кирган эмаслар. Аввалги вакил Жамол ибн Умарнинг вазифаси Ҳусийларни Санъога олиб кириб, армияни уларга қарши уруш қилишга йўл қўймаслик ҳамда тинчлик ва ҳамкорлик битими орқали уларни ҳокимиятда иштирок этишларига ёрдам беришдан иборат бўлган. Буларнинг барчаси унинг Ямандаги элчиси Мэтью Тьюллернинг олқишлари остида амалга ошган. У Ҳусийларга қарши бўлган сиёсий доиралардаги инглизлар тарафдорларини Ҳусийларга рози бўлишга мажбурлади, Ҳусийларга рози бўлишмаса, уруш бўлажаги билан таҳдид қилди!

Дарҳақиқат, Жамол ибн Умар музокаралар масаласида Ҳусийлар билан қайноқ муносабатда бўлиб, Ямандаги қолган сиёсий доиралар билан эса такаббурона муомалада бўлди. У Яманда бошқараётган бу сиёсий амалиёт оқимини ё Америка истаганидек музокаралар ўтказиш ёки уруш, деган икки йўл бўйича белгилади… Америка Ҳусийларнинг Санъода ва бошқа шаҳарларда содир этаётган қилмишларига сукут қилиб, уларни қўйиб берди… Жамол ибн Умар вакиллиги пайтидаги ишлар мана шулар эди. Ҳозир ҳам янги вакил пайтида Ҳусийлар билан Яман сиёсатчиларига нисбатан қўлланган муомала аввалги муомаладан фарқ қилмайди. Шундай қилиб, Яман мустамлакачи кофир қўлида гаров бўлиб қолмоқда, кофир барча доираларни ўз манфаатига хизмат қилувчи тарафга истагандек йўналтирмоқда.

Биз Ҳизб ут-Таҳрир аъзолари Яман аҳлидан ва барча доиралардан ташкил топган сиёсатчиларни БМТ вакилини олқишламасликка чақирамиз. Чунки инсонлар қонининг тўкилиши шу вакилларнинг келишига боғлиқ бўлиб қолган, улар қаерга боришмасин, қирғинлар, ўзаро урушлар келиб чиқади, қаерга боришмасин, фақат Америка манфаатини рўёбга чиқаришади… Мусулмонлар зиммасида БМТ ва унинг вакилларига таянмаслик вазифаси турибди, чунки улар йирик давлатлар, хусусан, Америка манфаатини ўйлашади, мусулмонлар қони уларнинг наздида сариқ чақалик қийматга эга эмас. Шунингдек, мусулмонлар зиммасига Ислом ва унинг аҳкомларини етказиш ҳамда тоғут қонунларидан ҳукм сўраш ўрнига, Роббул оламин нозил қилган ушбу соф покиза аҳкомлардан ҳукм сўраш вазифаси юкланган. Чунки улар тоғут қонунларидан ҳукм сўрашдан қайтарилганлар. Аллоҳ Таоло бундай деди:

أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُواْ بِمَا أُنزِلَ إِلَيْكَ وَمَا أُنزِلَ مِن قَبْلِكَ يُرِيدُونَ أَن يَتَحَاكَمُواْ إِلَى الطَّاغُوتِ وَقَدْ أُمِرُواْ أَن يَكْفُرُواْ بِهِ وَيُرِيدُ الشَّيْطَانُ أَن يُضِلَّهُمْ ضَلاَلاً بَعِيداً

«(Эй Муҳаммад), ўзларини сизга нозил килинган нарсага (Қуръонга) ва сиздан илгари нозил қилинган нарсаларга имон келтирган деб ҳисоблайдиган (айрим) кимсаларнинг шайтонга ҳукм сўраб боришни истаётганларини кўрмадингизми? Ҳолбуки, уларга унга ишонмаслик буюрилган эди. (Чунки) шайтон уларни бутунлай йўлдан оздиришни истайди»    [Нисо 60]

Барчамиз фақат Ислом билангина ҳукм юритиш учун Пайғамбарлик минҳожи асосидаги рошид Халифалик давлатини барпо қилишга биргаликда ҳаракат қилмоғимиз лозим.

Ҳизб ут-Таҳрир                                                                       25 ражаб 1436ҳ

Яман вилояти                                                                          14 май 2015м