Бу жамиятда поклик жиноятми?

بِسْمِ اللهِ الرَّحْمٰنِ الرَّحِيم

Кундек равшанки, мусулмонлар диёри бўлган Ўзбекистонда шармандаликнинг ҳар турига на таъқиб ва на тақиқ бор. Йигит-қизлар ярим яланғоч ҳолда ҳар жойда айтмоққа тил ожиз ишларини қила олади. Нопок сўзлар уларнинг севимли луғатига айланиб улгурган. Қиморхоналар, чилимхоналар, фаҳшхоналару чўмилиш масканлари “қаҳрамонлари”ни бирор кимса тунда ҳам, кунда ҳам безовта қилмайди. Ушбу шармандали ҳолат шу даражага етдики, ҳатто бундай ишлар телевизион кўрсатувларда очиқ-ойдин муҳокама қилинадиган, ҳаром ишлар видео ёки аудио шаклда интернет тармоғида тарқатиб юбориладиган бўлди.

Аммо борлиқни йўқдан яратган Аллоҳ Таолога муҳаббатли муслим ва муслималарнинг ҳар бир ҳаракатлари назорат остига олинган, Қуръондан таълим олишдан то кийимларигача аралашиб чеклов ва таъқиқлар жорий қилинган. Аллоҳнинг динидан бир нарсани ўргатаётганлар энг ашаддий жиноятчига айланган. Бунинг сабаби нима? Ҳукуматдагилар кимлар ўзи? Улар мусулмон эмасмилар?

Кўз ўнгимизда сўнгги ўттиз йилда содир бўлган ва афсуски ҳануз давом этаётган воқеаларни енгилгина кузатган киши аниқ хулоса қила оладики, бу юрт устидаги ҳокимлар Аллоҳнинг, Росули ﷺнинг, динимизнинг, мўминларнинг ва барча халқнинг душманларидир. Мустақилликни даъво қилиб, халқни ишонтирган биринчи президент ўз тахтига мустаҳкам ўрнашиб олгач, халқимиз ичидаги барча қатламни таниб олиш учун бироз эркинлик берди. Рус мустамлакаси бўлган Ўзбекистон халқи ўзининг динига бўлган муҳаббати туфайли унга ўта харислик билан талпиниб, уни ўрганишга шиддат билан киришиб кетди. Бу юртнинг устига келган айёр раҳбар миллатнинг барчасига душман бўлса-да, курашни эл севган диний олимлар жамлаган жамоаларни турли ном ва атамалар билан халққа танитиб олгач, уларнинг қўли билан қўпорувчилик, портлатиш ишларини саҳналаштирди. Шундан сўнг оммавий қамоққа олишни бошлагач, улар ҳақида: “Буларга кенг имкониятлар бериб, совет давридаги беркитиб қўйилган масжидларини очиб берсам, ношукурлик қилиб менга суиқасд қилишди”, – деган ёлғонлар билан халқни алдади ва минглаган мусулмонларни қамоққа ташлаб, ҳатто қийноқлар билан қатл қилди. Унинг мусулмон эмас, балки яҳудий, кофир эканлигини варақаларида фош этган Ҳизб ут-Таҳрир йигит-қизларини шиддат билан аёвсиз қийноқларга солиб ўлдирди, қамади ва ҳозиргача қамоқларда сақлаб келинмоқда. Содда халқ орасида тинимсиз ташвиқотларни телевидения ва матбуотларда олиб бораркан, уларни бузғунчилар, террористлар, экстремистлар, ваҳҳобийлар, ҳизбийлар ва ҳоказо атамалар билан танитиб, гўё ўзини бутун халқнинг умумий душмани эканини яширди. Бу ишларни амалга оширишда дин борасида халққа “насиҳат” қиладиган сарой уламоларини етиштириб чиқариб, улардан ўзининг Ислом ва мусулмонларга нисбатан ёвуз сиёсати йўлида фойдаланди.

