بِسْمِ اللهِ الرَّحْمنِ الرَّحِيمِ

Бош вазир Кэмеронга йўлланган нота: Бизни бомбардимон қилсанг ҳам ёки бизга тақиқ қўйсанг ҳам барибир, биз динимиз Исломни асло ўзгартирмаймиз ва ундан воз кечмаймиз

Францияда юз берган шафқатсиз қотилликдан кейин Британия ҳукумати Сурияда қўшимча ҳарбий амалиётларни ҳамда «экстремизм» дея аталган номаълум душманга қарши репрессияларни амалга ошириш учун ҳаракатларини кучайтирди. Бу ҳодисалар шундай бир муҳитни пайдо қилдики, бу муҳит асосий ахборот воситаларининг мусулмонларга қарши салбий фикр уйғотишига имкон яратиб берди. Бунга мисол қилиб тўртинчи телеканалнинг «Давлат ташкилотини қўллаб-қувватловчи британиялик аёллардан ниқобни очиб ташлаш» номли программасини ва «The Sun» газетасининг «ҳар 5 британиялик мусулмонлардан 1 таси жиҳодчиларга хайрихоҳ» номли мақоласини келтириш мумкин.

Сизлар қаерга қараб кетяпсиз?

Британия ҳукумати учувчисиз ёки бомбардимончи самолётлари билан ҳарбий амалиётларда қатнашмоқда ва мусулмонлар овозини ўчириш учун кучайтирилган маҳаллий қонунларни ишлаб чиқмоқда. Британия ҳукуматининг бундай сиёсатларидан мақсад умуман олганда халқаро миқёсда Умматнинг  уйғонишига йўл қўймаслик ва хоссатан Британиядаги мусулмонларнинг бутун дунёдаги Уммат билан алоқа боғлаш истагига қарши курашиш ҳамда Умматнинг сиёсий келажакни белгилаб берадиган қарашига эргашиб кетишига тўсиқ қўйишдир.

Давлат ташкилоти Халифалик эмас ва у ҳақиқий Исломий давлат ҳам эмас. Аксинча бу ташкилотдан ҳақиқий Халифалик ёки Исломий давлат тикланиши қаршисида қўшимча тўсиқларни пайдо қилиш учун баҳона сифатида фойдаланилмоқда. Ҳақиқий Халифалик минтақадаги барча халқларни – мусулмонларни ҳам, ғайримусулмонларни ҳам – бирлаштиради, бу халқлар Ислом адолати соясида осуда ҳаёт кечирадиган бўлади. Америка бошчилигидаги коалиция Дамашқда ўзига мақбул альтернатив режимни тиклашга эришгунига қадар минтақани бомбардимон қилиш ва Башарга қарши шаръий урушга чек қўйиш учун баҳона сифатида Давлат ташкилотидан фойдаланилмоқда. У Британиядаги мусулмонларга ва Исломга қарши илгари мисли кўрилмаган қонуний чекловларни жорий қилиш учун фойдаланилаётган баҳонанинг ҳам айнан ўзидир.

Бу бошқарув эмас, аксинча у дўқ-пўписа ва қўрқувга солишдир.

Ҳукумат юритаётган бу сиёсатларнинг зўравонликка йўл қўймасликка ҳеч бир алоқаси йўқ. Аксинча бу сиёсатлардан мақсад исломий эътиқодларни ва қийматларни ман қилишдир. Шу мақсадда улар «сен қанчалик кўп исломчи бўлсанг ва дининг ибодатларини қилиб Аллоҳ Субҳанаҳу ва Таолога қанчалик кўп яқин бўлсанг шунчалик катта таҳдид туғдирасан» деган чўпчакни зўр бериб жар солишмоқда. Шунинг учун исломий ибодатларни қилишдан ҳайрон бўлинадиган ва сўроқ-савол қилинадиган ҳамда диаспорага қарши кетма-кет тезкор чоралар кўриладиган бўлиб қолди. Улар ҳаммани: болалар боғчасидаги болалардан тортиб ҳукумат идораларидаги хизматчи ходимлар, муаллимлар ва врачларгача нишонга оладиган бўлиб қолишди. Улар масжидлар имомларини Исломдаги муҳим масалаларни баҳс қилишдан жуда қўрқадиган қилиб қўйишди, имомлар ўзларига «экстремист» деган тамға ёпиштирилишидан қўрқиб бу масалаларни баҳс қилишдан ўзларини олиб қочадиган бўлишди. Шу мақсадда улар масжидларга ва улардаги болалар мадрасаларига яна ҳужум қилишди.

