بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Босқинчи яҳудийлар билан муносабатларни нормаллаштиришга замин тайёрлаш учун конференциялар ўтказишяпти!

2017 йил 13-15 феврал кунлари Суданнинг Юқори таълим ва илмий тадқиқотлар вазирлигининг халқаро анжуманлар залида ташқи ишлар вазири Иброҳим Ғандур ташаббуси билан «Судан… регионал ва халқаро ўзгаришлар» номли конференция бўлиб ўтди. Унда Исро замини босқинчиси яҳудийлар давлати билан бўлган муносабатларга оид асосан тўртта ҳужжат қабул қилингани эътиборни жалб қилади. Бу ҳужжатлардан бирида ҳозирда Инқоз ҳукумати билан босқинчи давлат ўртасида кетаётган икки томонлама музокаралар ҳақида сўз бориб, яҳудийлар билан яширин алоқаларни давом эттириш зарурлиги таъкидланган.

Конференцияда – унда иштирок этиб сўнг изоҳ бериш учун – Ҳизб ут-Таҳрирнинг икки аъзоси қатнашди. Улар Ҳизб ут-Таҳрир вилоят мажлиси аъзоси устоз Абдуллоҳ Абдурраҳмон, Ҳизб ут-Таҳрирнинг Судан вилоятидаги расмий нотиғи ёрдамчиси устоз Муҳаммад Жоме (Абу Айман)лардир. Иккала устоз ўз сўзларида қуйидагиларни таъкидладилар: Судан ҳукмдорларида юртнинг хорижий кучлар билан бўлган масаласида таслим бўлиш руҳияти мавжуд бўлиб, бу жуда хавфлидир. Уларда ким дўсту ким душман эканини белгилаш принциплари йўқ ҳамда аниқ сиёсий йўлни кўра билмайдилар. Шу сабабдан позицияларини ўзгартиришларига, кўп нарсадан воз кечиб, душманни дўст деб қабул қилишларига тўғри келмоқда. Яҳудийлар давлати эса, ахборот воситалари тасвирлаётганидек, кучли давлат эмас, айниқса, Ҳамас ҳамда Ливандаги Эрон Ҳизби билан бўлган урушларда унинг заифлиги янада фош бўлган.

Иккала устоз ўзлик масаласини ёритиб, – биз ишларга араблар ёки африкаликлар асосида эмас, мусулмонлар сифатида ёндашамиз, мусулмонларда муаммоларни ҳал этишга қодир давлат мавжуд, у ҳам бўлса, Пайғамбарлик минҳожи асосидаги рошид Халифалик давлатидир, дедилар. Йиғилганлар бундай ҳамкорликлардан яхши таъсирландилар. Бу эса Умматда яхшилик мавжуд эканидан дарак беради. Маълумки, шу кунларда яҳудий давлати билан муносабатларни нормаллаштириш ҳақида хабарларнинг пайдо бўлиши битта шахснинг иши эмас. Балки бу нарса жамоатчилик фикрини Инқоз ҳукумати истагига тайёрлаш учундир. Конференцияда бир гуруҳ дипломат ва сиёсий академикларнинг ҳозир бўлгани кузатилди, гўё айни гуруҳни яҳудийлар давлати билан муносабатларни нормаллаштириш жиноятига тайёрлаш учун чақирилгандай… Афтидан, Америка Суданни «террорчи давлатлар» рўйхатидан олиб ташлаш учун унга мана шуни шарт қилган, кўринади.

Шуни алоҳида таъкидлаш лозимки, 2017 йил 18 январ чоршанба куни ташқи ишлар вазири Ғандурга парламентда чиқиш қилганидан сўнг савол берилди. Американинг Судандан иқтисодий санкцияни қисман олиб ташланиши ортидан Хартум билан Тель-Авив ўртасида муносабатлар ўрнатилиши мумкинми, деган саволга дарҳол «Халқаро муносабатларда ҳар нарса бўлиши мумкин», деб жавоб берган эди. Илгари Судан визасида «Исроилдан бошқа ҳамма давлатга», деган ёзув қўйилган эди. Яқинда бу иборанинг олиб ташлангани ҳеч кимга сир эмас.