Содда халқ орасидан мард ва жасур ўғлонларни қамаб, ўлдириб, қувғин қилиб “тозалагач”  аста-секин оқ дўппи-ю, жойнамоз эгаларига ҳам қаршилигини яширмади. Уларни ҳам таъқиб қилишдан уялиб ўтирмади. Золим режим халқни етакчи зиёлиларини қамаб, қатл ва қувғин қилиб, қолган содда халққа қўрқувни ҳукмрон қилди. Миллат золим режимдан қўрқди, юракларини ҳовучлаб яшай бошлади. Режим ижодкори бўлган кофир, яҳудий Каримов хорларча ўлгач, ўрнига келган президент ҳам бироз юмшоқлик сиёсатини юргизиб халқда озгина умид учқунларини пайдо қилган бўлса-да, аммо бугунги қадамлари туфайли миллат яна золим Каримов бичиб берган қўрқув чопонига бурканиб олди….

Сиз азиз халққа яқин ўтмишнинг даҳшатли саҳросидан бир ҳовучинигина қайта эслатар эканмиз, шу ўринда золим ҳукуматнинг меросхўр раҳбарига ва оммага мурожаат қилишга ҳақлимиз, деб ўйлаймиз.

Эй, сиз ҳукумат раҳбарлари ва сарой уламолари! Бузуқликка, фаҳшга кенг йўл бериб, муқаддас динимизга ҳамда муслим ва муслималарга қилаётган туҳмат ва ёлғонларингизни, зулмингизни тўхтатинг! Аллоҳ Таолонинг мана бу оятидаги одамлар сафига қўшилиб қолишдан эҳтиёт бўлинг:

 وَمِنَ النَّاسِ مَن يَقُولُ آمَنَّا بِاللّهِ وَبِالْيَوْمِ الآخِرِ وَمَا هُم بِمُؤْمِنِينَ + يُخَادِعُونَ اللّهَ وَالَّذِينَ آمَنُوا وَمَا يَخْدَعُونَ إِلاَّ أَنفُسَهُم وَمَا يَشْعُرُونَ + فِي قُلُوبِهِم مَّرَضٌ فَزَادَهُمُ اللّهُ مَرَضاً وَلَهُم عَذَابٌ أَلِيمٌ بِمَا كَانُوا يَكْذِبُونَ

“Ва одамлардан “Аллоҳга ва охират кунига иймон келтирдик”, дейдиганлари бор. Ҳолбуки, улар мўмин эмаслар. Улар Аллоҳни ва иймон келтирганларни алдамоқчи бўларлар. Ҳолбуки, сезмаган ҳолларида фақат ўзларини алдарлар. Қалбларида касал бор. Аллоҳ касалларини зиёда қилди. Ва ёлғон гапирганлари учун уларга аламли азоб бор”.                                                (Бақара:8-10)

Эй азиз халқ, устингизда сизни ҳақиқий маънода уйғонаётганингиздан қўрқиб, қалтираб турган қонхўр жаллод ҳукумат турибди. Унинг қўрқувдан тунлари ҳам уйқусиз кечмоқда. Золимлар қўрқуви сизнинг Роббингиздан, динингиздан, яқин кунда ҳаётга қайтажак Халифалик кўринишидаги эзгулик Давлатидандир. Шу боис сизга барча яхшилик эшикларини терроризмга олиб борувчи йўл, дея чалғитмоқдалар. Улар покликдан сизларни қўрқитмоқдалар. Муслима қизларингизни рўмолини бошидан юлиб оладиган, улуғларингизни соқолларигача осиладиган, аммо зино, қимор, рибо ва фаҳшга тарғиб қилувчи бу ҳукуматнинг қўрқуви покликдандир.

Дин ғамидаги, сизнинг ташвишингиз ечимини таклиф этувчиларни террорист дея қамаб, қатл қилиб, қувғин қилса ишондингиз, аммо қизларингизни бошидаги рўмолигача тақиқ қўядиган бу “тинчлик” даъвогарлари ҳукмронлигида поклик, эзгулик жиноят саналганлигидан ғафлатдамисиз? Эртангиздан, тарихда хор тамғалар билан эсланадиган авлод бўлиб қолишдан уялмайсизми? Уйғонишдан, азизликдан бунчалар қўрқасиз? Ахир, сиз буюк умматнинг бир бўлагисиз. Демакки, ўша азизликка, бир бутун вужудга қайтмоққа қадам ташламоқ бугунингиз заруратидир. Токи, келажакда зурриётларингиз сизларни яхшилик билан эслаб, фахр ила тилга олсинлар!

Ҳизб ут-Таҳрирнинг Ўзбекистондаги матбуот бўлими аъзоси Зайниддин

18.09.2021й