Британия ҳукуматининг озчилик диаспорага қарши ишга солаётган янада кўп қўрқувга солиш воситалари бу ҳукумат кучини кўрсатадиган ўлчов эмас. Аксинча у ҳукуматнинг мусулмон диаспорани оламдаги Уммат томонида туришдан кўра кўпроқ Британиянинг ташқи сиёсати томонида туришга мажбурлашга уриниши барбод бўлганлигини кўрсатиб турган ўлчовдир. Чунки ҳукумат диаспорани жамиятга қўшилиб кетиш фойдасига ўз исломий қийматларини тарк этиш зарурлигига ишонтиролмади. Ҳукумат арбоблари ўзларини фикрлар хилма-хиллиги, кенгбағирлик жамияти деб аташ жиҳатидан бўлган ўзларининг ўлчовлари бўйича ҳам муваффақиятсизликка учрашди. Чунки улар ўзлари олам бўйлаб жар солиб тарғиб қилишаётган қийматларнинг ўзини поймол қила бошлашди. Балки улар ҳатто аниқ кўрсатиб бериш ёки ҳимоя қилиш мумкин бўлмайдиган «илмоний озодлик қийматлари устунлиги» борасида чин-ҳақиқий диалогга киришишда ҳам муваффақиятсизликка учрашди.

Британ ҳукуматининг мусулмон фуқароларга нисбатан бўлаётган муносабати аслида мабда жиҳатидан Путиннинг Россиядаги мусулмонларга нисбатан бўлаётган муносабатидан асло фарқ қилмайди.

Бу озодлик эмас, аксинча мажбурий ўзгаришдир.

Британия, Америка ва уларнинг иттифоқчилари Ироқ, Афғонистонда «эркинлик ва демократияни» ўрнатишга уриниб муваффақиятсизликка учрашди. Ҳозирда эса улар Сурияда муваффақиятсизлик сари юз тутишмоқда. Сурия қарийб беш йилдан бери қонли низо ботқоғига ботиб келмоқда. Чунки 250.000дан кўпроқ суриялик ўлдирилди, илмоний диктатор таҳдидига учраган 11 миллион киши эса сарсон-саргардонликка гирифтор қилинди. Халқаро ҳамжамият улардан воз кечди (бу ҳамжамият Асадни – ҳатто бу қонхўр диктатор ўн минглаб одамларни қатл қилишни бошлаганидан кейин ҳам – қўллаб-қувватлашда давом этди). Шундан кейин одамлар Аллоҳга илтижо қилишди ва бу низомни тубдан ўзгартириб унинг ўрнига исломий қийматларга асосланган бошқа низомни ўрнатишга қасамёд қилишди. Ҳозирда ана шу «халқаро ҳамжамият»нинг ўзи очиқ-ошкор равишда Асад томонида турибди ёки (уларнинг ўзлари айтишаётганидек) «Асад режимининг элементлари» томонида турибди.

Эй азиз биродарлар ва опа-сингиллар!

Бу сиёсатлардан мақсад Британиядаги мусулмон диаспорага қарши террор юргизиб уни таслим бўлишга мажбур қилишдир. Яна бир мақсад Суриядаги мусулмонларни – уларни савдолашиб келишишга мажбурлаш учун – бомбардимон қилишдир.

Улар ҳеч шубҳасиз мусулмонлар овозини ўчириш учун юргизилаётган сиёсатлардир. Буни «экстремизм»га йўл қўймаслик ва қарши курашиш қонунлари орқали амалга оширишмоқда. Бу қонунлар «терроризм»га йўл қўймаслик учун эмас, аксинча Исломни ман қилиш учун ишлаб чиқилган.

Улар Парижда юз берган қатл жиноятларидан масхара қилиш тарзида фойдаланишди. Айни пайтда «Ислоҳот» деган нарсани пайдо қилиш учун ахборот воситаларида соқол ва аёллар либосини терроризмга боғлайдиган юзаки шарҳлар берилди. Бундан мақсад Исломни хунук кўрсатишдир ёки бизни Исломдан воз кечишга мажбур қилишдир.

Бизнинг нотамиз мазмуни жуда аниқдир:

Биз динимиз Исломдан асло воз кечмаймиз! Чунки биз ақлимиз қаноатланган ва қалбимизда чуқур томир отган нарсадан воз кечолмаймиз.

Динимиз Исломни ўзгартиришимиз асло мумкин эмас! Чунки Ислом Аллоҳ Таоло томонидан Росули САВга юборилган ваҳийдир. У бизга қандай нозил қилинган бўлса шундай, ҳақиқий, тўғри ҳолда нақл қилиниб етиб келган.