Биз Ҳизб ут-Таҳрир-Судан вилояти аъзолари юқорида келтирилган фактлардан келиб чиққан ҳолда, Инқоз ҳукуматини яҳудийлар давлати билан муносабатларни нормаллаштириш орқали Аллоҳ, Росули ва мўминларга хиёнат қилишга қадам қўйиш жиноятидан огоҳлантирамиз. Агар шундай қилса, у Судан жанубини бўлиш, Дарфурни бўлишга тайёлаш ва Исро замини босқинчилари билан алоқа қилиш каби жиноятларининг қора рўйхатига яна бир жиноятни қўшган бўлади. Зеро, мусулмонлар қотили бўлган ва ўз қамоқхоналарини мусулмону муслима асирлар билан тўлдириб юборган босқинчи яҳудийлар ҳануз Ислом ва унинг аҳлига очиқдан-очиқ адоват қилиб келишмоқда. Таъкидлаш лозимки, мусулмонларнинг қони ҳам, уруш ва тинчликлари ҳам битта эканини барча мусулмонлар яхши билади. Биз суданликлармиз, Фаластин аҳлига алоқамиз йўқ деяётганлар Набий САВдан ва у кишининг муҳтарам халифаларидан ўзларини ажратиб олсинлар. Чунки бундай кимсалар суданлик эмас. Аммо – биз заиф-кучсизмиз шунинг учун яҳудийлар билан муносабатларимизни нормаллаштирмасак бўлмайди, деяётганларга келсак, билиб қўйишсин-Ислом Уммати заиф эмас. Уммат қўлида Ислом мабдаси, эр кишилар, қуроллар ва ресурслар бор бўлиб, юртлари бойликларга тўла… Агар душман олдида мағлуб анави малай ҳукмдорлар бўлмаганда, қатъийлик бўрони учун кўтарилган учоқларининг ўзи яҳудийларни Фаластиндан чиқариб ташлашга кифоя қилган бўларди. Аллоҳ Таоло Яҳудийларни дўст тутишдан қайтарган ва бундай қилганларни мағлублар эканини таъкидлаган. Аллоҳ нақадар ҳақ-рост сўзлагувчидир:

فَتَرَى الَّذِينَ فِي قُلُوبِهِم مَّرَضٌ يُسَارِعُونَ فِيهِمْ يَقُولُونَ نَخْشَىٰ أَن تُصِيبَنَا دَائِرَةٌ ۚ فَعَسَى اللَّـهُ أَن يَأْتِيَ بِالْفَتْحِ أَوْ أَمْرٍ مِّنْ عِندِهِ فَيُصْبِحُوا عَلَىٰ مَا أَسَرُّوا فِي أَنفُسِهِمْ نَادِمِينَ

«Бас, сиз дилларида мараз бўлган кимсаларнинг «Бизга бирон бало етишидан қўрқамиз», деган ҳолларида улар (кофирлар) томонга шошаётганларини кўрасиз. Шояд Аллоҳ мусулмонларга ғалаба берса ёки ўз ҳузуридан (бу мунофиқ кимсаларни шарманда қиладиган) бирон ишни келтириб, улар ичларида яширган нарсаларига надомат қилувчиларга айланиб қолсалар»  [Моида 52]

Уммат бу воқеалардан шунга аниқ амин бўляптики, бугун исломий оламдаги барча майда-чуйда давлатларнинг Уммат душманларини рози қилишдан ўзга ташвиши қолмади. То Пайғамбарлик минҳожи асосидаги рошид Халифалик давлати барпо этилмас экан, Уммат на халос бўла олсин, на куч-қудрати ва ҳимоясига эришсин. Фақат рошид Халифалик давлатигина мусулмонларнинг босиб олинган юртларини озод этиши ва Ислом Умматига ўз салтанатини олиб бериши мумкин. Ана шунда мусулмонларнинг дунёю охират неъматига ноил бўлиш учун Аллоҳнинг шариати татбиқи билан диллари яйрайди. Бу эса албатта Аллоҳнинг изни ила бўлади.

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

Телефон: 0912377707 – 0912240143

Электрон почта: spokman_sd@dbzmail.com