Бизнинг мусулмонлар сифатидаги ролимиз:

Бу душманлик сиёсий режаларни фош қилиб ташлаш билан бир қаторда ва баъзилар тақиқлаб ман қилишга уринаётган исломий қийматларга маҳкам ёпишиб қаттиқ амал қилиш билан бир қаторда мусулмонлар бу зулматларнинг барчаси шароитида ўзларига бир ижобий ролни топишлари вожиб.

Бизда бошқаларга беришимиз лозим бўлган ижобий нарса борлигини доимо ёдимизда тутмай фақат эътиқодларимиз ва қийматларимизни мудофаа қилишга интилишимизнинг ўзигина кифоя қилмайди.

Британияда бўлаётган ҳодисалар олам бўйлаб олиб борилаётган ўйиннинг бир жузи эканини тушуниб етмай эътиборимизни фақат Британиягагина қаратишимиз тўғри бўлмайди. Чунки  бугун Суриядаги жараёнлардан воз кечсак эртага Фаластин, Кашмир ва Афғонистондан воз кечамиз.

Исломни капиталистик, илмоний эркинлик йўли билан мувофиқлаштириш учун ва сиёсий бўлмаган, балки эркинлик деган нарсага қулларча бўйин эгадиган шахсий, руҳий «ислом»ни, оламий бўлмаган, балки аввало британча бўладиган «ислом»ни пайдо қиладиган ислоҳот амалиётини ўрнатиш учун тайёрлаб қўйилган программалар турган бир пайтда бутун эътиборимизни фақат Исломнинг бир жузинигина ҳимоя қилишга қаратишимиз тўғри бўлмайди.

Аллоҳ Таоло Ўз Росули САВни одамларни зулматлардан нурга олиб чиқиш учун мукаммал ҳаёт минҳожи-йўли сифатидаги Ислом дини билан пайғамбар қилиб юборди.

Британияда бугун мусулмонлар ва ғайримусулмонлар яшашмоқда. Улар йирик давлатлар бойлик талашиб кираётган ниҳоясиз урушлар кетаётган бир оламда яшашмоқда. Бу оламда бошқаларнинг куч ва меҳнатидан сув текинга фойдаланаётган ва бойишга муккасидан кетган бир ҳовуч бойлар ҳукмронлик қилмоқда. Бу кимсалар ўзларининг инсонлару экин-тикинлар, табиату ҳайвонот дунёсининг вайрон бўлишига сабаб бўлишаётганидан кўз юмишмоқда. Бу оламда одамлар бир-бирларидан узилиб яккаланиб яшашмоқда. Бу оламда ирқий ажратиш, камситиш тобора авжига чиқмоқда. Шу сабабли кўп оқил кишилар бир-бирларига башарият ихтиёрида буларнинг барчаси ўрнига яхши бўлган бир альтернатив йўқми?! – деган саволни ташлашмоқда.

Ҳа, шундай! Биз исломий диаспорадагилар бу ерда улар билган нарсадан кўпроқ нарса борлиги ва улар билган нарсадан яхшироқ нарса борлиги тўғрисида уларга умид беришимиз, бағишлашимиз мумкин. Бу ерда ақл ва фикр асосига қурилган турмуш тарзи борлиги тўғрисида, бойлик учун урушлар бўлишига ёки ирқий камситишга ёки иқтисодий текинхўрликка йўл қўймайдиган турмуш тарзи борлиги тўғрисида уларга умид бағишлашимиз мумкин. Бу ерда одамларни оилалар, қўшнилар ва диаспоралар сифатида тинч-тотув яшашга тарғиб қиладиган яшаш тарзи борлиги ҳақида уларга умид бағишлашимиз мумкин. Бу ерда одамлар шу дунё ҳаётида қилган ишлари бўйича охиратда ҳисоб қилинишларини таъкидлайдиган яшаш тарзи борлиги ҳақида уларга умид бағишлашимиз мумкин. Бундай ҳаёт тарзида ҳеч ким – ҳатто мусулмонлар халифасининг ўзи ҳам – Аллоҳ барча одамлар учун рози бўлган Аллоҳ шариатидан устун бўлмайди. У Исломий ҳаёт тарзидир. Бу ҳаёт тарзига эса фақат Халифалик давлати бўлсагина эришилади. Халифалик башарият муаммоларини ҳал қилиш учун Ислом муолажаларини татбиқ қилади.

Аллоҳ Субҳанаҳу ва Таоло шундай дейди:

الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِيناً

«Бугун сизларга динингизни комил қилдим, неъматимни бенуқсон, тўкис қилиб бердим ва сизлар учун (фақат) Исломни дин қилиб танладим»    [Моида 3]

Ҳизб ут-Таҳрир                                                                     17 сафар 1437ҳ

Британия                                                                                29 ноябр 2015м